DOSECHO 17:20 - Wanaadi A'deddu

²⁰ Ñaa owaanojöönö mädä; yääje yeijäcä towaanäcä tödö’se ñaa na; quee cönä’döa’to Paudo wwä.

DOSECHO 17:20 ပူးပေါင်းရင်းမြစ်များ

MAADOCO 9:10

Yääje yeijäcä ñoowanoomadö töwwäädäiñe mma cönnöicho yää. Tönwannoje dea töwäätäcamma’jo cönä’ja’to: —¿Aaquene töwä’dö’se yeichö mädä “töwäämaajo jonno waadoncanä”, quee cönä’döa’dö? quee töwäätäcamma’jo töweiye cönä’ja’to.

JUAN 6:60

Yää eta’jäcä ñoowanoomadö wwäiñe tönwanno dhantai cönä’döa’to: —Äätaque’jönö mädä ecammajäätödö. ¿Änääcö mädä etaajai ñai? quee.

DOSECHO 10:17

Yää jäcä Peedhodo cöntö’tajä’acä yaawä: ¿Aaquene töwä’dö’se yeichö mädä? quee. Yääje chö’tajäätödaawä ñanno Conneediyo anoonö cönä’döicho mönaatata döiña Simón jäcä ecamma’jancädä.

DOSECHO 17:19

Yaawä tönwanno Paudo cönaadoicho Aadeoopaco döiña, yää töwe’jummato’como döiña. Tönwanno cönä’döa’to yaawä chäwwä: —Eta’se ñaa na mädä aneecammajäätödö, aneeta’da ñaa naadö.

DOSECHO 17:21

Ñanno Ateena ñancomo, iiñancomo wejaata’ta’como mmaja, yeichöcoomo cönä’jaacä anejja wätunnä töneecammajä’e weiñäje, töneetadööcomoojönö etaajätö’se mmaja. Yää jäcä mma töwoowoincha cönä’ja’to, anejja ännö’da.

DOSECHO 2:12

Tönwanno töwääcatonca cönä’ja’to töweicho’como ’je’da tödööene; tönwannoje dea cönä’döa’to: —¿Aaquene töwä’dö’se yeicho mädä? quee.

1 CODINTIYO 1:18

Cuduusa jäcä Quidiito wääma’jödö jäcä ecammajäätödö na i’jeta’jödö nönge ñanno töwännanö’aamo wwäiñe; cönwanno töwääwanaacaamo mmaane cowaanäcäiñe na Wanaadi jäduuduje yeichö.

1 CODINTIYO 1:23

Yääje yeichaame ñaa töneecammajä’e weneene Quidiito, ñäädä cuduusa jäcoono wääma’jödö. Yää ecammajäätödö na judhío cone’da yä’döjooto’comooje, judhíojöncomo wwäiñe ’quene na i’jeta’jödö nönge.

1 CODINTIYO 2:14

Ñäädä Epíiditu Santo woijemjönö Epíiditu Santo nödöödö tömjo’ma weneene, i’jeta’jödö nönge yeijäcä chäwwä. Töwö yää etaajai’cha na, Epíiditu Santo ni’wa’tädö queene yää chö’tammecöödö yeiyajä.

EEWEDEO 5:11

Yää jäcä jooje sö’jato täcammajä’emö töweiye naadö’je ñaa wwä; yaawääne’, äwwäiñe ecammaque’jönö na, aashicha etaajai’chaane aweiya’como.

1 PEEDHODO 4:4

Ñanno Wanaadi dhowaanojöncomo cone’da töwä’döjo weneeneto chääjadäiñe yää mänseedä dejaato conemjönö ännö’da aweichomjäcä eduuwa. Yääje yeijäcä cone’da äjääcäiñe töwa’deuwe weneeneto.