DOSECHO 16:15 - Wanaadi A'deddu

¹⁵ Yää ’jeje töwö wautisaaje cönä’döjoi, yä’jimmä’tädö mmaja. Yaawä töwö cönä’döaacä ñaa wwä: —Cajiichaana ecaanö’nei chäänöngatooje äwwäiñe tö’ta’jäcä, ömmai chaca odhoomontäcä, iiña määwa’tätäiye; quee cönä’döaacä. Töwö ñaa amonno’jone yaawä tä’saca.

DOSECHO 16:15 ပူးပေါင်းရင်းမြစ်များ

MATEO 10:41

Ñäädä Wanaadi wa’deuwödö ecammanei aashicha tödöönei, Wanaadi anoonöje yeichö jäcäinchädä, Wanaadi wa’deuwödö ecammanei ejeemadö nönge dea nääjemaaja’de. Ñäädä soto aashichaato aashicha tödöönei, aashichaatoje yeichö jäcäinchädä, soto aashichaato ejeemadö nönge dea nääjemaaja’de.

MATEO 3:6

Wautisaaje töwä’döjo cönä’ja’to Juan wwä, Joodadán ’cwaca, töcoone’nadiiyöcoomo ecammadö’jo.

DUUCA 14:23

Yaawä chäädhajä cönä’döaacä chäwwä: “Ääma waadäi äjääne; anejjacoomo ene’coto’de yoijeiñe’da; ömmai chu’camöiye.

DUUCA 24:29

Tönwanno wejiiñäje tödö’täiñe cönnö’nä’ja’to. —Eetä eichä ñaa dö’tä, mäntä mma oco’momö’no; quee cönä’döa’to. Jesuuquidiito cönoomomöi yaawä chääjadäiñe.

DOSECHO 11:14

Ñäädä Peedhodo äwwä necamma’de äwääwanaacatoojo, äwä’jimmä’tädö wääwanaacato’como mmaja;” quee cönä’döaacä amoode chäwwä.

DOSECHO 16:31

Yaawä Paudo cönä’döa’to chäwwä: —Cajiichaana Jesuuquidiito ecaanö’cä; töwääwanaaca eijai ma yaawä, äwä’jimmä’tädö mmaja; quee cönä’döa’to.

DOSECHO 16:33

Yaawä dea mma, yää coijaichawä dea mma, ñäädä jedeeso edai’chäneichomo cöncoccai Paudo aiju’jätö’jocoomo. Yää ’jeje wautisaaje cönä’döjoi yaawä tameedä töwä’jimmä’tädö jadäiñe.

DOSECHO 16:34

Yää ’jeje töwö Paudo cönaadoicho tä’saca ewanshinchädööcomo wetä. Töwö ta’cwaiñe cönä’jaacä, yä’jimmä’tädö mmaja, Wanaadi ecamjödö weijäcä töwwäiñe.

DOSECHO 18:8

Yaawä Quidiipo, ñäädä we’jummatoojo edhaajä, tameedä töwä’jimmä’tätö jadäiñe cöneecamjöi Cajiichaana Jesuuquidiito. Jooje anejjacoomo Codinto ñancomo cöneecamjöicho dea Wanaadi a’deddu ecammajäätödö etaadö’jo. Wautisaaje cönä’döjoicho yaawä.

DOSECHO 8:12

Yaawä Wanaadi töcaajichaanaije tödöödö jäcä Jediipe necammajäätödö eta’jäcä töwwäiñe, Jesuuquidiito ecammajäätödö eta’jäcä mmaja, ñanno soto cöneecamjöicho; wautisaaje cönä’döjoicho yaawä, dhanwaacomo, wodiiñamo mmaja.

DOSECHO 8:38

Yaawä tadaada cöneedennanö’joi; a’nädäncädä cönä’toicho na’cwaca, Jediipe, Eetiyoopía ñano mmaja. Jediipe wautisaaje cönnöi yaawä.

DOMAANO 16:23

Caayo mmaja ta’deujödö nadääja dea, ñäädä immai chaca öwö Paudo wä’döaajä waadö; tameedä quedeiyentecoomo wä’döto’comooje mmaja na dea edä Caayo mmai. Edaasato mmaja ta’deujödö nadääja dea äwwadäädäiñe, ñäädä jata jödaatai edhaajä; cöjimmotoncomo Cwaadoto mmaja.

2 CODINTIYO 12:11

Cujeeje mädääje ya’deuwöi, mädä wä’wa’demeecödö jäcä; änwanno owoija’como mädä. Änwannoone jääcä aashicha a’deujai aweichaameiñe. Öwö a’que weichaame ñanno o’näiñe’da wa, ñanno anonta’como aashicha’como wa’cä äwwäiñe chö’tadö weneenetoodö.

2 CODINTIYO 5:14

Quidiito wwä ñaa jummadö yeijäcä anejjeja eijai’cha ñaa na. Ñaa owaanäcä na tooniyaano dhanwa wääma’jödö tameedä soto jäcäinchädo’comooje; yääje yeijäcä tameedä naato yä’ja’a’como nönge.

CAADATA 6:10

Yääje yeijäcä, tödööjai caatoodawäädä, aashichaato cöödötäiye tameedä soto jäcäiñe; quedeiyentecoomo jäcä jooje’cä jeene aashichaato tödööjai caato.

EUJEESIYO 1:1

Öwö Paudo, Wanaadi woije Jesuuquidiito nanontädö, äwwadäädäiñe wimenna, änwanno Wanaadi sotoi Eujeeso ñancomo, Jesuuquidiito ecaanö’nnamo.

JIDIIPENSE 1:7

Chäänönge mädääje äjääcäiñe tötö’tajä’e wäänene, öwwä tujunne aweijäcäiñe. Jedeesoje weichö jeiñe mma, aashichaato wätunnä chu’de’tännamo ye’wononcadööje weichö jeiñe mma, ecammajäätödööje weichö jeiñe mma, tameedä änwanno jaadä tönooneja mmaja Wanaadi nutuudu aashichaato.

JIIDEMÓN 1:17

Yääje yeijäcä, aweichacoonoje äwwä tö’ta’jäcä, aashicha mä’dä Onéesimo tödööcä’de, öwö yöödöjai maadö wa’cä dea.

EEWEDEO 13:2

Adhe’sacaiñe aneewa’tojo’da’da eichäcä aneiñajancomo we’a’como, aneewashinchäiñe’da’da mmaja. Mädääje anejjacoomo soto aashichaato cönnöicho amoode jäcäiñe, Wanaadi amoodedööje yeichöcoomo towaanäcäiñe’da yeichaame.

1 PEEDHODO 5:12

She’caasa edä jajeeda wimennäjoi Siidawaano wwä, ñäädä quedeiyente chäänöngato öwö chö’tadö naadö. Öwö wimennäi äwäätuujato’comooje, ecammadö wetä mmaja chäänönge yeichö mädä Wanaadi nutuudu aashichaato. Jäduujeedä eichäcä mädä jäcä.

2 JUAN 1:10

Adöiñaiñe anejja wöta’jäcä, edä wätunnä nönge’da ñeecammajäätödö yeiya’jäcä, manaamonno’jotäi’che ämmaichomo taca; ta’cwaiñe meichäi’che chääjäcä.

3 JUAN 1:5

Weichacoono umjummadö, chäänönge töwäänejo määnene äwwä quedeiyentecoomo i’wa’tädööcomo que, odhoowanoojöncomo yeichaameiñe.

3 JUAN 1:8

Yääje yeijäcä cönwanno i’wa’täjaiñe caato chaadawaajuichomo jäcä, yää aashichaato wätunnä ecammajäätödö.