DOSECHO 16:18 - Wanaadi A'deddu

¹⁸ Jooje anooto mädääje cönä’jaacä. Yaawä Paudo cönquinchai yää etaadö. Töwö cönä’jedennacai ñäädä ajei’choto’jaato wwadäädä; odo’sha wwä cöna’deuwöi, ñäädä chaaca cönä’ja’dö wwä; cönä’döaacä: —Jesuuquidiito eetö joi mämja’canö’ja; quee. Yaawä dea mma ñäädä odo’sha cöneeja’cai.

DOSECHO 16:18 ပူးပေါင်းရင်းမြစ်များ

MATEO 14:24

Ñanno ñoowanoomadö cönä’ja’to cudiiyada awä chu’jä annawääne. Yaawä jejeichä cönä’döi chääjäcäiñe, madaataca mmaja.

MAADOCO 1:34

Töwö Jesuuquidiito cönaadoncaicho jooje cädäija’como, anejjeja’como chäädäichöcoomo. Jooje odo’shancomo mmaja cömja’canö’joicho dea. Töwö odo’shancomo ana’deujotäiñe’da cönä’jaacä, dhowaanäcäiñe töweijäcä.

MAADOCO 16:17

Edääje na’de täneemö ecaanö’nnamo ene’ju’to’como: Tönwanno odo’sha nija’canö’jaato’de öwö yeetö joi. Anejja a’deucwe na’deuwaato’de.

DUUCA 9:1

Yääje mma yaawä Jesuuquidiito cöni’jummaicho tönoowanoomadö, ñanno amoojadooto de’wä aaco’como. Chäwwäiñe cuntui ijääduduucomo, odo’shancomo ija’canö’joto’como, cädäi ejiichö’totoojo mmaja.

DOSECHO 3:6

Yaawä Peedhodo cönä’döaacä chäwwä: —Jödaata ’je’da öwwä na, oodo ’je’da mmaja. Yaawääne’, öwwä naadö mmaane wu’a äwwä. Jesuuquidiito Naasade ñano eetö joi edääje wä’döa äwwä: Aanöncä owoojoimadööje mma; quee cönä’döaacä Peedhodo.

DOSECHO 9:34

Yaawä Peedhodo cönä’döaacä chäwwä: —Eneea, Jesuuquidiito adhaadonca. Aanöncä; adhe’wötö imoncä; quee cönä’döaacä. Yaawä dea mma ñäädä cönammöi.

CODOOSENSE 2:15

Cuduusa jäcä töwäämadö que Quidiito cömjäduucaicho tameedä jäduuja’como, cajiichaanacoomo mmaja, ñanno odo’shancomo. Tameedä täneemöje töwö cöne’jodheinchaicho.