DOSECHO 13:43 - Wanaadi A'deddu

⁴³ Yaawä we’jummatoojo tacanno tameedä soto weja’ca’comjäcä jooje judhío cöntonto Paudo, Waanawé jadäiñe, jooje mmaja judhíoje yääwaaca’como cöntonto dea; ñanno cönä’ja’to chäänönge judhío wätunnäichomo tödönnamo. Yaawä Paudo ñanno cönwätuujaicho ejääduqueejö’da töweiyancädäiñe aashicha Wanaadi weichö ecamjödö wetä chäwwäiñe.

DOSECHO 13:43 ပူးပေါင်းရင်းမြစ်များ

MATEO 23:15

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno töötä määnetääne tameedä nono weichö wa’cä, äwäätunnäichomo nönge soto owaanomaiñe. Äwwäiñe owaanoma’jäcä wa’to nwaca töötäämöje mödööato yaawä, änöngeiñe mmaja, cone’da’cä jeene.

DOSECHO 11:23

Iiña ñäädä wä’döa’jäcä cöna’cwainchai yaawä chääjäcäiñe Wanaadi nödöödö aashichaato eneea’jäcä. Töwö cönwätuujaicho yaawä ejääduqueejö’da yeiyancädäiñe Cajiichaana woije yeichöcoomo wetä.

DOSECHO 13:50

Yaawä ñanno judhíocoomo cöna’deuwöicho anejjacoomo wodiiñamo täneejuca’como wwäiñe, aashicha’como wwäiñe, dhanwaacomo täneejuca’como wwäiñe mmaja. Tönwanno cöni’jedoicho Paudo, Waanawé jäcäiñe, cone’da yeichöcoomo wetä chääjäcäiñe. Yää ’jeje ñanno täneejuca’como Paudo cönenno’jaicho töjaatadööcomo jonno.

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

DOSECHO 14:3

Yääje yeijäcä yäätä Paudo cönä’ja’to numa. Cajiichaana ecaanö’ancädä jäduuje töneecammajä’e cönä’ja’to aashicha Wanaadi weichö jäcä. Cajiichaana chäänönge ñeecammajäätödö weichö töneenejo cönä’jaacä ene’ju’tojo tödööjodö que chäwwäiñe, aashichaato tödööjodö que mmaja.

DOSECHO 16:14

Ñanno antawäiñe cönä’jaacä wodi, Diidiya täätö, Tiiyatiida ñano. Töwö cönä’jaacä camiisha seweichato ejeemajooneije. Wanaadi tumjumma cönä’jaacä. Yaawä Cajiichaana cuntui chäwwä Paudo wwä ecammajäätödö aashicha etaatojo.

DOSECHO 17:17

Yääje yeijäcä we’jummatoojo taca töwa’deuwe töwö cönä’jaacä judhío wwäiñe, anejjacoomo Wanaadi ya’deme’nnamo wwäiñe mmaja. Anooto waadäi töwa’deuwe cönä’ja’dea jödoodo aca, yäätä ye’jumma’como wwäiñe.

DOSECHO 17:34

Dhantai etannamo’jödö chääjadä cöntonto. Tönwanno ñeecammajäätödö cöneecamjöicho. Ñanno antawäiñe cönä’jaacä dhanwa Diiyoniisiyo täätö; Aadeoopaco edhaamo jimmäje cönä’jaacä töwö. Wodi cönä’ja’dea, Dáamadi täätö; anejjacoomo soto cönä’ja’to dea.

DOSECHO 17:4

Yaawä anejjacoomo judhío cöneecamjöicho; Paudo, Siida jadäiñe cönä’ja’to yaawä. Jooje quidiiyeecocoomo Wanaadi nontännamo cöneecamjöicho dea, wanna wodiiñamo täneejuca’como mmaja.

DOSECHO 18:7

Yaawä töwö cöneeja’cai we’jummatoojo tacanno; cöntämä yaawä Juusutu mmai chaca. Ñäädä Juusutu cönä’jaacä Wanaadi tujunne; immai cönä’jaacä we’jummatoojo nnäcä.

DOSECHO 2:10

Töweiye mmaja naato dea Jidiijiya ñancomo, Pamjiidiya ñancomo mmaja, Ejiito ñancomo mmaja, Aujidiica ñancomo mmaja, yää Sideene ñano mänseedono. Dooma ñancomo mmaja eetä naato dea; dhantai judhíocoomo, dhantai ’chene judhíoje yääwaaca’como.

DOSECHO 28:23

Yaawä töwe’jummato’como anooto cuncu’nä’toicho. Yää anooto awä jooje soto cöne’jummaicho Paudo wä’döaajä cönä’ja’dö döiña. Yaawä chäwwäiñe Paudo cöneecammajäätöi Wanaadi töcaajichaanaije tödöödö jäcä; jenaadäne yaajäntä’jödö töco’mannä’eene cöneecammajäätöi. Wanaadi nnedööje Jesuuquidiito yeichö töwö cöneecammajäätöi chäwwäiñe, Äwaanacaaneije yeichö mmaja. Moisé nimennä’jödö ai chea töwö cöneecammajä’acä yääje yeichö, Wanaadi wa’deuwödö ecammannamo nimenno’jocoomo ai mmaja.

DOSECHO 6:5

Yääje ya’deuwödööcomo yaacö’comje cönä’jaacä ñanno. Yaawä tönwanno cöneewaacaicho Eteewa; ñäädä cönä’jaacä Epíiditu Santo jäduudu ’je; jooje töneecanö’e cönä’jaacä. Jediipe mmaja cöneewaacaicho dea; Podoocodo mmaja; Niicanoodo mmaja; Timón mmaja; Paadameena mmaja; Niicodá mmaja, ñäädä Antiyooquía ñano, judhíoje yääwaacaajä.

DOMAANO 11:6

Aashicha Wanaadi weichö jäcäinchädä mädääje na, tödöödö jäcäinchädä’da. Tödöödö jäcäinchädä ei’jo mmaane aashicha Wanaadi weichö woijatooje ätä’täjai’cha eichö.

DOMAANO 3:24

Yääje yeichaame Wanaadi töjaadonooje soto nödööaato ejeemajancädä’da, aashicha töweichö woije mmädääne, Jesuuquidiito wwä ewaanaca’jocoomo weijäcä.

DOMAANO 5:2

Quidiito woije Wanaadi jadoonoje cä’dötääne ecamjödö que; yääje yeijäcä Wanaadi nutuudu aashichaato cöwwäiñe na. Yää Wanaadi nutuudu aashichaato cöwwäiñe yeijäcä ejääduqueejö’da caato; ta’cwäiñe mmaja caato dea cowaanäcäiñe yeijäcä aashicha Wanaadi weichö cöwwoncomooje yeichojo.

DOMAANO 5:21

Conemjönö woijatooje wäämanä o’jodhe töweiye cönä’jaacä; eduuwa aashicha Wanaadi weichö woije daja chääjadoonoje cä’döjaato, yeichöödoto cöweicho’como töweiye yeichö wetä Cädhaajotoncomo Jesuuquidiito jäcäinchädä.

2 CODINTIYO 5:11

Yääje yeijäcä, Cajiichaana Jesuuquidiito tönontämje yeichö ñaa owaanäcä yeijäcä, soto wwäiñe töneecammajä’e ñaa weneene. Töwö Wanaadi dhowaanäcä na ñaa weichö; änwanno mmaja ñaa weichö chö’tamme’jai maato dea.

2 CODINTIYO 6:1

Yääje yeijäcä, Wanaadi jadoono wetaadawa’cajoodöje ñaa weijäcä, edääje ñaa mänwätuujaato: Töwäädämmatooje’da tödöötäcä äwwäiñe Wanaadi nutuudu aashichaato.

CAADATA 5:1

Jesuuquidiito cu’catääne jedeeso nönge cöweichöcoomo jonno. Yääje yeijäcä jäduujeedä eichäcä, jedeeso nönge awei’jocoomo aca mmaja awaatashiichuudojoodöcoomo queiñe.

CAADATA 5:4

Änwanno jenaado’jä waanontänä tödöödö que Wanaadi jadoncomooje töwei’sha’como, Quidiito jonno töwä’sancwajo maato. Wanaadi nutuudu aashichaato jonno to’nomja maato.

EUJEESIYO 2:8

Aashicha Wanaadi weichö woijeene töwääwanaaca maato, ecamjödö que, änwanno aashicha aweichöcoomo jäcäinchädä’da, Wanaadi nutuudu woijeene.

JIDIIPENSE 3:16

Yää queejodöötäneedö woije mmaane cötö’tajä’täiye; yää woije queichäiye.

JIDIIPENSE 4:1

Änwanno jimmä umjummadö, adheene’seiñe wa jooje. Änwanno ya’cwaniiyöje maato, yeeje’jödööje mmaja. Jäduuje eichäcä Cajiichaana nutuudu que, änwanno umjummadö.

CODOOSENSE 1:23

Töwö mädääje ayöödöaato’de ecamjödööje dea aweiya’comjäcä, jäduuje aweiya’comjäcä mmaja, wo’womo’nä jonno ääsecaajo’da aweiya’comjäcä mmaja, yää aashichaato wätunnä necammajäätödö metaatäneedö jonno. Yää aashichaato wätunnä tameedä soto wwäiñe nätääcammajä’a, öwö Paudo ecammajä’neije waadö.

CODOOSENSE 1:28

Näädä Quidiito töneecammajä’e ñaa weneene. Tameedä soto töwätuujaiñe ñaa weneene dea, tönoowanoomaiñe mmaja, chäänönge chäwwäiñe etaadö wetä, tameedä chäänönge yeichöcoomo wetä mmaja Quidiito jadä.

TIITO 2:11

Töwö Wanaadi cöjääcäiñe aashicha töweichö cöneenejoi tameedä soto wääwanaacato’como tödöödö que töwwä.

EEWEDEO 12:15

Äädai’chätääcä, anejja mma adhantawaiñe Wanaadi nutuudu aneejodö’da ei’ño; conemjönö mma adhantawäiñe mmaja eja’ca’no tameedä ocoone’maneichomooje, adheeme’täneichomooje mmaja, imiichö conemjönö wa’taajä töjimmä töncone’ma töweiye naichöje.

EEWEDEO 13:9

Anejja wätunnä que, chäänöngemjönö que mmaja mä’sadiijannä’cajootäi’che. Wanaadi nutuudu aashichaato queene cötö’tajäätödööcomo ijä’du’täjai caato, äwanshi amoi’chädö que’daane. Yää tödöödö que chäänönge ä’dö’da weneeneto ñanno tödönnamo.

1 PEEDHODO 5:12

She’caasa edä jajeeda wimennäjoi Siidawaano wwä, ñäädä quedeiyente chäänöngato öwö chö’tadö naadö. Öwö wimennäi äwäätuujato’comooje, ecammadö wetä mmaja chäänönge yeichö mädä Wanaadi nutuudu aashichaato. Jäduujeedä eichäcä mädä jäcä.

2 PEEDHODO 3:14

Yääje yeijäcä jimmä umjummadö, yää tönwomo’que aweichomjäcä, täncanoode’da owoojodööjoto’como encano’tätääcä, conemjönö ’je’da mmaja, töjöiye’da mmaja.

1 JUAN 2:28

Önnacoomo’cä, Quidiito jadä deaane eichäcä. Yaawä ta’cwaiñe eijai caato töwö yääneja’jäcä; dhowaadäädä töjöiye’da eijai caato yaawä töwö ye’a’jäcä.

2 JUAN 1:9

Ñäädä shaadijangajä, Quidiito wätunnäi ija’do’jonei, Wanaadi ’je’da na ñäädä. Ñäädä Quidiito wätunnäi chäänönge tödöönei mmaane, ñäädä Wanaadi ’je na, Iiñedö ’je mmaja.