DOSECHO 16:13 - Wanaadi A'deddu

¹³ Yaawä wäädeetatoojo anooto awä ñaa cöntämä jata tö’cäi, tuna jacäi, Wanaadi wwä wa’deutojo döiña. Yäätä ñaa cönaatajiimai; ñaa cöneecammajä’acä yaawä wödiiñamo we’jumma’como wwä.

DOSECHO 16:13 ပူးပေါင်းရင်းမြစ်များ

MATEO 13:2

Jooje soto cöne’jummaicho yaawä yöiña. Yääje yeijäcä töwö cönä’täi cudiiyada aca, töwaatajiimadööje mma. Ñanno jooja’como soto mmaane cönä’ja’to tuna jawä.

MAADOCO 16:15

Töwö cönä’döaacä chäwwäiñe: —Ojoncomo’de tameedä nono weichö wa’cä. Aashichaato wätunnä ecammajä’täcä’de tameedä soto wwäiñe.

DUUCA 13:10

Yaawä wäädeetatoojo anooto awä Jesuuquidiito soto cönoowanooma’to we’jummatoojo taca.

JUAN 8:2

Yää jenamma jenaadäne cönennacai yaawä Wanaadi weichojo taca. Yaawä tameedä soto cöne’jummaicho yöiña. Töwö cönaatajiimai yaawä owaanomaadöcoomo wetä.

DOSECHO 13:14

Yää ’jeje Peedeje ñanno Paudo cöntonto yaawä Antiyooquía ña, yää Pisiidiya ñano jata. Iiña we’jummatoojo taca cönoomomöicho wäädeetatoojo anooto awä; cönaatajiimaicho yaawä.

DOSECHO 13:42

Yaawä we’jummatoojo tacanno töjimmä jadä Paudo weja’ca’comjäcä ñanno judhíoje yääwaaca’como cönä’döa’to chäwwäiñe: —Yää ’jejaato wäädeetatoojo anooto awä yää jäcä dea ecammajä’tantäcä’dede ñaa wwä; quee cönä’döa’to.

DOSECHO 16:16

Aneedawä anooto awä Wanaadi wwä wa’deutojo döiña ñaa wötäädawä ajei’choto’jaato ñaa ejoodöne. Töwö cönä’jaacä odo’sha töntö’tamme’cato ’jano. Tädhaajä que ñäädä cönä’jaacä; töntö’tamme’que töweichö que jooje tädhaajä jödaatai töncana’ca cönä’jaacä.

DOSECHO 16:6

Yaawä Aasiya ña Epíiditu Santo Wanaadi a’deddu aneecammajoojätö’da cöneiyacä Paudo wwäiñe. Jidiijiya ñano cömja’dätoicho yaawä, Cadaasiya ñano mmaja;

DOSECHO 17:2

Yaawä töweichö nöngeedä Paudo cöntämä we’jummatoojo taca. Aaduwaawä semaana töwö cöneecammajäätöi chäwwäiñe, wäädeetatoojo anooto waadäi.

DOSECHO 18:4

Wäädeetatoojo anooto waadäi Paudo töötä cönä’jaacä we’jummatoojo taca. Iiña töneecammajäätödö que judhíocoomo töncana’caiñe cönä’jaacä, judhíojöncomo mmaja.

DOSECHO 20:7

Yaawä semaana waajäntädö anootoi’chädö awä quedeiyentecoomo cöne’jummaicho Santa Seena tödöödö wetä. Paudo cöneecammajä’acä chäwwäiñe. Yää jenamma naadöje töwö iichotoojo cönä’jaacä; yääje yeijäcä yo’taca tödööene cöneecammajä’acä.

DOSECHO 21:5

Yaawä aacä amoojato anoototo ai ñaa cöntämä yäätönno. Tameedä ñanno quedeiyentecoomo ñaa a’nontäneeto jata tö’cäi tödööene, ijiiñantoncomo mmaja, iiñacontoncomo mmaja. Tä’mudhe ñaa cönä’döi yaawä sa’dada de’wä; Wanaadi wwä ñaa cöna’deuwöi yaawä.

DOSECHO 9:20

Yaawä we’jummatoojo waadäi Saudo cönaajäntäi Wanaadi nnedööje Jesuuquidiito weichö ecammajäätödö.

CAADATA 3:28

Quidiito jadä weiñä töweiye nai judhíoje’da, quidiiyeecoje’da mmaja, tädhaajäque weiñä ’je’da mmaja, töwö daja weiñä ’je’da mmaja; wodiije weiñä a’que mmaja, dhanwaaje weiñä a’que mmaja. Jesuuquidiito jadä äwä’dödööcomo que tameedä änwanno äänöngeiñe maato.

CODOOSENSE 1:23

Töwö mädääje ayöödöaato’de ecamjödööje dea aweiya’comjäcä, jäduuje aweiya’comjäcä mmaja, wo’womo’nä jonno ääsecaajo’da aweiya’comjäcä mmaja, yää aashichaato wätunnä necammajäätödö metaatäneedö jonno. Yää aashichaato wätunnä tameedä soto wwäiñe nätääcammajä’a, öwö Paudo ecammajä’neije waadö.