DOSECHO 17:18 - Wanaadi A'deddu

¹⁸ Yäätä cönä’ja’to anejjacoomo eepicuudeo wätunnäichomo jäconcomo woowanoomadö, etoico wätunnäichomo jäconcomo woowanoomadö mmaja. Ñanno cöna’deuwa’to Paudo jadä. Dhantai cönä’döa’to: —¿Aaquene nä’döaanä määdhä töwentaame’cato? quee. Anejjacoomo ’quene cönä’döa’to: —Töwö necammajä’a anejjeja’como wanaadi jäcä; quee cönä’döa’to. Tönwanno yääje cönä’döa’to Jesuuquidiito jäcä Paudo wwä ecammajäätödö e’nei, töwäämaajo jonno waadoncanä jäcä ecammajäätödö e’nei mmaja.

DOSECHO 17:18 ပူးပေါင်းရင်းမြစ်များ

MAADOCO 9:14

Yää ’jeje tönoowanoomadö döiñaiñe töwennaca’comjäcä Jesuuquidiito cöneedantoicho jooje soto dhawoodhecääcäiñe. Judhío owaanomannamo yäätä cönä’ja’to dea, Jesuuquidiito nowaanomaadö jadäiñe wätäccujä’näje.

DUUCA 11:53

Yääje ya’deuwö’jeje, ñanno judhío owaanomannamo, jaadiseeocoomo mmaja cönäätömaicho jooje. Ecamma’jojäätödö que cönaaquiima’to yaawä.

DOSECHO 26:23

Edääje töneecammajä’e ñanno cönä’ja’to: “Äwaanacaanei näntunaanö’a’de; töwö na’de awa’deenato töwäämaajo jonnoto waadoncadööje. Töwö judhío wwäiñe necammajä’a’de tawaanato aca weiñä jäcä, judhíojöönö wwäiñe mmaja;” quee töneecammajä’e cönä’ja’to ñanno Wanaadi wa’deuwödö ecammannamo; quee cönä’döaacä Paudo.

DOSECHO 4:2

Tönwanno töwäätöma cönä’ja’to soto owaanomaadöcoomo weijäcä Peedhodo, Juan wwäiñe, töwäämaajo jonno Jesuuquidiito waadonca’jödö jäcä ecammajäätödö weijäcä mmaja chäwwäiñe.

DOSECHO 5:42

Tönwanno ane’nomja’da cöneiya’to anooto waadäi Jesuuquidiito jäcä ecammajäätödö, chääjäcä soto owaanomaadöcoomo mmaja Wanaadi weichojo taca, immaichomo waadäi mmaja.

DOSECHO 6:9

Yaawä anejjacoomo judhío we’jummato’como tacancomo Eteewa jadä cönäätäccujä’a’to. Ñanno cönä’ja’to tanontäjä’aamo wätu’ca’como. Sideene ñancomo mmaja cönäätäccujä’a’to dea Eteewa jadä, Aadejantidía ñancomo mmaja, Sidiisiya ñancomo mmaja.

DOMAANO 1:22

Towaanojo’ne töwäätä’tä’jödö mma naato, tämje töweichaameiñe.

1 CODINTIYO 3:18

Mätäncu’tojootäi’che; anejja adhantawäiñe edä nono de’wono jäcä towaanojo’ne yääcanö’a’jäcä, töwoinchadääne nä’dö’ñojo ñäädä yääjato, towaanojo’ne ä’döiye yaawä, ñeene queene.

1 CODINTIYO 4:10

Jesuuquidiito jo’tädööje i’jeta’jödööje ñaa e’tätä soto weneeneto, änwanno mmaane quedeiyente towaanojo’na’como. Ñaa na jäduuje’da; änwanno mmaane jäduuja’como wa’cä. Soto ñaa quiiñeme’tä weneeneto, änwanno mmaane yaacö’comje.

CODOOSENSE 2:8

Odhoowoinchadäiñe’da eichäcä; anejja wenta’mecöödö que mma ätö’tajäätödööcomo mänsadiijannä’cajootäi’che, ñanno soto wätunnäichomo que mma adhencu’tä’seiñe weneenetoodö. Quidiito woija’comoojönö ñanno, soto wätunnäichomo woija’como mma, edä nono de’wono tö’tajä’nä woija’como mmaja.