DOSECHO 16:25 - Wanaadi A'deddu

²⁵ Yaawä yo’tawääne Paudo, Siida mmaja Wanaadi wwä cöna’deuwa’to; cöneecanta’ña’to dea. Anejjacoomo jedeeso cöneeta’to yeecanta’ñädööcomo.

DOSECHO 16:25 ပူးပေါင်းရင်းမြစ်များ

DUUCA 22:44

Jooje wentumje töweijäcä jooje’cä cöna’deuwöi yaawä. Yäädamu’jätöödö nono jo cöneeca’tai yaawä munuuje.

DOSECHO 15:22

Yaawä ñanno anonta’como, ansiyaano mmaja, tameedä quedeiyentecoomo mmaja, cöna’deuwöicho anejjacoomo töjimmotoncomo enno’jadööcomo wetä Antiyooquía ña, Paudo, Waanawé jadäiñe. Juudha cöne’toicho yaawä töötäämöje, ñäädä Waasawaaje mmaja chäätö cönä’ja’dö. Siida mmaja cöne’toicho dea. Ñanno cönä’ja’to täneejuca’como quedeiyentecoomo wwäiñe.

DOSECHO 16:19

Yaawä ñäädä wodi edhaamo dhowaanäcäiñe cönä’jaacä ñäädä ajei’choto’jaato ai töjöödataichomo chaana’cajai’cha töweichöcoomo. Yääje yeijäcä tönwanno Paudo cönaajoicho, Siida mmaja; cönaadoicho yaawä acu’shänä wwadäädäiñe, jata jödoodoi’chädö aca.

DOSECHO 16:33

Yaawä dea mma, yää coijaichawä dea mma, ñäädä jedeeso edai’chäneichomo cöncoccai Paudo aiju’jätö’jocoomo. Yää ’jeje wautisaaje cönä’döjoi yaawä tameedä töwä’jimmä’tädö jadäiñe.

DOSECHO 5:41

Ñanno anonta’como cöntonto yaawä täcamma’jonnamo jonnoiñe. Tönwanno ta’cwaiñe cönä’ja’to Jesuuquidiito ecamjödö jo’tädööje töwäntunamjödööcomo weijäcä, Wanaadi woije dea.

DOMAANO 12:12

Ta’cwaiñe eichäcä onwomoocödööcomo jäcä. Aashicha shinchätääcä äwäntunamjödööcomo. Yeichöje Wanaadi wwä adha’deutäcä.

DOMAANO 5:3

Mädä jäcä mma’da ta’cwaiñe caato, cöwäntunamjödaawäiñe mmajaane, cowaanäcäiñe yeijäcä wäntunaanö’nä aashicha tönshinchä weiñä töneejodööjo yeichö.

2 CODINTIYO 6:10

wentumje ñaa weichaame mmaja, ta’cwaiñe dea ñaa weneene; tönsomaaque’da ñaa weichaame jooje anejjacoomo ñaa ninshoma’taato. A’ca’como nönge ñaa weichaame tameedä ñää wwä na.

EUJEESIYO 5:19

Änwannoje dea Cajiichaana jäcä töwa’deujä’e eichäcä, chäwwonooje töweecanta’ñä mmaja, saadomo jäcä, anejja wecanta’ñotoojo jäcä mmaja; aashicha Cajiichaana miya’deme’täiye, adheewanööcomo jadäädä.

JIDIIPENSE 2:17

Öwö ta’cwaiñe dea eijai wa saaquidiijiisiyo nönge töwä’tueemöje weichaame, yää saaquidiijiisiyo ännödööcomo de’wä mmaja, ecamjödö que tönnöe määnetäänedö. Adhaacoodaaneiñe ta’cwaiñe eijai wa.

CODOOSENSE 1:24

Mädä äjääcäinchädäiñe wäntunamjödö cone’da yöödö’da na. Eduuwa öwö daja woneeja dea Quidiito wäntunamjö’jödö, chääjö jäcäinchädä, ñanno quedeiyentecoomo.

EEWEDEO 5:7

Yaawä edä nono de’wä Quidiito weichö, jooje töwa’deuwe töwö cönä’jaacä Wanaadi wwä, töwaamoone; töwö töne’ca’e cönä’jaacä Wanaadi wwä, ñäädä töwäämaajo jonno täwaanacaajaicho wwä. Wanaadi cöneetai ya’deuwödö, töwwä yä’tu’jödö weijäcä.

SANTIYAACO 1:2

Jimmä, jooje ta’cwaiñe eichäcä aneejejaiñe äwä’yunaacaja’comjäcä,

SANTIYAACO 5:13

Anejja adhantawäiñe yäntunaanö’a’jäcä Wanaadi wwä na’deuwö’ñojo ñäädä. Anejja ta’cwaiñe yeiya’jäcä Wanaadi wwä necanta’ño’ñojo.

1 PEEDHODO 4:14

Jesuuquidiito ecamjödö jo’tädööje aquiiñeme’ca’comjäcä, ta’cwaiñe eijai maato, Epíiditu Santo aashichaato äjääcäiñe yeijäcä. Tönwanno cone’da töwa’deuwe weneeneto Jesuuquidiito jäcä, änwanno mmaane aashicha chääjäcä töwa’deuwe määnetääne.