DOSECHO 13:30 - Wanaadi A'deddu

³⁰ Yaawä Wanaadi cönaadoncai yäämajo jonno.

DOSECHO 13:30 ပူးပေါင်းရင်းမြစ်များ

MATEO 28:6

A’que na sadä; töwaadonca na, äwwäiñe cönääcammaichöje dea. Eneetantäcä’ma chääquejöödö iiñödööcomo wei’jödö.

JUAN 10:17

“Jaaja jummatä weneene weichö tunu’e weijäcä, nudä weichö wetä mmaja yaawä yää ’jeje.

JUAN 2:19

Jesuuquidiito cöneccujä’a’to; cönä’döaacä chäwwäiñe: —Edä Wanaadi weichojo emajja’jäcä äwwäiñe öwö wödööa’dede aaduwaawä anooto; quee.

DOSECHO 10:40

Aaduwaawä anoototo ai Wanaadi cönaadoncai yaawä yäämaajo jonno. Yää ’jeje töwö Wanaadi cöneenejoi ñaa wwä.

DOSECHO 13:33

Cönwanno caato ñanno atöödöje. Töwö Wanaadi yäämaajo jonno Jesuuquidiito adoncadö que chäänönge cönnöi cöwwäiñe töneecamma’jödö. Aacoto saadomo jäcä yääje nä’döa: “Önnedö amäädä; edä anooto awä aweichö wutui;” quee nä’döa yää wecanta’ñotoojo jäcä.

DOSECHO 13:34

Töwö Wanaadi yäämaajo jonno Jesuuquidiito cönaadoncai yeichöje chääta’da töweiyemööje yaawä. Wanaadi a’deddu imennaajä yääje nä’döa: “Äwwäiñe wu’a’de aashichaato, yää Dawí wwä wecammaneedö;” quee.

DOSECHO 13:37

Ñäädä mmaane chääta’da cöneiyacä, Wanaadi yäämaajo jonno cönaadoncaichö mmaane.

DOSECHO 17:31

Töwö Wanaadi cuncu’nä’täi soto emmencato’como anootoi’chädö. Chäänönge töwö nemmencajaato’de ñäädä dhanwa emmencaneichomooje töne’tädö wwä. Yääje yeichojo tacaade cönnöi yäämaajo jonno ñäädä dhanwa adoncadö que; quee cönä’döaacä Paudo Ateena ñancomo wwä.

DOSECHO 2:24

Wanaadi cönaadoncai yaawä yäämaajo jonno. Mädääje Wanaadi wäämanä cöne’jodheinchai, töwö Jesuuquidiito wäämanä wwä oto’jodheinchajoojai’cha yei’jödö weijäcä.

DOSECHO 2:32

Ñäädä dea Jesuuquidiito Wanaadi cönaadoncai yäämaajo jonno; tameedä ñaa owaanäcä yääje yeichö, eneetö’da.

DOSECHO 3:13

Wanaadiiñe mädä nödöi, ñäädä cadai’choncomo Aawadán Wanaadiyö, Isaaca Wanaadiyö dea, Jacoowo Wanaadiyö dea. Töwö Wanaadi aashicha Tönnedö weichö neneejoi äwwäiñe, ñäädä Jesuuquidiito, mu’täneedö. Yaawä u’ca’se Pidaato weichaame änwanno u’cajo’se’da mä’ja’quene.

DOSECHO 3:15

Mädääje änwanno memaatäne ñäädä weichojo edhaajä. Yääje yeichaame Wanaadi cönaadoncai yäämaajo jonno; ñaa owaanäcä na yääje yeichö, eneetö’da.

DOSECHO 3:26

Yäämaajo jonno Tönnedö adonca’jäcä töwö Wanaadi cönaanontäi äwwadäädäiñe awa’de, aashichaato tödöödö wetä äjääcäiñe, awaadäiñe ocoone’nadiiyöcoomo e’nomjadö wetä yaawä äwwäiñe; quee cönä’döaacä Peedhodo soto wwäiñe.

DOSECHO 4:10

Yääje yeijäcä aneetadööcomooje ñaa necammajä’a, tameedä iisadaaediitacoomo dhowaanäcäiñe yeichö wetä Jesuuquidiito Naasade ñano eetö joi määdhä mene’maatoodö waadonca’jödö yeichö. Ñäädä dea Jesuuquidiito änwanno majoijotääne cuduusa jäcä. Wanaadi cönaadoncai yaawä yäämaajo jonno.

EEWEDEO 13:20

Wanaadi ñäädä täncanoode’da weiñä edhaajä, yäämaajo jonno Cädhaajotoncomo Jesuuquidiito adoncanei’jödö mmaja. Jesuuquidiito ñäädä Cädai’chäneichomo jäduujato, oweeja edai’chäneichomo töweiye naichöjaato. Töwö Jesuuquidiito taquiiyö que chäänönge cönnöi eduuwaato weiñä ecammaajä, yää yeichöödotooje naadö.