DOSECHO 13:29 - Wanaadi A'deddu

²⁹ Yaawä tameedä Wanaadi a’deddu imennaajä wä’dödö naichö nönge tödööa’jäcä cuduusa jäconno cöneenö’toicho, ewaacadö wetä.

DOSECHO 13:29 ပူးပေါင်းရင်းမြစ်များ

MAADOCO 15:42

Yää anooto cönä’jaacä wäädeetatoojo anooto owaajo wecoonecaajo’tojo. Yääje yeijäcä cho’momöödawä

DUUCA 23:50

Yäätä cönä’jaacä dhanwa, Joséje chäätö. Aadimaatea ñano töwö cönä’jaacä, yää Judheea ñano jata. Äcamma’jonnamo jimmä töwö cönä’jaacä. Dhanwa aashichaato cönä’jaacä töwö, chäänöngato mmaja.

DUUCA 23:53

Jesuuquidiito equeejödö enö’ta’jäcä camiisha tajääde’dato que cönaiñantäi yaawä. Cöneewaacai yaawä äwa ta’cu’täjöönö aca, täju töcaajä aca.

DUUCA 24:44

Yaawä töwö cönä’döaacä chäwwäiñe: —Yää öwö jääcä cöneeja’dätäichö cönä’jaacä ajaadäiñe weichö töneecammajä’e wä’jaaquennö nönge dea. Öwö äwwäiñe töneecammajä’e wä’jaaquene jääcä Moisé nimennä’jödö töweeja’dä’emooje yeichö, Wanaadi wa’deuwödö ecammannamo nimenno’jocoomo töweeja’dä’emooje yeichö mmaja, Wecanta’ñotoojo jajeedai’chädö jäcä naadö mmaja; quee cönä’döaacä Jesuuquidiito.

JUAN 19:28

Yää ’jeje Jesuuquidiito dhowaanäcä cönä’jaacä tameedä chäänönge töwä’döe yeichö. Yaawä Wanaadi a’deddu imennaajä wä’dödö nönge yeichö wetä töwö cönä’döaacä: —Emjätö’se wa; quee.

JUAN 19:30

Yää casamjato shuuma’jäcä Jesuuquidiito cönä’döaacä: —Chäänönge nä’döi eduuwa; quee. Tuju’jä emmodö’jo cönaatacoichai yaawä.

DOSECHO 13:27

Ñanno Jeduusadén ñancomo, chäädhajootoncomo mmaja, dhowaanäcäiñe’da cönä’jaacä Äwaanacaaneije Jesuuquidiito weichö. Chäwwäiñe ääta’da töweiye cönä’jaacä Wanaadi wa’deuwödö ecammannamo nimenno’jocoomo, yää wäädee tatoojo anooto waadäi töwaata’de’tä weneenedö. Töwwäiñe Jesuuquidiito tämaamöje yeichö e’ta’jäcä tönwanno cönnöicho ñanno nimenno’jocoomo wä’dödö nönge.

DOSECHO 2:23

Yääje yeichaame äwwäiñe yä’tua’jäcä änwanno majäichäne; cuduusa jäcä ajoijodö que memaajotääne yaawä conemjöncomo wwä. Tameedä yää cönä’jaacä jenaadä Wanaadi nichö’tammecö’jödö woije, imjummadö woije mmaja.

DOSECHO 26:22

töwäädä Wanaadi ö’wa’täneene’. Yääje yeijäcä eduuwa naadö jona tödööene ejääduqueejö’da wa; Wanaadi a’deddu ecammajäätödööje dea wäänene tameedä soto wwäiñe, mudeeshi wwäiñe, inchoncomo wwä mmaja. Anejja jäcä aneecammajäätö’da wa, ñanno Wanaadi wa’deuwödö ecammannamo necammajäätö’jocoomo nönge deaane, Moisé necammajäätö’jödö nönge mmaja, yää töweeja’dä’emö jäcä.

DOSECHO 4:28

Mädääje tönwanno cönnöicho tameedä jenaadä äntö’tammecöödö woije töweeja’dä’emööje cönä’ja’dö.

DOSECHO 5:30

Cadai’choncomo Wanaadiyö Jesuuquidiito cönaadoncai yäämaajo jonno, ñäädä cuduusa jäcä ajoijodö que memaatäneedö.

1 CODINTIYO 15:4

Chääquejöödö cöneewaacaicho yaawä; aaduwaawä anoototo ai töwö cönaadoncai, Wanaadi a’deddu imennaajä wä’dödö nönge mmaja.