DOSECHO 16:12 - Wanaadi A'deddu

¹² Yäätonno ñaa cöntämä Jidiipo ña, domaanocoomo jataadöcoomo, yää jata täneejucaato jaiñoone Maasedooniya ñano. Yäätä ñaa cönä’jaacä äächädä anooto mma.

DOSECHO 16:12 ပူးပေါင်းရင်းမြစ်များ

DOSECHO 16:10

Yääje Paudo wäänetö’jeje Maasedooniya ña ñaa cönääma’täi yaawä. Ñaa owaanäcä cönä’jaacä iiña ñaa anontädö Wanaadi wwä, ñeetadööcomooje aashichaato wätunnä ecammajäätödö wetä.

DOSECHO 16:21

Tönwanno töneecammajä’e weneeneto cönwanno domaano etaajaichojöönö, tödööjaichojöönö mmaja; quee cönä’döa’to Paudo jäcäiñe.

DOSECHO 16:9

Iiña coijai Paudo cönwäneetöi. Dhanwa cönääneaacä, Maasedooniya ñano; ñäädä cönä’döaacä Paudo wwä: “Maasedooniya ña ä’cäde; ñaa ’wa’täta;” quee cönä’döaacä ñäädä dhanwa.

DOSECHO 18:5

Yaawä Maasedooniya ñanno Siida, Tiimoteo wä’döa’comjäcä Wanaadi a’deddu ecammajäätödö jäcä mma Paudo töweetadaawa’cajo cönä’jaacä. Judhío wwäiñe jooje töneecammajä’e cönä’jaacä Jesuuquidiito Äwaanacaaneije yeichö, ñäädä ñanno judhío tönwomo’que cönä’ja’todö dea.

DOSECHO 19:21

Yää ’jeje Paudo töötä’se cönä’jaacä Maasedooniya ña, Acaaya ña mmaja, Jeduusadén ña töötädö wetä yaawä. Edääje cöntö’tajä’acä: Jeduusadén ña ööta’jäcä Dooma ña täjai wa yaawä; quee.

DOSECHO 19:29

Yaawä tameedä jataawoncomo cöneewodoicha’to jooje. Tönwanno cönaajoicho Caayo, Adiitaaducu mmaja, ñanno Maasedooniya ñancomo, Paudo jadoncomo. Cöni’jiichöicho yaawä töwe’jummato’como taca.

DOSECHO 20:1

Yääje mma yaawä yeewodoichadööcomo wä’ca’jäcä Paudo cöni’jummaicho tameedä quedeiyentecoomo, yäätuujadööcomo wetä. Yaawä ajoojancädäiñe töwö cönääcammaacä chäwwäiñe; cöntäma yaawä Maasedooniya ña.

DOSECHO 20:3

Yäätä cönä’jaacä aaduwaawä nuunä. Yaawä jidaawa awä Siidiya ña iichotoojo cönä’ja’dö’je, töwäädä judhío täma’se yeichöcoomo cöneetaiñe’. Yääje yeijäcä macääcä mma cönennacai; Maasedooniya chäcä mmaja cöntännea.

DOSECHO 20:6

Yää ’jeje yaawä uu ummannä’cajootojo ’jemjönö taut’ojo comjedensiyai’chädö ija’dä’ja’jäcä ñaa cöneeja’cai Jidiipo ñanno jidaawa awä. Ijaatoodea anoototo ai Todoowa ña ñaa cönoojodöi yaawä ñanno jadäiñe, ñaa owaajo cöntontodö jadäiñe. Yäätä ñaa cönä’jaacä aacä amoojato anooto.

DOSECHO 27:2

Ñaa cönä’täi yaawä Aadamiitiyo ñano jidaawa aca, Aasiya ñano wötäädö. Aaditaaducu mmaja ñaa jadä cönä’ja’dea, ñäädä Teesadoonica ñano, Maasedooniya ñano jataawono.

DOMAANO 15:26

Ñanno Maasedooniya ñancomo, Acaaya ñancomo mmaja, töjöödataichomo cöni’jummaicho Jeduusadén ñancomo quedeiyente wäntunamjödööcomo i’wa’toto’comooje.

JIDIIPENSE 1:1

Öwö Paudo, Tiimoteo mmaja, Jesuuquidiito anoonö, edä ñaa nimenna äwwadäädäiñe, änwanno tameedä quedeiyentecoomo Jidiipo ñancomo, Wanaadi sotoi, Jesuuquidiito jadoncomo; ansiyaano wwadäädäiñe mmaja ñaa nimenna dea, diyaacono wwadäädäiñe mmaja.

JIDIIPENSE 1:5

ö’wa’tä’jödö weijäcä äwwäiñe aashichaato wätunnä ecammajäätödö jäcä, awa’deene äwwäiñe eta’jödö jonnoto’jödöödä eduuwa naadö jona tödööene.

1 TEESADOONISENSE 2:2

Äwwäiñe tacaade na Jidiipo ña ñaa wätä’maminchajo’jödö, ñaa wäntunamjö’jödö mmaja. Yääje yeichaame Wanaadi ñaa ’wa’täne tösaade’da ñaa wwä ecammajäätödö wetä äwwäiñe Wanaadi wätunnäi aashichaato, jooje ñaa tu’de’tätaame anejjacoomo wwä.