DOSECHO 15:23 - Wanaadi A'deddu

²³ Tönwanno jajeeda cönaadojoicho chäwwäiñe, edääjato imennaajä: “Ñaa anonta’como, ansiyaano mmaja, eetoncomo quedeiyentecoomo mmaja, ñaa nimenna äwwadäädäiñe, änwanno quedeiyente judhíojöncomo, Antiyooquía ñancomo, Siidiya ñancomo mmaja, Sidiisiya ñancomo mmaja.

DOSECHO 15:23 ပူးပေါင်းရင်းမြစ်များ

MATEO 4:24

Chääcadö cöneecatai yaawä tameedä Siidiya ña. Ñanno iiñancomo cädäija’como cönnejooto yöiña, chäwwä adoncajoodö wetä. Anejjejaiñene’jödöödä cönä’jaacä chäädäichöcoomo. Odo’sha ’jacomo cönnejooto dea, änönnä’ja’como mmaja, secumja’como mmaja. Jesuuquidiito cönaadoncaicho tameedäädä.

DOSECHO 11:18

Yaawä yää eta’jäcä Jeduusadén ñancomo quedeiyentecoomo cöneeta’jöjäätöicho; aashicha cöna’deuwa’to yaawä Wanaadi jäcä. Tönwanno cönä’döa’to: —Judhíojöncomo wwä mmaja Wanaadi cuntui chea chö’tajäätödööcomo sha’duminchatoojo, yääwanaacadööcomo wetä; quee cönä’döa’to.

DOSECHO 11:20

Dhantawäiñe cönä’ja’to anejjacoomo Chiipede ñancomo, Sideene ñancomo mmaja. Ñanno Antiyooquía ña töwä’döa’comjäcä judhíojöncomo wwä mmaja cöneecammajäätöicho aashichaato wätunnä Cajiichaana Jesuuquidiito jäcoono.

DOSECHO 14:27

Yaawä Antiyooquía ña töwä’döa’comjäcä Quidiito sotoi cöni’jummaicho; chäwwäiñe cöneecammajäätöicho tameedä Wanaadi nödö’jödö töjääcäiñe. Cöneecammajäätöicho dea judhíojöncomo wwä Cajiichaana wwä utu’jödö ta’deddu etaatojo, ecamjödö wetä chäwwäiñe.

DOSECHO 15:1

Yaawä Judheea ñanno anejjacoomo soto cöntonto Antiyooquía ña; yäätoncomo quedeiyentecoomo cönoowanooma’to. Tönwanno töwä’döe cönä’ja’to: —Äwääwanaacato’comooje siicunsidaadoje ä’dojai maato, Moisé waanontä’jödö nönge dea; quee töwä’döe cönä’ja’to.

DOSECHO 15:2

Yaawä Paudo, Waanawé mmaja, jooje cönäätäccujä’a’to ñanno jadäiñe. Yää ’jeje Paudo Jeduusadén ña cönootonno’jajoi Waanawé jadä, anejjacoomo quedeiyente jadäiñe mmaja. Anonta’como Jeduusadén ñancomo ecamma’joiñe cönta’to, ansiyaanocoomo mmaja, ñanno iiñancomo quedeiyentecoomo e’se’tännamo.

DOSECHO 15:22

Yaawä ñanno anonta’como, ansiyaano mmaja, tameedä quedeiyentecoomo mmaja, cöna’deuwöicho anejjacoomo töjimmotoncomo enno’jadööcomo wetä Antiyooquía ña, Paudo, Waanawé jadäiñe. Juudha cöne’toicho yaawä töötäämöje, ñäädä Waasawaaje mmaja chäätö cönä’ja’dö. Siida mmaja cöne’toicho dea. Ñanno cönä’ja’to täneejuca’como quedeiyentecoomo wwäiñe.

DOSECHO 15:4

Yaawä Jeduusadén ña Paudo wä’döa’comjäcä aashicha quedeiyentecoomo cöna’dejjaicho, anonta’como mmaja, ansiyaano mmaja. Yaawä Paudo cöneecammajä’a’to tameedä Wanaadi nödö’jödö töjääcäiñe.

DOSECHO 15:41

Siidiya chäcä cönäämannäjöicho, Sidiisiya chäcä mmaja, quedeiyentecoomo jädu’tancädäiñe.

DOSECHO 18:18

Yäätä Paudo cönä’jaacä numa. Yää ’jeje quedeiyentecoomo wwä töwääcammadö’jo, jidaawa awä cöntämä Siidiya ña, Pidiisiida, Aquiida jadäiñe. Yaawä Senquedea ña tuju’jä töde’caiche cöncajoi, töwääcamma’jödö nönge tödöödö wetä.

DOSECHO 21:25

Ñanno judhíojöncomo quedeiyentecoomo wwadäädäiñe mmaane ñaa cömmennäi yää chäwwäiñe tödööjojai’cha ñaa weichö jäcä; chu’taajä wwä u’ajä mmaane änämjo’da ñaa cöneiyacä chäwwäiñe, munu anaamejo’da mmaja, awö’cajä änämjo’da mmaja. “Amaasuduichatäi’che,” quee mmaja ñaa cömmennäi chea chäwwadäädäiñe; quee cönä’döa’to ñanno ansiyaano Paudo wwä.

DOSECHO 21:3

Chiipede ña töwä’döa’jäcä ñaa cöneeja’dätäi ämu’demjönö dö’se; Siidiya ña ñaa cöntämä yaawä. Ñaa cönaajäi yaawä Tiido ña, yäätä jidaawa acaano encatoojo yeijäcä.

DOSECHO 23:26

“Öwö Cadaudiyo Diisiya wimenna äwwadäädä, amäädä acu’shänä Jeedi, aashichaato. ¿Aashicha jemma manä?

DOSECHO 6:9

Yaawä anejjacoomo judhío we’jummato’como tacancomo Eteewa jadä cönäätäccujä’a’to. Ñanno cönä’ja’to tanontäjä’aamo wätu’ca’como. Sideene ñancomo mmaja cönäätäccujä’a’to dea Eteewa jadä, Aadejantidía ñancomo mmaja, Sidiisiya ñancomo mmaja.

CAADATA 1:21

Yää ’jeje wötääne Siidiya ña, Sidiisiya ña mmaja.

SANTIYAACO 1:1

Öwö Santiyaaco, Wanaadi anoonö, Cajiichaana Jesuuquidiito anoonö mmaja, ya’deujödö wadääja äwwadäädäiñe, änwanno iisadaaediitacoomo, amoojadooto de’wä aacä adhaadai’choncomo naadö, tameedä nono weichö wa’cä äwäämecanta’como maatoodö.

2 JUAN 1:10

Adöiñaiñe anejja wöta’jäcä, edä wätunnä nönge’da ñeecammajäätödö yeiya’jäcä, manaamonno’jotäi’che ämmaichomo taca; ta’cwaiñe meichäi’che chääjäcä.

2 JUAN 1:13

Ajiishö nnacoomo ta’deujocoomo nadääjaato äwwadäädä, ñäädä Wanaadi neichö. Amén.

2 JUAN 1:3

Cumöötoncomo Wanaadi, Cajiichaana Jesuuquidiito mmaja, ñäädä Cumöötoncomo nnedö, aashichaato nödööaato äjääcäiñe, wentumje mmaja adheeneaato dea, täncanoode’da aweicho’como mmaja nu’aato dea, chäänöngato jadä, wä’jummanä jadä mmaja.

3 JUAN 1:14

Eduuwa mma adheene’se wa, ääje’tacaane ca’deujätöiye.