DOSECHO 17:11 - Wanaadi A'deddu

¹¹ Ñanno judhío cönä’ja’to Teesadoonica ñancomo e’jodhe aashicha yeichöcoomo. Tönwanno aashicha cöneeta’to Wanaadi a’deddu ecammajäätödö. Anooto waadäi tönemmenca cönä’ja’to Wanaadi a’deddu imennaajä, chäänönge Paudo necammajäätödööcomo yeichö eneedö wetä.

DOSECHO 17:11 ပူးပေါင်းရင်းမြစ်များ

MATEO 13:23

Yää dhadöödö aashichaato nono de’wä cönä’meichö mmaane, towaanäcäiñe Wanaadi a’deddu etannamo cu’tädö yää. Ñanno jäcäiñe Wanaadi a’deddu aashicha nejanga yaawä. Dhantai ñaato yää ijaatoodea soto chääjedöödö cönä’ja’dö nönge; dhantai ’chene aaduwaawä soto chääjedöödö cönä’ja’dö nönge; dhantai ’chene tooni sotooto de’wä amoojadä chääjedöödö cönä’ja’dö nönge; quee cönä’döaacä Jesuuquidiito tönoowanoomadö wwäiñe.

DUUCA 1:2

Tönwanno cömmennoicho Wanaadi a’deddu owaanomannamo wwäiñe towaanoma’jocoomo nönge dea, ñanno yaajäntä’jödö jonnoto’jödöödä yää enennamo’jödö wwäiñe.

DUUCA 11:3

Ñaa ewanshiñö änu’cä edä anootoi’chädö awä.

DUUCA 16:29

Aawadán cönä’döaacä chäwwä: “Moisé nimennä’jödö töweiye na chäwwäiñe, Wanaadi wa’deuwödö ecammannamo nimenno’jocoomo mmaja. Yääne neta’ña’to;” quee Aawádan cönä’döaacä chäwwä.

DUUCA 24:44

Yaawä töwö cönä’döaacä chäwwäiñe: —Yää öwö jääcä cöneeja’dätäichö cönä’jaacä ajaadäiñe weichö töneecammajä’e wä’jaaquennö nönge dea. Öwö äwwäiñe töneecammajä’e wä’jaaquene jääcä Moisé nimennä’jödö töweeja’dä’emooje yeichö, Wanaadi wa’deuwödö ecammannamo nimenno’jocoomo töweeja’dä’emooje yeichö mmaja, Wecanta’ñotoojo jajeedai’chädö jäcä naadö mmaja; quee cönä’döaacä Jesuuquidiito.

JUAN 3:21

Chäänönge tödöönei mmaane töwe’e tawaanato wwadäädä, Wanaadi woije iiñödö weichö tacaade yä’dödö wetä; quee cönä’döaacä Jesuuquidiito Niicodheemo wwä.

JUAN 5:39

Änwanno Wanaadi a’deddu imennaajä töna’de’tä määnetääne; yää a’de’tädö que mma aweichöcoomo chaana’cajai aweiyaatäiñe. Öwö jääcä ecammajä’taame yää imennaajä

DOSECHO 10:33

Yääje yeijäcä yaawä dea mma maneijone; dhamma meejäne’. Eetä ñaa na eduuwa tameedä, Wanaadi owaadäädä. Eta’se ñaa na tameedä Cajiichaana necammajoojätöödö äwwä; quee cönä’döaacä Conneediyo Peedhodo wwä.

DOSECHO 11:1

Yääje mma yaawä ñanno anonta’como, anejjacoomo quedeiyentecoomo Judheea ñancomo mmaja, cöneeta’to judhíojöncomo wwä aashicha eta’jödö Wanaadi a’deddu ecammajäätödö.

DOSECHO 17:1

Yääje mma yaawä töötädaawäiñe Amjiipodi ñano cömja’dätoicho, Aapodooniya ñano mmaja; cönä’döicho yaawä Teesadoonica ña. Yäätä cönä’jaacä judhío we’jummato’como.

DOSECHO 2:41

Yaawä ñanno dha’deddu ecaanö’nnamo wautisaaje cönä’döjoicho. Yää anooto awä aaduwaawä miide quedeiyenteje cönä’döicho.

1 TEESADOONISENSE 1:6

Änwanno mä’dötääne ñaa cu’jä’nenaamoje, Cädhaajotoncomo Jesuuquidiito cu’jä’nenaamoje mmaja. Änwanno adha’cwaniiyöcoomo Epíiditu Santo nutuudu que aashicha metaatäne Wanaadi a’deddu, ijo’tädööje jooje äwäntunaanö’taameiñe.

1 TEESADOONISENSE 2:13

Ñaa wwä Wanaadi a’deddu ecammajäätödö eta’jäcä äwwäiñe soto wätunnäije ane’tä’da mä’ja’quene; Wanaadi a’deddujeene me’tätääne. Chäänönge me’tätääne, Wanaadi a’dedduune yeiyajä. Yää, Wanaadi a’deddu, aashicha ayöödöaato, änwanno ecaanö’nnamo. Yääje yeijäcä yeichöje aashicha töwa’deuwe ñaa weneene Wanaadi wwä.

2 TEESADOONISENSE 2:10

Aneejejaiñene’jödöödä conemjönö que nencu’taato’de ñanno töwännanö’aamoje töweiyaamo. Tönwanno mädääje nätäncu’täjaato’de chäänöngato ämjumma’da töwei’jocoomo e’nei, yää töwääwanaacato’comoojato’jödö.

SANTIYAACO 1:21

Yääje yeijäcä e’nomjatääcä tameedä chäänöngemjönö, yää conemjönö äjääcäiñe töweejange weneenedö. O’jodhe ätö’tajä’ancädäiñe’da Wanaadi a’deddu woije eichäcä, yää ñaatö’tädö nönge ätö’tajäätödööcomo aca cönä’natö’täichö. Yää Wanaadi a’deddu jäduuje na adheewanaacadööcomo jäcä.

1 PEEDHODO 2:2

Mude’cä’cä ennueenö shuushu tumjumma töweiye naichöje mmaja Wanaadi a’deddu chäänöngato ijummatääcä, yää que maatö’nä’täiye, tadoiñe odo’tadööcomo weichö wetä,