DOSECHO 15:30 - Wanaadi A'deddu

³⁰ Yaawä tanonta’comjäcä Paudo cöntonto Antiyooquía ña. Iiña quedeiyentecoomo cöni’jummaicho; yää jajeeda cuntuicho yaawä chäwwäiñe.

DOSECHO 15:30 ပူးပေါင်းရင်းမြစ်များ

DOSECHO 11:19

Yaawä soto wwäiñe Eteewa ema’jeje anejjacoomo quedeiyentecoomo maminchädööcomo mmaja cönaajäntoicho dea; yääje yeijäcä ñanno quedeiyentecoomo cönäänejeicho Jeniisiya ña, Chiipede ña mmaja, Antiyooquía ña mmaja. Iiña tönwanno Wanaadi a’deddu töneecammajä’e cönä’ja’to, tameedä soto wwäiñe’da, judhíocoomo wwä mma.

DOSECHO 11:20

Dhantawäiñe cönä’ja’to anejjacoomo Chiipede ñancomo, Sideene ñancomo mmaja. Ñanno Antiyooquía ña töwä’döa’comjäcä judhíojöncomo wwä mmaja cöneecammajäätöicho aashichaato wätunnä Cajiichaana Jesuuquidiito jäcoono.

DOSECHO 11:27

Yääje mma yaawä Jeduusadén ñanno anejjacoomo Wanaadi wa’deuwödö ecammannamo Antiyooquía ña cöntonto.

DOSECHO 15:22

Yaawä ñanno anonta’como, ansiyaano mmaja, tameedä quedeiyentecoomo mmaja, cöna’deuwöicho anejjacoomo töjimmotoncomo enno’jadööcomo wetä Antiyooquía ña, Paudo, Waanawé jadäiñe. Juudha cöne’toicho yaawä töötäämöje, ñäädä Waasawaaje mmaja chäätö cönä’ja’dö. Siida mmaja cöne’toicho dea. Ñanno cönä’ja’to täneejuca’como quedeiyentecoomo wwäiñe.

DOSECHO 15:31

Yaawä töwwäiñe yää jajeeda a’de’ta’jäcä ñanno quedeiyentecoomo cöna’cwainchaicho töjäädu’tädööcomooje a’de’tä’jödö weijäcä töwwäiñe.

DOSECHO 16:4

Tameedä jata töötädööcomo waadäi quedeiyentecoomo wwä töneecammajä’e cönä’ja’to yää Jeduusadén ñancomo anonta’como necamma’jocoomo jäcä, ansiyaano necamma’jocoomo jäcä mmaja.

DOSECHO 21:22

¿Aaquene yaawä, quee ’ja? Äwä’dö’jödö eta’jäcä tameedä jataawoncomo noojodööaato’de.

DOSECHO 23:33

Yaawä Seesadeea ña töwä’döa’comjäcä acu’shänä wwä jajeeda cuntuicho, Paudo mmaja.

DOSECHO 6:2

Yaawä ñanno amoojadooto de’wä aaco’como anonta’como tameedä quedeiyentecoomo cöni’jummaicho; cönä’döa’to chäwwäiñe: —Wanaadi a’deddu ecammajäätödö e’nomjajai’cha ñaa na äwanshi ecaamodö wetä.