DOSECHO 17:19 - Wanaadi A'deddu

¹⁹ Yaawä tönwanno Paudo cönaadoicho Aadeoopaco döiña, yää töwe’jummato’como döiña. Tönwanno cönä’döa’to yaawä chäwwä: —Eta’se ñaa na mädä aneecammajäätödö, aneeta’da ñaa naadö.

DOSECHO 17:19 ပူးပေါင်းရင်းမြစ်များ

MATEO 10:18

Cajiichaanacoomo wwadäädä jadä’jödöödä adhaadäaato’de, acu’shänä wwadäädä mmaja, sootoije aweichöcoomo jo’tädööje. Mädääje ya’deddu ecammajä’jai maato chäwwäiñe, Wanaadi dhowaanojöncomo wwäiñe mmaja.

MAADOCO 1:27

Tameedä soto cönääcatoncaicho yaawä. Tönwannoje dea cönä’döa’to: —¿Aaqueneeto mädä? ¿Ane’cäämö nöngato wätunnä mädä? Töwö odo’shancomo jadä’jödöödä nanontaato; tönwanno töneeta dha’deddu; quee cönä’döa’to.

JUAN 13:34

Eduuwaato waanontänä wecamma äwwäiñe: Ä’jummatääcä; änwanno mämjummaatoodöje mmaja ajimmotoncomo ijummajai maato.

DOSECHO 17:20

Ñaa owaanojöönö mädä; yääje yeijäcä towaanäcä tödö’se ñaa na; quee cönä’döa’to Paudo wwä.

DOSECHO 17:22

Yaawä Paudo cönammöi dhantawäiñe, Aadeoopaco taca. Töwö cönä’döaacä chäwwäiñe: —Änwanno Ateena ñancomo, öwö adheene’matäiñe wäänene jooje töwäätunnäiche aweichöcoomo.

DOSECHO 17:34

Dhantai etannamo’jödö chääjadä cöntonto. Tönwanno ñeecammajäätödö cöneecamjöicho. Ñanno antawäiñe cönä’jaacä dhanwa Diiyoniisiyo täätö; Aadeoopaco edhaamo jimmäje cönä’jaacä töwö. Wodi cönä’ja’dea, Dáamadi täätö; anejjacoomo soto cönä’ja’to dea.

DOSECHO 23:19

Yaawä ñäädä suddau edhaajotoncomo mude’cä’cä töudäje cönaadäi töjämjäcä. Töwö cöneecamma’joi yaawä: —¿Aaquene äwä’dö’se manä öwwä? quee cönä’döaacä.

DOSECHO 24:24

Yääje mma yaawä äächädä anooto ’jeje Jeedi cöneejä töjiiñamo Duduusiida jadä; judhío cönä’jaacä ñäädä ijiiñamo. Paudo cöna’dejjaicho yaawä ecamma’jodö wetä Jesuuquidiito jadä weiñä jäcä.

DOSECHO 25:22

Yaawä cajiichaana Aaquidiipa cönä’döaacä Jeetu wwä: —Öwö mmaja eta’se wa dea yäätunnäi; quee. Yaawä Jeetu cönä’döaacä: —Jenamma etaacä’de; quee.

DOSECHO 26:1

Yääje mma yaawä Aaquidiipa cönä’döaacä Paudo wwä: —Awa’deuwö’se aweiya’jäcä adha’deucwä; quee. Yaawä tamäädö eneejojäätödö que Paudo soto cöneeta’jöichajoicho; cönä’döaacä: