DOSECHO 14:3 - Wanaadi A'deddu

³ Yääje yeijäcä yäätä Paudo cönä’ja’to numa. Cajiichaana ecaanö’ancädä jäduuje töneecammajä’e cönä’ja’to aashicha Wanaadi weichö jäcä. Cajiichaana chäänönge ñeecammajäätödö weichö töneenejo cönä’jaacä ene’ju’tojo tödööjodö que chäwwäiñe, aashichaato tödööjodö que mmaja.

DOSECHO 14:3 ပူးပေါင်းရင်းမြစ်များ

MAADOCO 16:20

Ñanno ñoowanoomadö cöntonto yaawä, tameedä yeichö wa’cä aashichaato wätunnä cöneecammajäätöicho. Cädhaajotoncomo Jesuuquidiito dea töni’wa’täiñe cönä’jaacä. Ta’deddu töneene’ju’jo töweiye cönä’jaacä täneemö aashichaato que. Amén.

JUAN 4:48

Jesuuquidiito cönä’döaacä chäwwä: —Ene’ju’tojo mmaja, aashichaato mmaja, aneene’da aweiya’comjäcä ecaanö’jai’cha maato; quee.

DOSECHO 13:46

Yaawä Paudo, Waanawé mmaja, tösaade’da cöna’deuwöicho; cönä’döa’to: —Wanaadi a’deddu täcammajä’emje cönä’jaacä äwwäiñe awa’de, änwanno judhíocoomo, töwäädä eta’se’da maatoone’; ämjumma’da maato töwaatamemjönö aweicho’como. Yääje yeijäcä judhíojöncomo wwä ñaa necammajä’ta eduuwa.

DOSECHO 2:22

“Yääje yeijäcä ya’deddu etaatäcä änwanno iisadaaediitacoomo. Ñäädä Jesuuquidiito Naasade ñano cönä’jaacä dhanwa chäänöngato. Äwwäiñe Wanaadi cöneene’ju’joi yääje yeichö täneemö tödööjodö que, ene’ju’tojo tödööjodö que mmaja, aashichaato tödööjodö que mmaja, yää Wanaadi chäwwä tönnöjo cönä’ja’dö aneenedööcomooje. Änwanno odhoowanääcäiñe na yääje yeichö.

DOSECHO 20:24

Cone’da yöödö’da na mädääje yeichö; oowontä’da mmaja wa dea. Ta’cwaiñe wä’ca’se mmaane wa öwwä tödööemö jäcä, yää Cajiichaana Jesuuquidiito taadawaajuije cuntuichö, aashichaato wätunnä ecammajäätödö aashicha Wanaadi weichö jäcä.

DOSECHO 20:32

“Eduuwa jimmä, Wanaadi wwä maneedai’chajaato. Töwö dha’deddu aashichaato adheedai’chaato’de, äjäädu’taato’dede. Töwö dha’deddu tödöödö que änwanno ejoodöjai maato ñanno shooma’como jadäiñe aweicho’como.

DOSECHO 4:31

Yää ’jeje töwa’deuwödööcomo jäcä töwä’ca’comjäcä conäätu’mei yaawä ye’jumma’como dö’tä. Tameedä tönwanno Epíiditu Santo jäduudu ’je cönä’döicho; tösaade’da Wanaadi a’deddu cöneecammajä’a’to.

DOSECHO 5:32

Mädä jäcä ecammajä’neije ñaa na, Epíiditu Santo mmaja. Wanaadi Epíiditu Santo tunu’e weneene tameedä töwoije tödöönei wwä; quee Peedhodo cönä’döa’to äcamma’jonnamo wwä.

DOMAANO 1:16

Aashichaato wätunnä jöichajo’da na yää Wanaadi töjääduduuje tönnöe yeijäcä tameedä ecaanö’nnamo ewaanacaato’comooje, judhío ewaanacaato’comooje awa’de, judhíojöncomo ewaanacaato’comooje mmaja.

1 TEESADOONISENSE 2:2

Äwwäiñe tacaade na Jidiipo ña ñaa wätä’maminchajo’jödö, ñaa wäntunamjö’jödö mmaja. Yääje yeichaame Wanaadi ñaa ’wa’täne tösaade’da ñaa wwä ecammajäätödö wetä äwwäiñe Wanaadi wätunnäi aashichaato, jooje ñaa tu’de’tätaame anejjacoomo wwä.

EEWEDEO 2:4

Wanaadi mmaja chäänönge yää wätunnä weichö cöneenejoi ene’ju’tojo tödööjodö que, täneemö tödööjodö que mmaja, jooje aashichaato tödööjodö que mmaja, aneejejaiñene’jödöödä Epíiditu Santo utuudu que mmaja, tumjummadö woije.