DOSECHO 16:5 - Wanaadi A'deddu

⁵ Mädääje tameedä Quidiito sotoi cönä’jädu’ta’to; anooto waadäi quedeiyentecoomo cöneejanga’to.

DOSECHO 16:5 ပူးပေါင်းရင်းမြစ်များ

DOSECHO 11:21

Tönwanno Cajiichaana jäduudu ’je cönä’ja’to; jooje soto töwäätunnäichomo jonno Cajiichaana Jesuuquidiito cöneecamjöicho.

DOSECHO 12:24

Cajiichaana a’deddu ecammajäätödö mmaane jooje’cä cöneejamöi; tameedä yeichö wa’cä cönäätäcammajäätöi.

DOSECHO 15:41

Siidiya chäcä cönäämannäjöicho, Sidiisiya chäcä mmaja, quedeiyentecoomo jädu’tancädäiñe.

DOSECHO 2:47

Aashicha töwa’deuwe cönä’ja’to Wanaadi jäcä. Tameedä soto ta’cwaiñe töweiye cönä’ja’to chääjäcäiñe. Anooto waadäi Cajiichaana Wanaadi ñanno täcaanö’nnamo jadäiñe töneejodööjoiñe cönä’jaacä ñanno yääwanaaca’como.

DOSECHO 4:4

Yääje yeichaame ñanno Peedhodo necammajäätö’jocoomo ecaanö’nnamo jooje cönä’ja’to. Dhanwaacomo quedeiyentecoomo cönä’ja’to ijaatoodea miideto dö’se.

DOSECHO 5:14

Jooje töwääwaaca cönä’ja’to quedeiyenteje, dhanwaacomo, wodiiñamo mmaja.

DOSECHO 6:7

Yaawä Cajiichaana Jesuuquidiito a’deddu jooje cöneejangacä. Wanna soto quedeiyenteje cönä’döjoicho Jeduusadén ña; Wanaadi wwä töwa’deuwaamo jadä’jödöödä cöneecamjöicho.

DOSECHO 9:31

Yaawä tameedä Quidiito sotoi täncanoode’da cönä’ja’to; jäduujeiñe cönä’ja’to dea, ñanno Judheea ñancomo, Caadideea ñancomo mmaja, Samaadiya ñancomo mmaja. Tönwanno tönoiñe Cajiichaana Jesuuquidiito töneene cönä’ja’to. Epíiditu Santo ni’wa’tädö que jooje cöneejanga’to.

DOMAANO 16:25

Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

1 CODINTIYO 15:58

Yääje yeijäcä jimmä umjummadö, jäduujeiñe eichäcä; yäätäädä ätö’tajäätödööcomo tödöötäcä, jooje’cä Cajiichaana tadaawaajui tödööancädä aweichöcoomoje, odhoowanääcäiñe yeijäcä töwäädämmatooje’da yeichö Cajiichaana Jesuuquidiito wwonooje aweetadaawa’cajoodöcoomo.

CAADATA 5:1

Jesuuquidiito cu’catääne jedeeso nönge cöweichöcoomo jonno. Yääje yeijäcä jäduujeedä eichäcä, jedeeso nönge awei’jocoomo aca mmaja awaatashiichuudojoodöcoomo queiñe.

CODOOSENSE 2:6

Yääje yeijäcä Cajiichaana Jesuuquidiito mecaanö’täneedöje dea chääjadäädä eichäcä.

1 TEESADOONISENSE 3:13

Töwö äjäädu’taato ätö’tajäätödööcomo jäcä yäätäädä aweichöcoomo wetä, tösooma mmaja, conemjönö ’je’da aweichöcoomo wetä mmaja Cumöötoncomo Wanaadi owaadäädä, tameedä tösootoi jadäiñe Jesuuquidiito we’a’jäcä.

1 TEESADOONISENSE 3:2

Adöiñaiñe ñaa cönaanontäi töweichacoono Tiimoteo. Töwö na Wanaadi anoonöje, ñaa jadoono wetaadawa’cajoodö Quidiito wätunnäi aashichaato ecammajäätödö jäcä. Yääje yeijäcä ñaa cönaanontäi adöiñaiñe, äjäädu’täneichomooje, äwäätuujaneichomooje mmaja ecamjödö jäcä,

2 TEESADOONISENSE 2:16

Cumöötoncomo Wanaadi cujummatääne aashicha töweichö woije. Töwö cuntui cöwwäiñe cöwä’wa’doto’como yeichöödoto, ta’cwaiñe cöwo’womo’to’como mmaja. Töwö Wanaadi chea, Cädhaajotoncomo Jesuuquidiito mmaja, äjäädu’taato adheewanööcomo jäcä. Tönwanno ä’wa’taato tameedä aashicha awa’deuto’como jäcä, aashichaato tödöödö jäcä mmaja.

EEWEDEO 13:9

Anejja wätunnä que, chäänöngemjönö que mmaja mä’sadiijannä’cajootäi’che. Wanaadi nutuudu aashichaato queene cötö’tajäätödööcomo ijä’du’täjai caato, äwanshi amoi’chädö que’daane. Yää tödöödö que chäänönge ä’dö’da weneeneto ñanno tödönnamo.

1 PEEDHODO 5:10

A’dhe äwäntunamjö’jejeiñe Wanaadi ocoonecaato’de. Töwö ä’wa’taato’de, yäätäädä äjäädu’taato’dede. Wanaadi ñäädä aashichaato edhaajä. Töwö ca’dejjatääne aashichaato töwaatamemjönö enennamooje cöweichöcoomo wetä, Jesuuquidiito jadä.