DOSECHO 13:12 - Wanaadi A'deddu

¹² Yaawä yää eneeä’jäcä acu’shänä cöneecamjöi, ñäädä Seejiyu Paudo täätö. Töwö yaacö’je cönä’jaacä Cajiichaana Jesuuquidiito jäcä ecammajäätödö etaadö.

DOSECHO 13:12 ပူးပေါင်းရင်းမြစ်များ

MATEO 27:54

Nono wätu’medö eneea’jäcä, tameedä yääje yeeja’dätäädö eneea’jäcä suddau edhaajotoncomo wwä, Jesuuquidiito edai’chännamo wwäiñe mmaja, tönwanno jooje cönääcatoncaicho; cönä’döa’to: —Wanaadi nnedö dämma määdhä nä’jaanä; quee cönä’döa’to.

DUUCA 4:22

Tönwanno aashicha cöna’deuwa’to chääjäcä yaawä. Yaacö’comje cönäätaacä ya’deuwödö. Tönwanno cönä’döa’to: —¿Ñäädäjöönö ca määdhä, José nne’jödööjönö?

DUUCA 7:16

Yää eneea’jäcä tameedä soto cönääcatoncaicho yaawä; aashicha Wanaadi jäcä cöna’deuwa’to; cönä’döa’to: —Wanaadi wa’deuwödö ecammanei täneejucaato määdhä cantawäiñe naadö. Tösootoi töneene dämma töwö Wanaadi; quee cönä’döa’to.

JUAN 7:46

Ñanno waadiya cöneccujä’a’to yaawä: —A’que na soto ñäädä wa’deuwödö nöngato wa’deuwödö; quee.

DOSECHO 13:48

Yää eta’jäcä ñanno judhíojöncomo ta’cwaiñe cönä’ja’to yaawä; aashicha cöna’deuwa’to Cajiichaana a’deddu jäcä. Tameedä ñanno töwääwanaacaamoje cönä’ja’todö cöneecamjöicho.

DOSECHO 13:49

Mädääje Cajiichaana a’deddu cönäätäcammai tameedä yää jata weichö wa’cä.

DOSECHO 13:7

Ñäädä Waajesú cönä’jaacä acu’shänä Seejiyu Paudo jadoono. Tösejjecaato ñäädä Seejiyu Paudo cönä’jaacä. Töwö cöna’dejjaicho Waanawé, Saudo mmaja, Wanaadi a’deddu ecammajäätödö eta’se töweijäcä.

DOSECHO 13:8

Ñäädä jöwai, Ediimaje mmaja chäätö cönä’ja’dö, Wanaadi a’deddu etaajo’se’da cönä’jaacä acu’shänä wwä, chäwwä ecamjödö queiñe.

DOSECHO 15:35

Paudo, Waanawé mmaja yäätä cöno’somjoicho dea. Tönwanno anejjacoomo jadä soto cönoowanooma’to; Cajiichaana a’deddu töneecammajä’e cönä’ja’to dea.

DOSECHO 15:36

Yääje mma yaawä aneedawä anooto awä Paudo cönä’döaacä Waanawé wwä: —Jata waadäi quennacaiyede, tameedä Cajiichaana a’deddu cöneecammajäätö’jödö ai; quedeiyentecoomo queenetaiyetoode, ¿aaquene’ naicho? quee cönä’döaacä Paudo.

DOSECHO 18:12

Yaawä Caadiyón Acaaya ñano acu’shänääje yeichö judhíocoomo cöne’jummaicho Paudo ajäichö wetä. Tönwanno cönaadoicho yaawä ñäädä acu’shänä döiña;

DOSECHO 19:10

Mädääje töwö cönä’jaacä aacä wedu; tameedä Aasiya ñancomo cöneeta’to Jesuuquidiito a’deddu, judhíocoomo mmaja, judhíojöncomo mmaja.

DOSECHO 19:20

Mädääje Cajiichaana Jesuuquidiito a’deddu cöneejangacä; jäduuje cönä’jaacä jooje.

DOSECHO 19:38

Soto jäcä cone’da Demeetediiyo weiya’jäcä, chääjadoncomo wetaadawa’cajoodö mmaja, äcamma’jonnamo wwadäädäiñeene täjai ñaato, yääje yeiya’jäcä. Ñanno cajiichaanacoomo wwäiñe choonecaajojai ñaato yää cone’da töweichöcoomo.

DOSECHO 19:7

Ñanno cönä’ja’to amoojadooto de’wä aacä dhanwaacomo.

DOSECHO 28:7

Yäätä amoinche’da cönä’jaacä audaajä, yää antadö de’woncomo cajiichaanai’chädööcomo naudädö, ñäädä Puupidiiyu tääto. Ñäädä tömmai chaca ñaa amonno’jone; aashicha ñaa döne. Chääjadä ñaa cönä’jaacä aaduwaawä anooto.

DOSECHO 6:10

Tönwanno chaana’cajai’cha cönä’ja’to Epíiditu Santo nutuudu sejje que Eteewa wa’deuwödö weijäcä.

DOSECHO 8:25

Yääje mma yaawä töwa’deuwödööcomo’jo, Wanaadi a’deddu ecammajäätödö’jo mmaja, ñanno anonta’como cönennacaicho yaawä Jeduusadén ña, aashichaato wätunnä ecammajä’ancädä Samaadiya ñancomo jata cäcäiñe.