DOSECHO 14:15 - Wanaadi A'deddu

¹⁵ —Mädääje’daane jimmä, quee cönä’döa’to, soto mmaja ñaa dea, anönga’como mmaja. Mädä nöngato jäcä ecammajä’nnamooje ñaa cöneejä sadä, mädä weicho’jönö mödööaatoodö me’nomjatäiye yaawä, Wanaadi nudootoone mecaanö’täiye, ñäädä caju tödöönei’jödö, nono mmaja, dama mmaja, tameedä dhacaiñe naadö mmaja.

DOSECHO 14:15 ပူးပေါင်းရင်းမြစ်များ

MATEO 16:16

Yaawä Simón Peedhodo cönä’döaacä: —Äwaanacaanei amäädä, Wanaadi nudooto nnedö; quee cönä’döaacä.

JUAN 5:26

Jaaja wwä töweiye do’ta u’tojo. Töwö Tönnedö wwä cuntui chea do’ta u’tojo.

JUAN 7:18

Ñäädä töjääcono wa’deuwödö töwö mma aashichaatoje nätä’ta. Tanontänei’jödö jäcoono wa’deuwödö mmaane chäänöngato ñäädä; ätäncu’tä’da töwö.

DOSECHO 10:26

Peedhodo cönaanömjoi yaawä; cönä’döaacä chäwwä: —Aanöncä, soto mmaja öwö dea, anöngato mma; quee.

DOSECHO 13:32

“Mädääje na; äwwäiñe ñaa necammajä’a eduuwa aashichaato wätunnä, yää cadai’choncomo wwä Wanaadi necamma’jödö.

DOSECHO 14:21

Yaawä Deedewe ña aashichaato wätunnä ecammajä’a’jäcä jooje soto cöneewaacaicho quedeiyenteje. Yäätonno cönennacaicho Diitada ña, Icooniyo ña mmaja, Antiyooquía ña mmaja.

DOSECHO 14:7

aashichaato wätunnä ecammajä’ancädä.

DOSECHO 16:30

Töwö cunu’caicho yaawä jedeeso ewöötö’tädö tacanno; cöneecamma’joicho: —¿Ane’cäämö tödööjai wanä wääwanaacatoojoje? quee cönä’döaacä.

DOSECHO 27:10

cönä’döaacä chäwwäiñe: —Täjai’cha caato eduuwa; tönoiñe na jooje. Jidaawa emaajai caato, dhacaano mmaja. Cönwanno mmaja ä’ja’jai caato dea; quee cönä’döaacä.

DOSECHO 27:21

Jooje anooto ñaa cönä’jaacä ääwashinchä’da; yääje yeijäcä Paudo cönammöi dhantawäiñe; cönä’döaacä: —Jimmä, ya’deddu maneetato’jo mmaane, Quedeeta ñanno ääma’tä’da queicho’jo, edä conemjönö aneene’da queichädö, mädä cäntunaanö’aatoodö.

DOSECHO 27:25

Yääje yeijäcä ta’cwaiñe eichäcä; Wanaadi wecaanö’a. Yoowanääcä na amoode necamma’jödö nönge ä’döjai yeichö.

DOSECHO 4:24

Yää eta’jäcä tujuumä cöna’deuwöicho yaawä Wanaadi wwä; cönä’döa’to: —Cajiichaana, ñäädä amäädä Wanaadi, caju dönei’jödö, nono dönei’jödö mmaja, dama dönei’jödö mmaja, tameedä yeichö wa’cä tödöönei’jödö mmaja.

DOSECHO 7:26

Yää jenamma naadöje Moisé cöneedantoicho aacä töjimmä wataiju’jätöödöcoomo. Töwö a’cwaima’seiñe cönä’jaacä; cönä’döaacä chäwwäiñe: “Ñanno dea dajaane änwanno, ¿ane’que’nei mataiju’jä’ato dea?” quee cönä’döaacä.

1 CODINTIYO 8:4

Yääje yeijäcä edääje wä’döa äwanshi chu’taajä wwä saaquidiijiisiyooje u’ajä jäcä: Cönwanno cowaanäcäiñe na ñeeneje’da yää chu’taajä weichö, tooni mma Wanaadi weijäcä.

EUJEESIYO 4:17

Yääje yeijäcä edä wecammaadö Cajiichaana woije mänwätuujaato: Änwanno Wanaadi dhowaanojöncomo nönge eijai’cha maato eduuwa, ñanno tötö’tajäätödööcomo chäänöngemjönö woije weneenetoodö.

1 TEESADOONISENSE 1:9

Tönwanno dea töneecammajä’e weneeneto aashicha äwwäiñe ñaa dö’jödö, äwwäiñe chu’taajä jummadö e’nomja’jödö mmaja Wanaadi ijummadö wetä, shootoije äwä’dödööcomo wetä, ñäädä nudooto, chäänöngato mmaja.

1 TIIMOTEO 3:15

numa tä’da weiya’jäcä odhoowanääcä yeichö wetä Wanaadi sotoije weiñä, yää Wanaadi nudooto ecaanö’neije weiñä. Yää Wanaadi sotoije weiñä chäänöngato a’deu a’täije na, chä’sejöije mmaja.

EEWEDEO 3:12

Jimmä, odhoowadäädäiñe eichäcä, anejja mma adhantawäiñe cone’da chö’tajäätö’no, Wanaadi nudooto jonno ä’sancwajo’no yaawä aneecamjö’da töweichö woije.

SANTIYAACO 5:17

Edía cönä’ja’dö naane’, cönönga’como dea mma töweichaame töwö conoojo iiña’da yeichojo cöne’catäi Wanaadi wwä. Iiña’da cöneiyacä yaawä aacäicheeato weduuto annai.

APOOCADIISI 14:7

Ñäädä amoode töcä’de cöna’deuwacä; cönä’döaacä: —Wanaadi ñontätääcä; o’jodhaatoje e’tätääcä. Soto emmencato’como cu’nädö mädä eduuwa chäwwä. Ya’deme’täcä ñäädä caju tödöönei’jödö, nono mmaja, dama mmaja, tuna juduucomo dönei’jödö mmaja; quee cönä’döaacä ñäädä amoode.

APOOCADIISI 19:10

Yaawä tä’mudhe wä’döne ñäädä amoode o’wawä, ya’demeecödööje. Töwö cönä’döaacä öwwä yaawä: —Mädääje’daane; Wanaadi anoonö mmaja öwö dea, anöngato mmaja, ajimmä nönga’como mmaja, ñanno chäänönge Jesuuquidiito a’deddu ecammajä’nnamo. Wanaadiiñe ya’deme’cä; quee cönä’döaacä. Ñanno Jesuuquidiito a’deddu ecammajä’nnamo ñanno Wanaadi nutuudu woije töneecammajä’e weneenetoodö.

APOOCADIISI 19:19

Yaawä ñäädä odoocojaato weneeaqueene; edä nono de’woncomo cajiichaanacoomo jadäiñe cönä’jaacä, tösootoichomo jadäiñe mmaja. Tönwanno ye’jumma’como cönä’jaacä töweewänä’tädööcomo wetä cawaayu tajääde’dato de’wono jadä, shootoi jadäiñe mmaja.

APOOCADIISI 22:9

Yaawä töwö cönä’döaacä öwwä: —Ng’jn; mädääje’daane. Wanaadi anoonö öwö dea, anöngato mmaja, ajimmotoncomo nönga’como mmaja, ñanno Wanaadi wa’deuwödö ecammannamo, edä jajeedä jäcä naadö tödönnamo. Wanaadiiñe ya’deme’cä; quee cönä’döaacä ñäädä amoode öwwä.

APOOCADIISI 4:11

Ñäädä mma amäädä Cajiichaana Wanaadi; aashicha wa’deutojooje ma, aashicha tödööto’me mmaja ma dea, jäduujatooje täcammaamöje mmaja, tameedä tödöönei’jödööje aweijäcä. Amäädä ämjummadö woije cönaamodeetai tameedä naadö; quee cöneecanta’ña’to.