DOSECHO 13:32 - Wanaadi A'deddu

³² “Mädääje na; äwwäiñe ñaa necammajä’a eduuwa aashichaato wätunnä, yää cadai’choncomo wwä Wanaadi necamma’jödö.

DOSECHO 13:32 ပူးပေါင်းရင်းမြစ်များ

DUUCA 1:19

Amoode cönä’döaacä chäwwä: —Caawidiyeede dajaane öwö, Wanaadi je’tacaano. Töwö dea yaanontäi äwwä a’deuwe, mädä aashichaato wätunnä ecamma äwwä.

DUUCA 2:10

Yaawä ñäädä amoode cönä’döaacä chäwwäiñe: —Määcatoncatäi. Aashichaato wätunnä ecammajä’e dajaane weejä, tameedä soto ta’cwaiñe yeicho’como.

DOSECHO 10:36

Töwö Wanaadi Isadaaeeda atöödö wwäiñe cöneecammai yää Jesuuquidiito ecamjödö que täncanoode’da weichojo, ñäädä tameedä Ädhaajäje naadö.

DOSECHO 13:23

Dawí weichöje Jesuuquidiito cönä’jaacä, ñäädä iisadaaediitacoomo Ewaanacaaneichomooje Wanaadi cönaanontäichö, jenaadä töneecamma’jödö nönge dea.

DOSECHO 13:38

Änwanno jimmä, odhoowanääcäiñe tödöötäcä ñäädä Wanaadi nadonca’jödö eetö joi ocoone’nadiiyöcoomo encwanno’jotoojo wätääcammadö.

DOSECHO 14:15

—Mädääje’daane jimmä, quee cönä’döa’to, soto mmaja ñaa dea, anönga’como mmaja. Mädä nöngato jäcä ecammajä’nnamooje ñaa cöneejä sadä, mädä weicho’jönö mödööaatoodö me’nomjatäiye yaawä, Wanaadi nudootoone mecaanö’täiye, ñäädä caju tödöönei’jödö, nono mmaja, dama mmaja, tameedä dhacaiñe naadö mmaja.

DOSECHO 26:6

Eduuwa tönwanno jääcä cone’da na’deuwaato töneecanö’e weijäcä yä’ja’a’como adoncato’como Wanaadi wwä, ñaa adai’jödö wwä töwö Wanaadi cöneecamma’döje dea.

DOSECHO 3:19

Yääje yeijäcä ätö’tajäätödööcomo sha’duminchatääcä, Wanaadi wwadäädääne ä’jedennacaatäcä, ocoone’nadiiyöcoomo ecoccaiye. Yaawä Wanaadi nu’a’de äwwäiñe ta’cwaiñe aweicho’como.

DOSECHO 5:42

Tönwanno ane’nomja’da cöneiya’to anooto waadäi Jesuuquidiito jäcä ecammajäätödö, chääjäcä soto owaanomaadöcoomo mmaja Wanaadi weichojo taca, immaichomo waadäi mmaja.

DOMAANO 1:2

Jenaadä yää wätunnä Wanaadi cöneecammajoi töwa’deuwödö ecammannamo wwäiñe, dha’deddu imennaajä jäcä naadö.

DOMAANO 10:15

¿Aaquene chäwwäiñe ätääcammajäätödö deeade’, chäwwäiñe ecammajä’nei tanontä yeichöjöönö? Edääje Wanaadi a’deddu imennaajä nä’döa: “Aashicha töweiye nai ñäädä wääma’tädö, aashichaato wätunnä ecammajä’nei, yää täncanoode’da weiñä jäcoono;” quee.

DOMAANO 4:13

Aawadán wwonooje töweiyemööje edä nonoodö Wanaadi cöneecammai, dhatö’jödö wwoncomooje töweiyemööje mmaja. Chäwwäiñe jenaado’jä waanontänä tödöödö jäcäinchädä’da yää Wanaadi cöneecammai, chäwwäiñe ecamjödö weijäcääne. Yää jäcäinchädä töwö Wanaadi töjaadonooje cönnöicho.

DOMAANO 9:4

Tönwanno naato Iisadaaeeda atöödöje; Wanaadi tönnedööje cönnöicho; chääjadäiñe töwö töweiye cönä’jaacä aashicha töweichö eneejancädä chäwwäiñe. Töwö Wanaadi chäwwäiñe cöneecammai töwwä tödöötojo, waanontänä Moisé nimennä’jödö mmaja, Wanaadi weichojo taca chäwwäiñe tödööemö mmaja, töneecamma’jödö mmaja, yää aashicha tödööto’como jäcä.