DOSECHO 15:36 - Wanaadi A'deddu

³⁶ Yääje mma yaawä aneedawä anooto awä Paudo cönä’döaacä Waanawé wwä: —Jata waadäi quennacaiyede, tameedä Cajiichaana a’deddu cöneecammajäätö’jödö ai; quedeiyentecoomo queenetaiyetoode, ¿aaquene’ naicho? quee cönä’döaacä Paudo.

DOSECHO 15:36 ပူးပေါင်းရင်းမြစ်များ

MATEO 25:36

Töwonque’da wéichawä änwanno woomö mu’täne. Cädäije weichawä, jedeesoje weichawä mmaja, änwanno yeenetä mä’ja’quene;” quee nä’döa’de Cajiichaana.

MATEO 25:43

Tömmaiche’da weichawä mmaja änwanno wääwa’totoojo aneecamma’da mä’ja’quene. Töwonque’da weichawä woomö äntu’da mä’ja’quennea. Cädäije weichawä, jedeesoje weichawä mmaja, yeenejäätö’da mä’ja’quene;” quee nä’döa’de Cajiichaana ñanno ämu’dato dö’sencomo wwä.

DOSECHO 13:12

Yaawä yää eneeä’jäcä acu’shänä cöneecamjöi, ñäädä Seejiyu Paudo täätö. Töwö yaacö’je cönä’jaacä Cajiichaana Jesuuquidiito jäcä ecammajäätödö etaadö.

DOSECHO 13:4

Yääje mma yaawä Epíiditu Santo nanontädö woije Sedeusiya ña cöntonto Waanawé, Saudo mmaja. Yäätonno Chiipede ña cöntonto yaawä jidaawa awä.

DOSECHO 13:51

Yaawä Paudo tösaajatuichomo cönse’secaicho, yäätoncomo soto eta’se’da yeichöcoomo ene’ju’tojooje. Yaawä Icooniyo ña cöntonto.

DOSECHO 14:1

Yääje mma yaawä Icooniyo ña Paudo wä’döa’comjäcä Waanawé acä a’nädä cönoomomöicho judhío we’jummato’como taca. Yaawä chäwwäiñe jäduuje Wanaadi a’deddu ecammajäätödö weijäcä jooje judhío cöneecamjöicho, judhíojöncomo mmaja.

DOSECHO 14:21

Yaawä Deedewe ña aashichaato wätunnä ecammajä’a’jäcä jooje soto cöneewaacaicho quedeiyenteje. Yäätonno cönennacaicho Diitada ña, Icooniyo ña mmaja, Antiyooquía ña mmaja.

DOSECHO 14:6

Yaawä täma’seiñe yeichöcoomo eta’jäcä Paudo cönäänejeicho Waanawé acä; Diitada ña cöntonto, Deedewe ña mmaja, yää Dicaaoniiya ñano jata. Tameedä yää weichö wa’cä cönäämannäjöicho

DOSECHO 7:23

“Yaawä aacä soto wedu töwä’döa’jäcä Moisé töjimmä ene’seiñe cönä’jaacä, ñanno iisadaaediitacoomo.

DOMAANO 1:11

Adheene’seiñe wa jooje, quedeiyenteje aweichöcoomo jäcä ä’wa’tädööcomo wetä, äjäädu’täneichomooje mmaja.

2 CODINTIYO 11:28

Tameedä mädoocomo de’wä mmaja jeene anooto waadäi tö’tajäätödö töweiye weneene, yää tameedä quedeiyentecoomo encano’tädööcomo.

JIDIIPENSE 1:27

Edääje mma eichäcä’de, Quidiito wätunnäi aashichaato necammadö woije mma. Yaawä adöiñaiñe ööta’jäcä, tä’da weiya’jäcä jeiñe mma, aashicha dea adheecadööcomo äätäiye’de öwwä, jäduujeedä aweichöcoomo, aata’deucone aweichöcoomo mmaja, aashichaato wätunnä ecamjödö jäcäinchädä tujuumä töweewänä’tä aweichöcoomo mmaja äätaiye’dede.

1 TEESADOONISENSE 3:6

Eduuwa Tiimoteo töwä’döe na adöiñancomo’jödö. Töwö adheecammajä’täne aashicha töneecanö’e aweichöcoomo, wä’jummanä ’je aweichöcoomo mmaja. Töwö cöneecammajäätöi chea adha’cwaniiyöcoomo que ñaa jäcä tötö’tajä’e aweichöcoomo, jooje ñaa ene’se aweichöcoomo mmaja. Ñaa mmaja adheene’seiñe na dea.

2 TIIMOTEO 1:4

Awaamo’jödö jäcä tö’tajäätödaawä adheene’se tötö’tajä’e wäänene, ta’cwaiñe weichö wetä yaawä.