DOSECHO 13:50 - Wanaadi A'deddu

⁵⁰ Yaawä ñanno judhíocoomo cöna’deuwöicho anejjacoomo wodiiñamo täneejuca’como wwäiñe, aashicha’como wwäiñe, dhanwaacomo täneejuca’como wwäiñe mmaja. Tönwanno cöni’jedoicho Paudo, Waanawé jäcäiñe, cone’da yeichöcoomo wetä chääjäcäiñe. Yää ’jeje ñanno täneejuca’como Paudo cönenno’jaicho töjaatadööcomo jonno.

DOSECHO 13:50 ပူးပေါင်းရင်းမြစ်များ

MATEO 10:23

Anejja jataawä amaamincha’comjäcä, äänejeetäcä’de aneetaja. Chäänönge yääje wä’döa, tameedä iisadaaediitacoomo jataadöcoomo mämja’dä’tä’dadä Soto nnedö ne’a’de.

MAADOCO 15:43

José Aadimaatea ñano Pidaato cönnoncai; chäwwadäädä cöntämä Jesuuquidiito equeejödö e’ca’e. Ñäädä José cönä’jaacä täneejucaato, äcamma’jonnamo jimmä, Wanaadi cajiichaanaje yä’dötoojo yoomo’nei mmaja.

MAADOCO 5:17

Yaawä ñanno soto Jesuuquidiito cönenno’ja’to töjaatawonnoiñe.

DOSECHO 13:43

Yaawä we’jummatoojo tacanno tameedä soto weja’ca’comjäcä jooje judhío cöntonto Paudo, Waanawé jadäiñe, jooje mmaja judhíoje yääwaaca’como cöntonto dea; ñanno cönä’ja’to chäänönge judhío wätunnäichomo tödönnamo. Yaawä Paudo ñanno cönwätuujaicho ejääduqueejö’da töweiyancädäiñe aashicha Wanaadi weichö ecamjödö wetä chäwwäiñe.

DOSECHO 13:45

Yaawä jooje soto we’jumma’como eneea’jäcä ñanno judhío Paudo cöni’ñeimma’to. Tönwanno cönaajäntoicho dha’deddu eccujäätödö, chimmajäätödö mmaja.

DOSECHO 14:19

Yääje mma yaawä anejjacoomo judhío cöneejoto Antiyooquía ñanno, Icooniyo ñanno mmaja; tönwanno soto cöni’jedoicho yaawä Paudo jäcäiñe. Yaawä ñanno soto Paudo cönwäjäätöicho täju que. Jata tö’cäi cöni’ji’chöicho yaawä, yäämaatäi.

DOSECHO 14:2

Ñanno judhío aneecanö’jöncomo mmane judhíojöncomo cöni’jedoicho cone’da chö’tajäätödööcomo wetä quedeiyente jäcäiñe.

DOSECHO 14:4

Yää jataawoncomo äänönge’da chö’tajäätödööcomo cönä’jaacä; dhantai cöneecamjöicho judhío a’dedducoomo, dhantai ’chene anonta’como a’dedducoomo daja.

DOSECHO 14:5

Yaawä judhíojöncomo mmaja, cajiichaanacoomo jadä cöna’deuwöicho Paudo maminchadööcomo wetä, täju que töwääjätöödöcoomo wetä mmaja.

DOSECHO 16:14

Ñanno antawäiñe cönä’jaacä wodi, Diidiya täätö, Tiiyatiida ñano. Töwö cönä’jaacä camiisha seweichato ejeemajooneije. Wanaadi tumjumma cönä’jaacä. Yaawä Cajiichaana cuntui chäwwä Paudo wwä ecammajäätödö aashicha etaatojo.

DOSECHO 17:12

Wanna cöneecamjöicho tönwanno; wanna mmaja quidiiyeecocoomo, wodiiñamo täneejuca’como mmaja, dhanwaacomo mmaja.

DOSECHO 17:13

Yaawä judhío Teesadoonica ñancomo cöneeta’to Wedeea ña Paudo wwä Wanaadi a’deddu ecammajäätödö. Tönwanno cöntonto yaawä iiña; soto cöni’jedoicho yaawä Paudo jäcäiñe.

DOSECHO 17:17

Yääje yeijäcä we’jummatoojo taca töwa’deuwe töwö cönä’jaacä judhío wwäiñe, anejjacoomo Wanaadi ya’deme’nnamo wwäiñe mmaja. Anooto waadäi töwa’deuwe cönä’ja’dea jödoodo aca, yäätä ye’jumma’como wwäiñe.

DOSECHO 17:4

Yaawä anejjacoomo judhío cöneecamjöicho; Paudo, Siida jadäiñe cönä’ja’to yaawä. Jooje quidiiyeecocoomo Wanaadi nontännamo cöneecamjöicho dea, wanna wodiiñamo täneejuca’como mmaja.

DOSECHO 18:7

Yaawä töwö cöneeja’cai we’jummatoojo tacanno; cöntämä yaawä Juusutu mmai chaca. Ñäädä Juusutu cönä’jaacä Wanaadi tujunne; immai cönä’jaacä we’jummatoojo nnäcä.

DOSECHO 2:5

Yaawä Jeduusadén ña cönä’ja’to jooje judhíocoomo, tameedä edä nono de’wono jata waadoinchomo we’a’como. Ñanno cönä’ja’to chäänönge judhío wätunnäichomo tödönnamo.

DOSECHO 21:27

Yääje mma yaawä aacä amoojato anooto yä’döa’jäcä, töwaamoichato’como jäcä ä’cajai töwä’döa’comjäcä, anejjacoomo judhío Aasiya ñancomo Paudo cöneedantoicho Wanaadi weichojo taca. Tönwanno soto cönwodoichajoicho Paudo jäcä. Paudo cönaajoicho yaawä;

DOSECHO 28:17

Yääje mma yaawä aaduwaawä anooto yä’döa’jäcä Paudo cöna’dejjaicho ñanno judhío Dooma ñancomo, täneejuca’como dea mma. Ye’jumma’comjäcä Paudo cönä’döaacä chäwwäiñe: —Jimmä, judhío jäcäiñe conemjönö ännö’da weichaame, cadai’choncomo wätunnäichomo jäcä cone’da a’deuwö’da weichaame mmaja, Jeduusadén ñancomo yu’neto domaanocoomo wwä, jedeesoje yöödödö wetä yaawä chäwwäiñe.

DOSECHO 6:12

Yääje töwa’deuwödööcomo que Eteewa jäcä soto cöneetömaajoicho, inchoncomo mmaja, judhío owaanomannamo mmaja. Yaawä Eteewa maminchadö’jo ñanno cönaajoicho, cönaadoicho yaawä äcamma’jonnamo döiñaiñe.

DOSECHO 8:1

Saudo wacö’je Eteewa cöneemaicho. Yää anooto awä soto cönaajäntoicho tumjunne’da Quidiito sotoi Jeduusadén ñancomo maminchadööcomo. Yaawä tameedä ñanno Quidiito sotoi cönäämecantoicho Judheea ña, Samaadiya ña mmaja; anonta’como mma yäätä Jeduusadén ña cönä’ja’to.

DOMAANO 10:2

Öwö yoowanääcä na jooje Wanaadi tumjumma yeichöcoomo, towaanäcäiñe yeiyancädä’daane.

2 CODINTIYO 11:26

Weiñäje töwäämannä’e wäänene dea; jooje töwäämaichajä’e wäänene, tuna wwä, tämeena’como wwä mmaja, jimmä mmädä wwä mmaja, anejjacoomo wwä mmaja. Jataawä weichawä mmaja töwäämaichajo wäänene, jata ’jemjönö aca weichawä mmaja, dama ’cwai öötädaawä mmaja. Quedeiyenteja’como wätä’tädööcomo wwä mmaja töwäätä’maminchajo wäänene dea.

1 TEESADOONISENSE 2:14

Änwanno jimmä, ajimmotoncomo wwä äwäätä’maminchajoodawäiñe änwanno mä’ja’quene anejjacoomo Wanaadi ecaanö’nnamo wei’jocoomo nönge mmaja, ñanno Judheea ñancomo, Jesuuquidiito sotoi. Tönwanno mmaja cönäätä’maminchajoicho dea töjimmotoncomo judhío wwäiñe.