DOSECHO 15:24 - Wanaadi A'deddu

²⁴ Ñaa cöneetaacä eetonno anejjacoomo wöto’jocoomo adöiñaiñe. Ñanno töneecammajäätödööcomo que adhaaquimmatäiñe weneeneto, adhaashichuudätäiñe mmaja. Tönwanno siicunsidaadoje ayöödöjo’seiñe naato, jenaado’jä waanontänä tödööjo’se naato dea äwwäiñe. Ñaa nanontädööjönö ñanno cönä’ja’to.

DOSECHO 15:24 ပူးပေါင်းရင်းမြစ်များ

DOSECHO 15:1

Yaawä Judheea ñanno anejjacoomo soto cöntonto Antiyooquía ña; yäätoncomo quedeiyentecoomo cönoowanooma’to. Tönwanno töwä’döe cönä’ja’to: —Äwääwanaacato’comooje siicunsidaadoje ä’dojai maato, Moisé waanontä’jödö nönge dea; quee töwä’döe cönä’ja’to.

CAADATA 1:7

A’que yeichaame anejja wätunnä chäänöngato; anejjacoomoone adhaaquiimaato, Quidiito wätunnäi aashichaato inwacaama’se naato.

CAADATA 5:10

Öwö Cajiichaana woije edääje tö’tajä’a äjääcäiñe; anejjeja ätö’tajäätödööcomo aneeseca’da eijai ätö’taato öwwä. Ñäädä adhencödööneichomo mmaane nätä’maminchaja’de Wanaadi wwä, täneejuque yeichö jona’da.

CAADATA 5:12

Siicunsidaadoje mma’da yei’she waato ñanno adhaaquiimannamo, emuucaajäje jeene.

CAADATA 5:4

Änwanno jenaado’jä waanontänä tödöödö que Wanaadi jadoncomooje töwei’sha’como, Quidiito jonno töwä’sancwajo maato. Wanaadi nutuudu aashichaato jonno to’nomja maato.

2 TIIMOTEO 2:14

Edä jäcä chö’tamme’jocooto; Cajiichaana owaadäädä yäätuujacooto wätunnä jäcä ätäccujäätö’da yeichöcoomo wetä. Aashicha dötä’da na yää wätäccujä’nä, töcoone’ma mma nichoone’ma etaanei’jödö.

1 JUAN 2:19

Tönwanno cönä’sancwajoicho cöjaadäiñe töweichöcoomo jonno. Cöjimmotoncomo neenejöönö cönä’ja’to. Dha’da ei’jo mmaane cösancwatäiñe’da eichö cöneiya’to. Tönwanno cösancwatääne täne’ju’dhe yeichö wetä cöjimmotoncomo neeneje’da töweichöcoomo.