DOSECHO 17:2 - Wanaadi A'deddu

² Yaawä töweichö nöngeedä Paudo cöntämä we’jummatoojo taca. Aaduwaawä semaana töwö cöneecammajäätöi chäwwäiñe, wäädeetatoojo anooto waadäi.

DOSECHO 17:2 ပူးပေါင်းရင်းမြစ်များ

MATEO 26:24

Soto nnedö nä’döja’de töjääcä imennaajä naadöje dea. Yaawääne’ wentumje na’de ñäädä Soto nnedö u’nei’jödö. Ennu’da mmaane töwö eijai yei’jödö; quee cönä’döaacä.

DUUCA 4:16

Naasade ña Jesuuquidiito cöntämä yaawä, töwennejenca’jödö ña. We’jummatoojo taca cönoomomöi wäädeetatoojo anootoi’chädö awä, töweichö nöngeedä. Töwö cönammöi yaawä Wanaadi a’deddu imennaajä a’de’tädö wetä.

JUAN 18:20

Jesuuquidiito cöneccujä’acä: —Tameedä soto netaadöcoomoje töneecammajä’e wä’jaaquene. Tönoowanoomaiñe wä’jaaquene we’jummatoojo taca, Wanaadi weichojo taca mmaja, yää tameedä judhío we’jummato’comooje weneenedö. Tacaade’da a’deuwö’da töweiye wä’jaaquene.

DOSECHO 13:14

Yää ’jeje Peedeje ñanno Paudo cöntonto yaawä Antiyooquía ña, yää Pisiidiya ñano jata. Iiña we’jummatoojo taca cönoomomöicho wäädeetatoojo anooto awä; cönaatajiimaicho yaawä.

DOSECHO 13:5

Yaawä Saadami ña töwä’döa’comjäcä Wanaadi a’deddu cöneecammajä’a’to judhío we’jummato’como taca. Juan mmaja chääjadäiñe cönä’ja’dea, i’wa’täneichomooje.

DOSECHO 14:1

Yääje mma yaawä Icooniyo ña Paudo wä’döa’comjäcä Waanawé acä a’nädä cönoomomöicho judhío we’jummato’como taca. Yaawä chäwwäiñe jäduuje Wanaadi a’deddu ecammajäätödö weijäcä jooje judhío cöneecamjöicho, judhíojöncomo mmaja.

DOSECHO 17:10

Yaawä coijai yä’döa’jäcä Wedeea ña quedeiyentecoomo Paudo cönenno’jaicho, Siida mmaja. Iiña Paudo wä’döa’comjäcä judhío we’jummato’como taca cönoomomöicho yaawä.

DOSECHO 17:17

Yääje yeijäcä we’jummatoojo taca töwa’deuwe töwö cönä’jaacä judhío wwäiñe, anejjacoomo Wanaadi ya’deme’nnamo wwäiñe mmaja. Anooto waadäi töwa’deuwe cönä’ja’dea jödoodo aca, yäätä ye’jumma’como wwäiñe.

DOSECHO 18:4

Wäädeetatoojo anooto waadäi Paudo töötä cönä’jaacä we’jummatoojo taca. Iiña töneecammajäätödö que judhíocoomo töncana’caiñe cönä’jaacä, judhíojöncomo mmaja.

DOSECHO 19:8

Yaawä we’jummatoojo taca Paudo töötä cönä’jaacä aaduwaawä nuunä. Yäätä jäduuje töneecammajä’e cönä’jaacä. Töwö töwa’deuwe cönä’jaacä Wanaadi töcaajichaanaije tödöödö jäcä.

DOSECHO 24:25

Yaawä Paudo cöneecammajäätöi chäwwäiñe chäänönge weiñä jäcä, towaadäädä weiñä jäcä mmaja, wätämmencajootojo anootoi’chädö jäcä mmaja. Yaawä Jeedi cönääcatoncai; cönä’döaacä Paudo wwä: —Chääwa’cä na; äjääne eduuwa. Aneedawä anooto awääde mana’dejja’de, täde weichö woije; quee cönä’döaacä.

DOSECHO 28:23

Yaawä töwe’jummato’como anooto cuncu’nä’toicho. Yää anooto awä jooje soto cöne’jummaicho Paudo wä’döaajä cönä’ja’dö döiña. Yaawä chäwwäiñe Paudo cöneecammajäätöi Wanaadi töcaajichaanaije tödöödö jäcä; jenaadäne yaajäntä’jödö töco’mannä’eene cöneecammajäätöi. Wanaadi nnedööje Jesuuquidiito yeichö töwö cöneecammajäätöi chäwwäiñe, Äwaanacaaneije yeichö mmaja. Moisé nimennä’jödö ai chea töwö cöneecammajä’acä yääje yeichö, Wanaadi wa’deuwödö ecammannamo nimenno’jocoomo ai mmaja.

DOSECHO 8:35

Yaawä Wanaadi a’deddu imennaajä ñäädä na’de’tä’jödö jäcä Jediipe cönaajäntäi chäwwä ecammajäätödö Jesuuquidiito jäcä.

DOSECHO 9:20

Yaawä we’jummatoojo waadäi Saudo cönaajäntäi Wanaadi nnedööje Jesuuquidiito weichö ecammajäätödö.

1 CODINTIYO 15:3

Awa’deene wecammajä’ne äwwäiñe öwö öwwono wä’tu’jödö mmaja. Öwö monoowanoomatääne cöcoone’nadiiyöcoomo jäcäinchädä Quidiito wääma’jödö jäcä, Wanaadi a’deddu imennaajä wä’dödö nönge dea.