DOSECHO 13:48 - Wanaadi A'deddu

⁴⁸ Yää eta’jäcä ñanno judhíojöncomo ta’cwaiñe cönä’ja’to yaawä; aashicha cöna’deuwa’to Cajiichaana a’deddu jäcä. Tameedä ñanno töwääwanaacaamoje cönä’ja’todö cöneecamjöicho.

DOSECHO 13:48 ပူးပေါင်းရင်းမြစ်များ

MATEO 25:46

Ñanno conemjöncomo nötaato’de yaawä töwäntunaanö’to’como töwaatamemjönö aca. Chäänönga’como mmaane nötaato’de aashicha töweicho’como aca daja; quee cönä’döaacä Jesuuquidiito.

MATEO 28:16

Yääje mma yaawä ñanno amoojadooto de’wä tooni’chomo Jesuuquidiito nowaanomaadö Caadideea ña cöntonto, jöö de’cäi, Jesuuquidiito necamma’jödö döiña.

DUUCA 7:8

Tädhaajäcaato mmaja öwö dea. Yaanonö mmaja töweiye naicho dea, suddau. “Äjääne,” ca’jäcä öwwä anejja wwä, töötä yaawä ñäädä. “Ä’cäde,” ca’jäcä, töwe’e yaawä. “Mädä tödööcä,” ca’jäcä öwwä yaanonö wwä, tönnöe yaawä töwö; quee mmaja suddau edhaajotoncomo cöneecammaja’dea tanoonö wwäiñe.

JUAN 10:16

Anejja oweeja töweiye mmaja naato dea öwwä, edä cudaada acancomoojönö; tönwanno mmaja täne’emje naato dea. Tönwanno netaato’de ya’deddu; tooni mma na’de cudaada, tooni mmaja oweeja edai’chäneichomo.

JUAN 11:52

Judhío jäcäinchädäiñe mma’da Jesuuquidiito wäämadö; tameedä soto jäcäinchädäiñeene, tameedä Wanaadi nnacoomo wäämecanta’como i’jummadööcomo wetä.

DOSECHO 13:12

Yaawä yää eneeä’jäcä acu’shänä cöneecamjöi, ñäädä Seejiyu Paudo täätö. Töwö yaacö’je cönä’jaacä Cajiichaana Jesuuquidiito jäcä ecammajäätödö etaadö.

DOSECHO 13:42

Yaawä we’jummatoojo tacanno töjimmä jadä Paudo weja’ca’comjäcä ñanno judhíoje yääwaaca’como cönä’döa’to chäwwäiñe: —Yää ’jejaato wäädeetatoojo anooto awä yää jäcä dea ecammajä’tantäcä’dede ñaa wwä; quee cönä’döa’to.

DOSECHO 15:2

Yaawä Paudo, Waanawé mmaja, jooje cönäätäccujä’a’to ñanno jadäiñe. Yää ’jeje Paudo Jeduusadén ña cönootonno’jajoi Waanawé jadä, anejjacoomo quedeiyente jadäiñe mmaja. Anonta’como Jeduusadén ñancomo ecamma’joiñe cönta’to, ansiyaanocoomo mmaja, ñanno iiñancomo quedeiyentecoomo e’se’tännamo.

DOSECHO 15:31

Yaawä töwwäiñe yää jajeeda a’de’ta’jäcä ñanno quedeiyentecoomo cöna’cwainchaicho töjäädu’tädööcomooje a’de’tä’jödö weijäcä töwwäiñe.

DOSECHO 2:41

Yaawä ñanno dha’deddu ecaanö’nnamo wautisaaje cönä’döjoicho. Yää anooto awä aaduwaawä miide quedeiyenteje cönä’döicho.

DOSECHO 2:47

Aashicha töwa’deuwe cönä’ja’to Wanaadi jäcä. Tameedä soto ta’cwaiñe töweiye cönä’ja’to chääjäcäiñe. Anooto waadäi Cajiichaana Wanaadi ñanno täcaanö’nnamo jadäiñe töneejodööjoiñe cönä’jaacä ñanno yääwanaaca’como.

DOSECHO 20:13

Yaawä macääcä töötä’se Paudo wei’jödö weijäcä dhowaajo ñaa cöntämä Asón ña, jidaawa awä, iiña chääjadä töwoojodööemööje.

DOSECHO 22:10

Yaawä wä’döaaquene: “ ¿Ane’cäämö tödööjai wanä, Cajiichaana?” quee. Töwö Cajiichaana cönä’döaacä yaawä: “Aanöncä, Damaacu ña äjääne. Yäätä äwwä tödööemö nätääcamma’de äwwä;” quee cönä’döaacä.

DOSECHO 28:23

Yaawä töwe’jummato’como anooto cuncu’nä’toicho. Yää anooto awä jooje soto cöne’jummaicho Paudo wä’döaajä cönä’ja’dö döiña. Yaawä chäwwäiñe Paudo cöneecammajäätöi Wanaadi töcaajichaanaije tödöödö jäcä; jenaadäne yaajäntä’jödö töco’mannä’eene cöneecammajäätöi. Wanaadi nnedööje Jesuuquidiito yeichö töwö cöneecammajäätöi chäwwäiñe, Äwaanacaaneije yeichö mmaja. Moisé nimennä’jödö ai chea töwö cöneecammajä’acä yääje yeichö, Wanaadi wa’deuwödö ecammannamo nimenno’jocoomo ai mmaja.

DOSECHO 8:8

Yääje yeijäcä ta’cwaiñe cönä’ja’to tameedä yää jataawoncomo.

DOMAANO 11:7

¿Aaquene yaawä, quee ’ja? Ñanno iisadaaediitacoomo aneejodö’da cöneiya’to yää cunuujiya’todö; Wanaadi neichö mmaane yää cöneejodöicho. Anejjacoomo mmaane cönä’täijannä’cajoicho,

DOMAANO 13:1

Tameedä eijai maato acu’shänä woije. Acu’shänä ’je’da na Wanaadi woijatoojemjönö. Canno acu’shänääje naatoodö Wanaadi woije mädääje naato.

DOMAANO 8:28

Cönwanno cowaanäcäiñe na tameedä tujummannamo jäcäiñe töweeja’dä’e weneenedö aashichaatoje Wanaadi tönnöe yeichö, ñanno tumjummadö woije töna’dejja’jödö jäcäiñe.

1 CODINTIYO 16:15

Jimmä, edääje wä’dö’se wa äwwäiñe: Odhoowanääcäiñe Eteujana wä’jimmä’tädö awa’deene quedeiyenteje yääwaacajo’jocoomo Acaaya ña. Tönwanno quedeiyentecoomo töni’wa’tä weneeneto, yeichöcoomoje.

EUJEESIYO 1:11

Quidiito jadä cöweichomjäcä jenaadä töwö Wanaadi cä’tätääne yää cöwwäiñe tuntudu eiñamooje. Tameedä mädä na Wanaadi nijummadö woije; töwö tameedä tönnöe weneene töntö’tammecöödö woije.

EUJEESIYO 1:19

Odhoowanääcäiñe mmaja yei’she wa dea töwö ijäädudu chääwa’coto ’jemjönö, yää cönwanno ecaanö’nnamo jäcäiñe weneenedö. Töwö Wanaadi töjäädudu cöneenejoi, jäduuje töweichö mmaja,

EUJEESIYO 1:4

Quidiito jäcäinchädä mmaja Wanaadi cä’tätääne edä nono wamoodetaadö owaajodä, tösooma chämjataawä cöweichöcoomo wetä, conemjönö ’je’da cöweichöcoomo wetä mmaja.

EUJEESIYO 1:5

Cujummatäiñe töweijäcä jenaadä töwö Wanaadi Jesuuquidiito jäcäinchädä tönnacoomoje töweiyaamoje cä’tätääne; yääje cödööto’como töwö cöntö’tammecöi tumjummadö woije.

2 TEESADOONISENSE 3:1

Änwanno jimmä, Wanaadi wwä adha’deutäcä ñaa jäcä, tameedä yeichö wa’cä Cajiichaana a’deddu ätääcammaiye, aashicha mmaja soto etaiyeto’de, änwanno metaatäneedöje mmaja.