DOSECHO 13:25 - Wanaadi A'deddu

²⁵ Yaawä äämajai töwä’döa’jäcä edääje daja Juan cönä’döa’dea: “Ñäädäjöönö öwö, cäcaanö’atoodöjöönö. Öncäcä anejja dhanwa na’de; shaajatui u’caneije jadä’jödöödä eijai’cha wa, ye’jodhe töwö yeijäcä;” quee cönä’döaacä Juan.

DOSECHO 13:25 ပူးပေါင်းရင်းမြစ်များ

MATEO 3:11

Öwö wautisaaje männöaato tuna que, ätö’tajäätödööcomo tösa’dumincha aweichöcoomo ene’ju’to’me. Ñäädä öncäcä ne’aanei mmaane jäduuje jeene na. Shaajatui shaacaneije jadä’jödöödä eijai’cha wa, ye’jodhe töwö yeijäcä. Töwö wautisaaje ayöödöaato’de Epíiditu Santo queene, wa’to que mmaja.

MAADOCO 1:7

Edääje töneecammajä’e cönä’jaacä soto wwäiñe: —Öncäcä ne’a jäduujato, öwö ye’jodhaato. Shaajatui shaacaneije jadä’jödöödä eijai’cha wa, ye’jodhe töwö yeijäcä.

JUAN 1:29

Yää jenamma naadöje Juan cöneeneaacä Jesuuquidiito töwwadäädä yeejödö. Töwö Juan cönä’döaacä yaawä: —Eneetäcä, määdhä ñäädä Oweeja nnedö’cä nöngato, Wanaadi nanontädö, tameedä soto cone’nadiiyöcoomo coccanei.

JUAN 1:34

Öwö weneeaqueene yaawä, yääje yeijäcä wecamma Wanaadi nnedööje yeichö; quee cönä’döaacä Juan Wautiita.

JUAN 1:36

Yää ai Jesuuquidiito weja’dätäädö eneea’jäcä Juan cönä’döaacä: —Eneetäcä, määdhä ñäädä Oweeja nnedö’cä nöngato, Wanaadi nanontädö; quee.

JUAN 4:34

Jesuuquidiito cönä’döaacä chäwwäiñe: —Öwö yeewanshiñö yää yaanontänei’jödö waanontä’jödö tödöödö, chaadawaajui acoichadö wa’cä.

JUAN 7:18

Ñäädä töjääcono wa’deuwödö töwö mma aashichaatoje nätä’ta. Tanontänei’jödö jäcoono wa’deuwödö mmaane chäänöngato ñäädä; ätäncu’tä’da töwö.

DOSECHO 13:36

Ñäädä Dawí Wanaadi woije töweiye cönä’jaacä nudä töweichö wadaadäädä. Yaawä yääma’jäcä ijimmä cöneewaacaicho dhadai’jödö dö’tä; chääjö cöncätai yaawä.

DOSECHO 19:4

Yaawä Paudo cönä’döaacä chäwwäiñe: —Juan Wautiita wautisaaje soto tönnöeiñe cönä’jaacä chö’tajäätödööcomo tösa’dumincha yeichö ene’ju’tojooje mma. Töwö töwä’döe cönä’jaacä: “Ecaanö’täcä’de ñäädä öncäcä ne’aadö;” quee töwä’döe cönä’jaacä Juan Wautiita, Jesuuquidiito ecammancädä, ñäädä Äwaanacaanei; quee cönä’döaacä Paudo chäwwäiñe.

DOSECHO 20:24

Cone’da yöödö’da na mädääje yeichö; oowontä’da mmaja wa dea. Ta’cwaiñe wä’ca’se mmaane wa öwwä tödööemö jäcä, yää Cajiichaana Jesuuquidiito taadawaajuije cuntuichö, aashichaato wätunnä ecammajäätödö aashicha Wanaadi weichö jäcä.

2 CODINTIYO 4:5

Ñaa wwä ecammajäätödaawä töweichö dea aneecammajäätö’da ñaa weneene, Jesuuquidiito Cajiichaanaje yeichööne. Jesuuquidiito junnei äwwäiñe tödönnamooje mma töwääcamma ñaa weneene.

2 TIIMOTEO 4:7

Chäänönge yeewänä’täne; yeemadö jonno shaadijaamö’da wa; chäänönge neecamjödö wödööne.

APOOCADIISI 11:7

Ecammajäätödö jäcä yä’ca’comjäcä, ñäädä odoocojaato, ya’tadö inwadö ’jemjönö acaano’jödö weja’caajä, newäänä’ta’de chääjäcäiñe. Töwö ne’jodheinchaato’de; nöja’aato’dede.