DOSECHO 14:20 - Wanaadi A'deddu

²⁰ Yaawä quedeiyentecoomo tawoodhecääcä ye’jumma’comjäcä Paudo cönammöi; jataaca cöntäma yaawä. Yää jenamma naadöje Deedewe ña cöntäma Waanawé acä.

DOSECHO 14:20 ပူးပေါင်းရင်းမြစ်များ

DOSECHO 11:26

Yäätä tönwanno cönä’ja’to tooni wedu Quidiito sotoi jadäiñe; jooje soto cönoowanoomaicho. Antiyooquía ña awa’deene soto quedeiyentecoomo quidiitiyaanoje cöne’toicho. Quidiito jadoonoje, quee töwä’dö’se yeichö.

DOSECHO 11:29

Yaawä quedeiyentecoomo Antiyooquía ñancomo cöna’deuwöicho töjimmotoncomo Judheea ñancomo wwadäädä jödaata adoojodö wetä, i’wa’toto’comooje yää ämi awä. Töwaadäiñe cuntuicho u’jai töweichöcoomo woije.

DOSECHO 12:17

Töwö Peedhodo tamäädö eneejojäätödö que cöneeta’jöichajoicho; yaawä chäwwäiñe cöneecammajäätöi Cajiichaana wwä jedeeso ewöötö’tädö tacanno tu’ca’jödö. Töwö cönä’döaacä chäwwäiñe: —Ecammajä’täcä’de Jacoowo wwä, anejjacoomo quedeiyente wwäiñe mmaja; quee cönä’döaacä. Cöneeja’cai yaawä aneiñaja töötädö wetä.

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

DOSECHO 14:28

Yaawä Paudo, Waanawé numa cönä’ja’to yäätä quedeiyente jadäiñe.

DOSECHO 14:6

Yaawä täma’seiñe yeichöcoomo eta’jäcä Paudo cönäänejeicho Waanawé acä; Diitada ña cöntonto, Deedewe ña mmaja, yää Dicaaoniiya ñano jata. Tameedä yää weichö wa’cä cönäämannäjöicho

DOSECHO 16:1

Yaawä Paudo, Siida mmaja cönä’döicho Deedewe ña, Diitada ña mmaja; yäätä quedeiyente cöneejodöicho, Tiimoteo täätö. Ñäädä dhenö cönä’jaacä judhío, quedeiyente cönä’jaacä; yuumö ’quene cönä’jaacä quidiiyeeco.

DOSECHO 16:40

Yaawä jedeeso ewöötö’tädö tacanno töweeja’ca’comjäcä Paudo cöntonto Diidiya e’saca. Yää ’jeje quedeiyentecoomo eneea’jäcä töwö cönwätuujaicho; cöntonto yaawä aneiñaja.

DOSECHO 20:1

Yääje mma yaawä yeewodoichadööcomo wä’ca’jäcä Paudo cöni’jummaicho tameedä quedeiyentecoomo, yäätuujadööcomo wetä. Yaawä ajoojancädäiñe töwö cönääcammaacä chäwwäiñe; cöntäma yaawä Maasedooniya ña.

2 CODINTIYO 6:9

Aneedawä töjimmä nönge’da soto ñaa dötä weneeneto, aneedawä ’quene töjimmä nönge. Töwäämatoojojaato töneene ñaa weichaame nudä dea ñaa na; tömaamincha ñaa weichaame mmaja, ääma’da ñaa na;