DOSECHO 15:35 - Wanaadi A'deddu

³⁵ Paudo, Waanawé mmaja yäätä cöno’somjoicho dea. Tönwanno anejjacoomo jadä soto cönoowanooma’to; Cajiichaana a’deddu töneecammajä’e cönä’ja’to dea.

DOSECHO 15:35 ပူးပေါင်းရင်းမြစ်များ

2 TIIMOTEO 4:2

Wanaadi a’deddu töneecammajä’e eichä; chääjäcä töweesomaajä’e deaane eichä’de, chu’nädö awä mecammajä’töiye, chu’nädö awä’da mmaja. Yää que soto e’jodheinchacooto, cone’da tödööjocootode, yäätuujacooto’dede, owaanomaadöcoomo jäcä aquinchancädä’da.

CODOOSENSE 1:28

Näädä Quidiito töneecammajä’e ñaa weneene. Tameedä soto töwätuujaiñe ñaa weneene dea, tönoowanoomaiñe mmaja, chäänönge chäwwäiñe etaadö wetä, tameedä chäänönge yeichöcoomo wetä mmaja Quidiito jadä.

DOSECHO 13:1

Yaawä Antiyooquía ña quedeiyente antawäiñe cönä’ja’to anejjacoomo Wanaadi a’deddu ecammannamo, Wanaadi a’deddu jäcä owaanomannamo mmaja. Ñanno cönä’ja’to: Waanawé; Simón mmaja, ñäädä Juduumatooje mmaja chäätö conä’ja’dö; Duusiyo mmaja cönä’ja’dea, ñäädä Sideene ñano; Maanaén mmaja, ñäädä Edoodhe Caadideea ñano acu’shänäi’chädö jadoono wennejenca’jödö; Saudo mmaja cönä’ja’dea.

1 TIIMOTEO 2:7

Yää ecammajä’neije tödööajääje wa öwö, anontaajäje mmaja, judhíojöncomo owaanomaadöcoomo wetä chäänöngato ecamjödö jäcä. Chäänöngato mädä Quidiito owaadäädä wecammaadö, weeshi’jodööjönö.

DOSECHO 28:31

Chäwwäiñe töneecammajä’e cönä’jaacä Wanaadi töcaajichaanaije tödöödö jäcä. Cajiichaana Jesuuquidiito jäcä tönoowanoomaiñe cönä’ja’dea. Anejja aneecammajoojätö’da töweiye cönä’jaacä chäwwä.

DOSECHO 14:28

Yaawä Paudo, Waanawé numa cönä’ja’to yäätä quedeiyente jadäiñe.

DOSECHO 8:4

Ñanno Quidiito sotoi, Jeduusadén ñanno cönäämecantoichodö aashichaato wätunnä cöneecammajä’a’to tameedä anejja jataacä töwä’dödööcomo waadäi.

DOSECHO 12:25

Yaawä töwwäiñe tödööemö jäcä töwä’ca’comjäcä ñanno Waanawé, Saudo mmaja, cöntonto dea Jeduusadén ñanno; töjaadäiñe Juan cönaadoicho, ñäädä Maadocooje mmaja chäätö cönä’ja’dö.

DOSECHO 13:12

Yaawä yää eneeä’jäcä acu’shänä cöneecamjöi, ñäädä Seejiyu Paudo täätö. Töwö yaacö’je cönä’jaacä Cajiichaana Jesuuquidiito jäcä ecammajäätödö etaadö.

DOSECHO 15:34

Siida mmaane töwoije cöno’somjoi yäätä Antiyooquía ña.