DOSECHO 13:2 - Wanaadi A'deddu

² Yaawä yäänemaadawäiñe, yeecanta’ñädaawäiñe mmaja Epíiditu Santo cönä’döaacä chäwwäiñe: —Waanawé, Saudo mmaja, ewaacatääcä tadaawaaju neecammadö dönnamooje; quee cönä’döaacä.

DOSECHO 13:2 ပူးပေါင်းရင်းမြစ်များ

MATEO 17:21

Yaawääne’ yääjato odo’sha töweeja’ca nai Wanaadi wwä wa’deuwö’jä queede, wäänema’jä queede mmaja; quee cönä’döaacä Jesuuquidiito.

MATEO 6:16

“Äwäänemaadawäiñe yäänemaadö nönge mma määnejootäi’che, ñanno yääjönö wa’co’como wäänejoodö naatoodöje’daane. Tönwanno ecoonecaajätö’da weneeneto yaawä, soto wwäiñe täneedöcoomo wetä mmädä töwäänemaadöcoomoje yeichö. Chäänönge yääje wä’döa äwwäiñe, mädä que mma täjeema naato tönwanno.

MATEO 9:38

Yääje yeijäcä adha’deutäcä tadaawaaju Edhaajä wwä, töwö tötaadawaajui dödö jäcä soto anaanontäiyeto; quee cönä’döaacä Jesuuquidiito.

DUUCA 10:1

Yää ’jeje Cädhaajotoncomo Jesuuquidiito cöne’toicho dea anejjacoomo tanontaamo daja, aaduwaawä sotooto de’wä amoojadä. Töwö towaajo cönaanontoicho aacäi, tameedä jata töötotoojo waadäi;

DUUCA 2:37

Cönäätöiñocai yaawä. Yää jonnoto’jödöödä töiñoque’da conä’jaacä aacäichea sotooto de’wä aacäichea wedu. Wanaadi weichojo taca töweiye cönä’jaacä, aneiñaja täjäätö’da. Wanaadi wwä tönnöe töweiye cönä’jaacä, ano, coijai’jödöödä, wäänemaanä que, chäwwä wa’deunä que mmaja.

DOSECHO 10:19

Yää töneene’jödö jäcä tö’tajä’näje dea Peedhodo cönä’jaacä, maa de’cäi. Yaawä Epíiditu Santo cönä’döaacä chäwwä: —Aaduwaawä dhanwaacomo adhuujiyaato.

DOSECHO 10:30

Yaawä Conneediyo cönä’doaacä: —Aacäichea anooto na eduuwa ye’saca wei’jödö wäänemaanäje; eduuwa naadöje cönä’jaacä. Wanaadi wwä wa’deunäje wä’jaaquene, cho’momöödö waadäi tödöödö töweiye naichöje. Yaawä dhanwa cönäänejoi öwwä, tajääde’dato awä.

DOSECHO 13:3

Yää ’jeje Wanaadi wwä töwa’deuwö’jejeiñe, töwäänema’jejeiñe mmaja, tamäädöcoomo cönnöicho ñanno Waanawé, Saudo de’cäcäiñe; cönenno’jaicho yaawä.

DOSECHO 13:4

Yääje mma yaawä Epíiditu Santo nanontädö woije Sedeusiya ña cöntonto Waanawé, Saudo mmaja. Yäätonno Chiipede ña cöntonto yaawä jidaawa awä.

DOSECHO 14:26

Yäätonno jidaawa awä cöntonto Antiyooquía ña, Wanaadi wwä tädai’chojo’jejeiñe tadaawaaju döe tanonto’jocoomo ña. Tönwanno töwä’ca cönä’ja’to yaawä yää tadaawaaju dödö jäcä.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

DOSECHO 22:21

Töwö cönä’döaacä öwwä: “Äjääne, amoinche manaanonta eetonno, judhíojöncomo döiñaiñe;” quee cönä’döaacä yaawä öwwä; quee cönä’döaacä Paudo ñanno Jeduusadén ñancomo wwä.

DOSECHO 4:36

Ñanno quedeiyentecoomo antawäiñe cönä’jaacä dhanwa, José täätö; dewiitaje ñäädä cönä’jaacä, Chiipede antadö ña yennu’jödö. Waanaweeje cöne’ta’to ñanno anonta’como. Ya’dänei, quee töwä’dö’se yeichö.

DOSECHO 6:4

Ñaa mmaane Wanaadi a’deddu ecammajäätödö jäcä eijai ñaa na, Wanaadi wwä wa’deunä jäcä mmaja; quee cönä’döa’to anonta’como quedeiyente wwäiñe.

DOSECHO 8:29

Yaawä Epíiditu Santo cönä’döaacä Jediipe wwä: —Amoinche’da äjääne tadaada jäcä; quee.

DOSECHO 9:15

Yaawä Cajiichaana cönä’döaacä: —Äjääneene; öwö weiñä ñäädä ya’deddu ecammaneije töweiyemööje tameedä soto wwäiñe, cajiichaanacoomo wwä, iisadaaediitacoomo wwä mmaja.

DOMAANO 1:1

Öwö, Paudo, Jesuuquidiito anoonö, anontaajäje Wanaadi ne’tädö; Wanaadi chea yaanontäne ta’deddu ecammajä’e, yää aashichaato wätunnä.

DOMAANO 10:15

¿Aaquene chäwwäiñe ätääcammajäätödö deeade’, chäwwäiñe ecammajä’nei tanontä yeichöjöönö? Edääje Wanaadi a’deddu imennaajä nä’döa: “Aashicha töweiye nai ñäädä wääma’tädö, aashichaato wätunnä ecammajä’nei, yää täncanoode’da weiñä jäcoono;” quee.

DOMAANO 15:16

Töwö Wanaadi yöödöne Quidiito anoonöje, judhíojöncomo wwäiñe ecammajäätödö wetä Wanaadi wätunnäi, yää aashichaato wätunnä. Yää töneecammajä’e wäänene Wanaadi wwä judhíojöncomo utuudu wetä yaawä öwwä, saaquidiijiisiyo utuudu töweiye naichöje, Wanaadi wacö’je, Epíiditu Santo nishoomadööje mmaja.

1 CODINTIYO 12:11

Tameedä mädoocomo nödööa ñäädä tooniyaano Epíiditu Santo. Töwö tumjummadö woije cöwaadäiñe cöweicho’como nu’a.

1 CODINTIYO 7:5

Oowontä’da eichäcä änwannoje dea. A’nädä yääje aweicho’como jäcä awa’deuwa’comjäcä mmaane yääje eijai maato, a’dhe mma, Wanaadi wwä wa’deunä jäcä mma awei’she aweiya’comjäcä. Yää ’jeje oojodööjai maato dea yaawä, Caajuushawa mma adhencu’toto’no yaawä änshinchä’da aweichöcoomo ai.

2 CODINTIYO 11:27

Jooje töweetadaawa’cajo wäänene, töwäntunaanö’e mmaja. Aneedawä öncö’da coijaicho tömja’do’jo wäänene wetaadawa’cajoonäje. Ämi töiñetunca wäänene dea, emjätö’se weiñä mmaja; töwäänema mmaja wäänene dea, cämöi töiñetunca mmaja, töwonque’da weiña mmaja.

2 CODINTIYO 6:5

töwaataiju’jojootödaawä mmaja, jedeesoje töwä’döjoodawä mmaja, töjääcä wewoodoichanaawä mmaja, tötaadawaajui tödöödawä mmaja, wetu dhetuncadaawä, ämi dhetuncadaawä mmaja.

CAADATA 1:15

Yääje yeichaame wennudu owaajodä dea Wanaadi ye’täne; aashicha töweichö woije töwö ya’dejjane. Yaawä, tumjummadö woije

EUJEESIYO 3:7

Yääje eijaichojöönö wa’cä weichaame töwö Wanaadi yöödöne aashichaato wätunnä ecammajä’neije, töwö töjäädudu woije.

CODOOSENSE 4:17

Edääje caichäcä’de Aadiquiipo wwä: “Aashichaane tödööcä ataadawaajui, yää Cajiichaana nutuudu äwwä; tödööeene tödööcä;” quee caichäcä’de chäwwä.

1 TIIMOTEO 2:7

Yää ecammajä’neije tödööajääje wa öwö, anontaajäje mmaja, judhíojöncomo owaanomaadöcoomo wetä chäänöngato ecamjödö jäcä. Chäänöngato mädä Quidiito owaadäädä wecammaadö, weeshi’jodööjönö.

2 TIIMOTEO 1:11

Wanaadi yeewaacane anontaajäje, aashichaato wätunnä ecammajä’neije mmaja, judhíojöncomo owaanomaaneichomooje mmaja.

2 TIIMOTEO 2:2

Yää wannacoomo soto netaadöcoomoje neecammajäätödö metaaquennö que mmaja anejjacoomo chäänönga’como owaanomaacoto, tönwanno mmaja anejjacoomo owaanomaiyetoode yaawä.

2 TIIMOTEO 4:11

Duuca mma töjääcäjeene jaadä na. Awe’a’jäcä Maadoco ene’cä’de; öwwä tujunne na, ö’wa’täneije.

2 TIIMOTEO 4:5

Amäädä mmaane chäänöngeedä eichä; shinchäcä äwäntunamjödö; aashichaato wätunnä ecammajäätödö jäcä oowoinchacä; chäänöngeene tödööcä ataadawaajui.

EEWEDEO 5:4

Töwoije mmädä Wanaadi wwono wa’deuwödööje ääwaaca’da weiñä nai; Wanaadi ne’tädö woije deaane, Aadón cönä’ja’döje mmaja.