DOSECHO 15:6 - Wanaadi A'deddu

⁶ Yaawä anonta’como cöne’jummaicho ansiyaano jadäiñe yää jäcä töwa’deuwödööcomo wetä.

DOSECHO 15:6 ပူးပေါင်းရင်းမြစ်များ

MATEO 18:20

Aacä mma öwö yeetö joi ye’jumma’como yeiya’comjäcä, aaduwaawä jeiñe, öwö wa’de chääjadäiñe; quee cönä’döaacä Jesuuquidiito tönoowanoomadö wwäiñe.

DOSECHO 11:30

Yää töni’jumma’jocoomo ansiyaano Judheea ñancomo wwadäädä cönaadojoicho yaawä Waanawé wwä, Saudo wwä mmaja.

DOSECHO 15:2

Yaawä Paudo, Waanawé mmaja, jooje cönäätäccujä’a’to ñanno jadäiñe. Yää ’jeje Paudo Jeduusadén ña cönootonno’jajoi Waanawé jadä, anejjacoomo quedeiyente jadäiñe mmaja. Anonta’como Jeduusadén ñancomo ecamma’joiñe cönta’to, ansiyaanocoomo mmaja, ñanno iiñancomo quedeiyentecoomo e’se’tännamo.

DOSECHO 15:22

Yaawä ñanno anonta’como, ansiyaano mmaja, tameedä quedeiyentecoomo mmaja, cöna’deuwöicho anejjacoomo töjimmotoncomo enno’jadööcomo wetä Antiyooquía ña, Paudo, Waanawé jadäiñe. Juudha cöne’toicho yaawä töötäämöje, ñäädä Waasawaaje mmaja chäätö cönä’ja’dö. Siida mmaja cöne’toicho dea. Ñanno cönä’ja’to täneejuca’como quedeiyentecoomo wwäiñe.

DOSECHO 15:25

Yääje yeijäcä tameedä ñaa ne’jummai eetä, mädä jäcä töwa’deuwödö wetä. Aashicha cöntö’taacä ñaa wwä anejjacoomo töjimmä adöiñaiñe enno’jadööcomo, adheeneiñe. Ñaa nanontaato Paudo, Waanawé jadäiñe, ñanno ñaa nijummadö.

DOSECHO 15:4

Yaawä Jeduusadén ña Paudo wä’döa’comjäcä aashicha quedeiyentecoomo cöna’dejjaicho, anonta’como mmaja, ansiyaano mmaja. Yaawä Paudo cöneecammajä’a’to tameedä Wanaadi nödö’jödö töjääcäiñe.

DOSECHO 16:4

Tameedä jata töötädööcomo waadäi quedeiyentecoomo wwä töneecammajä’e cönä’ja’to yää Jeduusadén ñancomo anonta’como necamma’jocoomo jäcä, ansiyaano necamma’jocoomo jäcä mmaja.

DOSECHO 21:18

Yaawä yää jenamma naadöje Paudo jadä ñaa cöntämä Jacoowo döiña; yäätä cönä’ja’to tameedä ansiyaano.

DOSECHO 6:2

Yaawä ñanno amoojadooto de’wä aaco’como anonta’como tameedä quedeiyentecoomo cöni’jummaicho; cönä’döa’to chäwwäiñe: —Wanaadi a’deddu ecammajäätödö e’nomjajai’cha ñaa na äwanshi ecaamodö wetä.

EEWEDEO 13:17

Adhe’se’tännamo waanontädööcomo tödöötäcä; yoijeiñe eichäcä, aweichöcoomo edai’chännamooje yeichomjäcä. Äcuude tönwanno Wanaadi wwä nätääcamma’jajaato’de adheedai’cho’jocoomo jäcä. Aashicha eichäcä, ta’cwaiñe tötaadawaajuichomo tödöiyeto, taquiiñuque’daane. Äwwäiñe aquiñu’taja’jäcä aashicha aweicho’como ’je’da eijai ña.

EEWEDEO 13:7

Adhe’se’tännamo’jödö ijummatääcä, ñanno äwwäiñe Wanaadi a’deddu cöneecammajäätöichodö. Iiñö’jocoomo jäcä ätö’tatääcä; ñeecamjödööcomo nönge mmaja ecaanö’täcä änwanno.