DOSECHO 17:31 - Wanaadi A'deddu

³¹ Töwö Wanaadi cuncu’nä’täi soto emmencato’como anootoi’chädö. Chäänönge töwö nemmencajaato’de ñäädä dhanwa emmencaneichomooje töne’tädö wwä. Yääje yeichojo tacaade cönnöi yäämaajo jonno ñäädä dhanwa adoncadö que; quee cönä’döaacä Paudo Ateena ñancomo wwä.

DOSECHO 17:31 ပူးပေါင်းရင်းမြစ်များ

MATEO 10:15

Chäänönge yääje wä’döa äwwäiñe, tönwanno imaaminchadööcomo jooje’cä na’de yaawä wätämmencajootojo anooto awä, Sodhooma ñancomo maminchadööcomo e’jodhe’cä, Comooda ñancomo maminchadööcomo e’jodhe’cä mmaja.

MATEO 24:14

Aashichaato wätunnä, yää Wanaadi töcaajichaanaije tödöödö jäcoono, nätääcammajä’a’de tameedä jata weichö wa’cä, tameedä sotoocomo netaadöcoomoje. Yaawä jeene na’de anooto wataamedö.

DUUCA 22:22

Soto nnedö nä’döja’de töwä’döjootojo nönge dea. Yaawääne’ wentumje na’de ñäädä Soto nnedö u’nei’jödö; quee cönä’döaacä Jesuuquidiito.

JUAN 12:48

Ñäädä quiiñeme’nei, ya’deddu ämjummajöönö, nätämmencaja’de. Anooto wataamedaawä töwö nätämmencaja’de yää eduuwa töwa’deuwe wääneneedö eta’jödö weijäcä töwwä.

JUAN 16:10

Jaaja döiña öötädö yää chäänönge weiñä eneejotoojo; ööta’jäcä änwanno yeene’da maato’de.

JUAN 5:27

Töwö cuntui chea chäwwä soto emmencato’como, Soto nnedööje yeijäcä.

DOSECHO 17:18

Yäätä cönä’ja’to anejjacoomo eepicuudeo wätunnäichomo jäconcomo woowanoomadö, etoico wätunnäichomo jäconcomo woowanoomadö mmaja. Ñanno cöna’deuwa’to Paudo jadä. Dhantai cönä’döa’to: —¿Aaquene nä’döaanä määdhä töwentaame’cato? quee. Anejjacoomo ’quene cönä’döa’to: —Töwö necammajä’a anejjeja’como wanaadi jäcä; quee cönä’döa’to. Tönwanno yääje cönä’döa’to Jesuuquidiito jäcä Paudo wwä ecammajäätödö e’nei, töwäämaajo jonno waadoncanä jäcä ecammajäätödö e’nei mmaja.

DOSECHO 17:32

Yaawä ñanno soto wwäiñe yäämaajo jonno waadoncanä jäcä ecammajäätödö eta’jäcä, dhantai tönwanno cönenno’jä’a’to. Anejjacoomo ’quene edääje cönä’döa’to Paudo wwä: —Aneedawä anooto awä mädä jäcä dea aneecammajäätödö ñaa neta’dede; quee.

DOSECHO 17:6

Paudo aneedantä’da töweijäcäiñe Jasón mma cöni’ji’chöicho yaawä, anejjacoomo quedeiyente mmaja. Yää jata acu’shänäi’chädö döiña cönaadoicho; cönä’döa’to: —Canno dhanwaacomo tameedä nono weichö wa’cä ansu’dännamo sadä daja cöneejoto dea.

DOSECHO 2:32

Ñäädä dea Jesuuquidiito Wanaadi cönaadoncai yäämaajo jonno; tameedä ñaa owaanäcä yääje yeichö, eneetö’da.

DOSECHO 4:10

Yääje yeijäcä aneetadööcomooje ñaa necammajä’a, tameedä iisadaaediitacoomo dhowaanäcäiñe yeichö wetä Jesuuquidiito Naasade ñano eetö joi määdhä mene’maatoodö waadonca’jödö yeichö. Ñäädä dea Jesuuquidiito änwanno majoijotääne cuduusa jäcä. Wanaadi cönaadoncai yaawä yäämaajo jonno.

DOMAANO 2:16

Yää anooto awä töwö Wanaadi Jesuuquidiito wwä nemmencaja’de tameedä tacaademjönö soto nödöödöcoomo. Mädääje na; mädääje dea aashichaato wätunnä töneecammajä’e wäänene.

DOMAANO 2:5

Töwäätuujacoone’da aweijäcä dajaane aweichö änsa’dumincha’da ma; yääje yeijäcä äwäätä’maminchajootojo mejoodöja wätämmencajootojo anootoi’chadö jona tödööene. Yää anooto awä Wanaadi neneeja’de chäänönge tönemmenca töweichö.

1 CODINTIYO 4:5

Yääje yeijäcä awa’dennodä’daane emmencatääcä. Cajiichaana neejö’ñojo awa’de, yaawä töwö jaiñoone necaademe’ca’de tameedä tööjato aca etoone’taajä. Töwö necaademe’ca’dede tameedä soto tö’tajäätödööcomo; yaawä Wanaadi chääwaadäiñe niya’deme’caato’de iiñö’jocoomo ’cäwa’cä.

2 CODINTIYO 5:10

Tameedä cä’mencajaato’de Quidiito wwä; yaawä cöwaadäiñe cäje’jocoomo queiyato’de chäwwä, edä nono de’wä cönnö’jocoomo jäcäinchädä, aashichaato jeiñe mma, conemjönö jeiñe mma.

2 TIIMOTEO 4:1

Edääje mänwätuuja Wanaadi owaadäädä, Jesuuquidiito owaadäädä mmaja. Ñäädä Jesuuquidiito cajiichaanaje ne’a’de tameedä nudo’como emmencadööcomo wetä, yä’ja’a’como emmencadööcomo wetä mmaja. Ñäädä owaadäädä edääje wä’döa äwwä:

EEWEDEO 6:2

wautisaaje wä’döjoonä jäcä mmaja, quedeiyente de’wä tamäädö tödöödö jäcä mmaja, yä’ja’a’como waadoncato’como jäcä mmaja, yeichöödoto wätä’maminchajootojo jäcä ecammajäätödö mmaja.

2 PEEDHODO 3:7

Wanaadi a’deddu woije mmaja edä caju eduuwa naadö tödhau’cwaamöje tösooma na, edä nono mmaja. Yaawä nä’dhau’cwaja’de, wätä’maminchajootojo anootoi’chädö awä, Wanaadi woijemjöncomo nä’ja’aato’dedö awä.