DOSECHO 14:1 - Wanaadi A'deddu

¹ Yääje mma yaawä Icooniyo ña Paudo wä’döa’comjäcä Waanawé acä a’nädä cönoomomöicho judhío we’jummato’como taca. Yaawä chäwwäiñe jäduuje Wanaadi a’deddu ecammajäätödö weijäcä jooje judhío cöneecamjöicho, judhíojöncomo mmaja.

DOSECHO 14:1 ပူးပေါင်းရင်းမြစ်များ

MAADOCO 7:26

Töwö cönä’jaacä judhíojöönö, siidoujeniisiyaano cönä’jaacä. Töwö tönnedö wodi’chä acanno odo’sha cömja’canö’jajaacä Jesuuquidiito wwä.

JUAN 12:20

Yäätä Jeduusadén ña cönä’ja’to anejjacoomo quidiiyeecocoomo, Weja’dätä’jä anooto comjedensiyai’chädö tödönnamo we’a’como.

JUAN 7:35

Yaawä judhíocoomo tönwannoje dea cönä’döa’to: —¿Äsha tätai’che töwö cönwanno aneejodö’da cöweichöcoomo wetä? ¿Iiñaja ca tätai’che, judhíocoomo wäämecanta’como döiña, quidiiyeecocoomo jadäiñe naatoodö döiña? ¿Quidiiyeecocoomo owaanomaiñe’da tätai’che?

DOSECHO 11:21

Tönwanno Cajiichaana jäduudu ’je cönä’ja’to; jooje soto töwäätunnäichomo jonno Cajiichaana Jesuuquidiito cöneecamjöicho.

DOSECHO 13:43

Yaawä we’jummatoojo tacanno tameedä soto weja’ca’comjäcä jooje judhío cöntonto Paudo, Waanawé jadäiñe, jooje mmaja judhíoje yääwaaca’como cöntonto dea; ñanno cönä’ja’to chäänönge judhío wätunnäichomo tödönnamo. Yaawä Paudo ñanno cönwätuujaicho ejääduqueejö’da töweiyancädäiñe aashicha Wanaadi weichö ecamjödö wetä chäwwäiñe.

DOSECHO 13:46

Yaawä Paudo, Waanawé mmaja, tösaade’da cöna’deuwöicho; cönä’döa’to: —Wanaadi a’deddu täcammajä’emje cönä’jaacä äwwäiñe awa’de, änwanno judhíocoomo, töwäädä eta’se’da maatoone’; ämjumma’da maato töwaatamemjönö aweicho’como. Yääje yeijäcä judhíojöncomo wwä ñaa necammajä’ta eduuwa.

DOSECHO 13:5

Yaawä Saadami ña töwä’döa’comjäcä Wanaadi a’deddu cöneecammajä’a’to judhío we’jummato’como taca. Juan mmaja chääjadäiñe cönä’ja’dea, i’wa’täneichomooje.

DOSECHO 13:51

Yaawä Paudo tösaajatuichomo cönse’secaicho, yäätoncomo soto eta’se’da yeichöcoomo ene’ju’tojooje. Yaawä Icooniyo ña cöntonto.

DOSECHO 14:19

Yääje mma yaawä anejjacoomo judhío cöneejoto Antiyooquía ñanno, Icooniyo ñanno mmaja; tönwanno soto cöni’jedoicho yaawä Paudo jäcäiñe. Yaawä ñanno soto Paudo cönwäjäätöicho täju que. Jata tö’cäi cöni’ji’chöicho yaawä, yäämaatäi.

DOSECHO 14:2

Ñanno judhío aneecanö’jöncomo mmane judhíojöncomo cöni’jedoicho cone’da chö’tajäätödööcomo wetä quedeiyente jäcäiñe.

DOSECHO 14:21

Yaawä Deedewe ña aashichaato wätunnä ecammajä’a’jäcä jooje soto cöneewaacaicho quedeiyenteje. Yäätonno cönennacaicho Diitada ña, Icooniyo ña mmaja, Antiyooquía ña mmaja.

DOSECHO 16:1

Yaawä Paudo, Siida mmaja cönä’döicho Deedewe ña, Diitada ña mmaja; yäätä quedeiyente cöneejodöicho, Tiimoteo täätö. Ñäädä dhenö cönä’jaacä judhío, quedeiyente cönä’jaacä; yuumö ’quene cönä’jaacä quidiiyeeco.

DOSECHO 16:2

Tameedä quedeiyente Diitada ñancomo, Icooniyo ñancomo mmaja aashicha töwa’deuwe cönä’ja’to Tiimoteo jäcä.

DOSECHO 17:12

Wanna cöneecamjöicho tönwanno; wanna mmaja quidiiyeecocoomo, wodiiñamo täneejuca’como mmaja, dhanwaacomo mmaja.

DOSECHO 17:17

Yääje yeijäcä we’jummatoojo taca töwa’deuwe töwö cönä’jaacä judhío wwäiñe, anejjacoomo Wanaadi ya’deme’nnamo wwäiñe mmaja. Anooto waadäi töwa’deuwe cönä’ja’dea jödoodo aca, yäätä ye’jumma’como wwäiñe.

DOSECHO 17:4

Yaawä anejjacoomo judhío cöneecamjöicho; Paudo, Siida jadäiñe cönä’ja’to yaawä. Jooje quidiiyeecocoomo Wanaadi nontännamo cöneecamjöicho dea, wanna wodiiñamo täneejuca’como mmaja.

DOSECHO 18:4

Wäädeetatoojo anooto waadäi Paudo töötä cönä’jaacä we’jummatoojo taca. Iiña töneecammajäätödö que judhíocoomo töncana’caiñe cönä’jaacä, judhíojöncomo mmaja.

DOSECHO 18:8

Yaawä Quidiipo, ñäädä we’jummatoojo edhaajä, tameedä töwä’jimmä’tätö jadäiñe cöneecamjöi Cajiichaana Jesuuquidiito. Jooje anejjacoomo Codinto ñancomo cöneecamjöicho dea Wanaadi a’deddu ecammajäätödö etaadö’jo. Wautisaaje cönä’döjoicho yaawä.

DOSECHO 19:10

Mädääje töwö cönä’jaacä aacä wedu; tameedä Aasiya ñancomo cöneeta’to Jesuuquidiito a’deddu, judhíocoomo mmaja, judhíojöncomo mmaja.

DOSECHO 19:17

Tameedä Eujeeso ñancomo yää jäcä cöneeta’to, judhíocoomo mmaja, judhíojöncomo mmaja; jooje cönääcatoncaicho yaawä. Aashicha töwa’deuwe cönä’ja’to Cajiichaana Jesuuquidiito jäcä.

DOSECHO 19:8

Yaawä we’jummatoojo taca Paudo töötä cönä’jaacä aaduwaawä nuunä. Yäätä jäduuje töneecammajä’e cönä’jaacä. Töwö töwa’deuwe cönä’jaacä Wanaadi töcaajichaanaije tödöödö jäcä.

DOSECHO 2:47

Aashicha töwa’deuwe cönä’ja’to Wanaadi jäcä. Tameedä soto ta’cwaiñe töweiye cönä’ja’to chääjäcäiñe. Anooto waadäi Cajiichaana Wanaadi ñanno täcaanö’nnamo jadäiñe töneejodööjoiñe cönä’jaacä ñanno yääwanaaca’como.

DOSECHO 20:21

Öwö töneecammajä’e wä’jaaquene judhío wwäiñe, judhíojöncomo wwäiñe mmaja Wanaadi owaadäädä tötö’tajäätödööcomo sha’duminchajai yeichöcoomo, Cajiichaana Jesuuquidiito ecaanö’jai yeichöcoomo mmaja.

DOSECHO 21:28

töcä’de cöna’deuwa’to; cönä’döa’to: —Änwanno iisadaaediitacoomo, ñaa ’wa’tätääcä. Määdhä dhanwa tameedä jata weichö wa’cä cone’da soto tönoowanoomaiñe weneene judhío jäcäiñe, jenaado’jä waanontänä jäcä mmaja, Wanaadi weichojo jäcä mmaja. Eduuwa Wanaadi weichojo taca judhíojöncomo namonno’joicho; mädääje Wanaadi weichojo nichoone’ma; quee cönä’döa’to ñanno Paudo jäcä.

DOSECHO 9:20

Yaawä we’jummatoojo waadäi Saudo cönaajäntäi Wanaadi nnedööje Jesuuquidiito weichö ecammajäätödö.

DOMAANO 1:16

Aashichaato wätunnä jöichajo’da na yää Wanaadi töjääduduuje tönnöe yeijäcä tameedä ecaanö’nnamo ewaanacaato’comooje, judhío ewaanacaato’comooje awa’de, judhíojöncomo ewaanacaato’comooje mmaja.

DOMAANO 10:12

Äänöngeiñe naato judhío jadäiñe judhíojöncomo; ñäädä dea Cajiichaana Chäädhajootoncomooje na. Ewontancädä’da töwö nu’a tameedä töwwono wa’deuwödö wwä.

CAADATA 2:3

Ñäädä Tiito, jaadä cönä’ja’nei, siicunsidaadoje ännöjo’da cöneiya’to, judhíoje’da yeichaame töwö.

CAADATA 3:28

Quidiito jadä weiñä töweiye nai judhíoje’da, quidiiyeecoje’da mmaja, tädhaajäque weiñä ’je’da mmaja, töwö daja weiñä ’je’da mmaja; wodiije weiñä a’que mmaja, dhanwaaje weiñä a’que mmaja. Jesuuquidiito jadä äwä’dödööcomo que tameedä änwanno äänöngeiñe maato.

CODOOSENSE 3:11

Yääje weiñä töweiye nai quidiiyeecoje’da, judhíoje’da mmaja, siicunsidaadojaatoje’da mmaja, yääjemjönööje’da mmaja, ema’jödööje’da mmaja, shidiishanaaje’da mmaja, dhanoonöje’da mmaja, töwö dajaatoje’da mmaja. Quidiitoone na; töwö na tameedä cötaacaiñe.