DOSECHO 17:3 - Wanaadi A'deddu

³ Wanaadi a’deddu imennaajä jäcä ecammajä’ancädä töwö cöneecammajä’acä chäwwäiñe jenaado’jä jonnoto’jödöödä Quidiito wäntunaanö’tojo dea yei’jödö, töwäämaajo jonno yaadoncatoojo mmaja. Töwö töwä’döe cönä’jaacä chäwwäiñe: —Ñäädä dea Jesuuquidiito, äwwäiñe töneecammajä’e wääneneedö, Äwaanacaaneije na; quee Paudo töwä’döe cönä’jaacä.

DOSECHO 17:3 ပူးပေါင်းရင်းမြစ်များ

DUUCA 24:32

Tönwannoje dea cönä’döa’to yaawä: —¿Cajoojoi jönca ñeecammajäätödö, ääma taawä cöwwä ya’deuwödaawä, Wanaadi a’deddu imennaajä wä’dödö jäcä cöneetadööje ecammajäätödaawä mmaja? quee cönä’döa’to.

DUUCA 24:44

Yaawä töwö cönä’döaacä chäwwäiñe: —Yää öwö jääcä cöneeja’dätäichö cönä’jaacä ajaadäiñe weichö töneecammajä’e wä’jaaquennö nönge dea. Öwö äwwäiñe töneecammajä’e wä’jaaquene jääcä Moisé nimennä’jödö töweeja’dä’emooje yeichö, Wanaadi wa’deuwödö ecammannamo nimenno’jocoomo töweeja’dä’emooje yeichö mmaja, Wecanta’ñotoojo jajeedai’chädö jäcä naadö mmaja; quee cönä’döaacä Jesuuquidiito.

DUUCA 24:46

Töwö cönä’döaacä chäwwäiñe: —Mädääje Wanaadi a’deddu imennaajä na. Mädääje Äwaanacaanei wäntunaanö’tojo cönä’jaacä, aaduwaawä anoototo ai töwäämaajo jonno yaadoncatoojo mmaja.

JUAN 20:9

Tönwanno äntö’tammecö’da dea cönä’ja’to Wanaadi a’deddu imennaajä wä’dödö töwäämaajo jonno Jesuuquidiito waadoncatoojo jäcä.

DOSECHO 1:4

Chääjadäiñe töweichö dea Jesuuquidiito cönä’döaacä ñanno anonta’como wwäiñe: —Mötäätäi’che Jeduusadén ñanno. Yäätä yoomo’täcä’de äwwäiñe Jaaja necamma’jödö, yää äwwäiñe töneecammajä’e wä’jaaquennö.

DOSECHO 18:28

Tameedä soto netaadöcoomoje töwö töneecammajä’e cönä’jaacä judhío wätunnäichomo chäänönge’da yeichö jäcä. Wanaadi a’deddu imennaajä a’de’tancädä töwö töneecammajä’e cönä’jaacä Jesuuquidiito Äwaanacaaneije yeichö, näädä tönwomo’que cönä’ja’todö.

DOSECHO 18:5

Yaawä Maasedooniya ñanno Siida, Tiimoteo wä’döa’comjäcä Wanaadi a’deddu ecammajäätödö jäcä mma Paudo töweetadaawa’cajo cönä’jaacä. Judhío wwäiñe jooje töneecammajä’e cönä’jaacä Jesuuquidiito Äwaanacaaneije yeichö, ñäädä ñanno judhío tönwomo’que cönä’ja’todö dea.

DOSECHO 3:18

Mädä ännö’jocoomo que chäänönge cönä’döi jenaadä Wanaadi necamma’jödö, yää töwa’deuwödö ecammannamo wwa cöneecammajoi. Edääje töwö cöneecammajoi chäwwäiñe: “Äwaanacaanei töwäntunaanö’emööje na;” quee.

DOSECHO 9:22

Yääje yeichaame Saudo jooje’cä mma töneecammajä’e cönä’jaacä Jesuuquidiito Äwaanacaaneije yeichö. Töwö judhío Damaacu ñancomo töneeta’jöichajoojä’eiñe cönä’jaacä.

CAADATA 3:1

Änwanno jimmä, Cadaasiya ñancomo, ¿aaquene mädä wa’cä aneene’jutu’da maato? ¿Änääcö ä’jedäätäne chäänöngato wätunnä woije’da aweichöcoomo wetä? Aneetadööcomooje ñaa cöneecammajäätöi Jesuuquidiito cuduusa jäcä yääma’jödö. Yää cönä’jaacä äwwäiñe eneedö wa’cä.