DOSECHO 13:10 - Wanaadi A'deddu

¹⁰ cönä’döaacä chäwwä: —Amäädä äncu’tänei, yännanö’ajä mmaja, odo’sha nnedö. Tameedä aashichaato tödöödö tu’de’tänei amäädä dea. ¿Ane’que’nei ane’nomja’da manä Wanaadi a’deddu sa’donnato ashiichuudädö?

DOSECHO 13:10 ပူးပေါင်းရင်းမြစ်များ

MATEO 13:38

Yää audaajä edä nonoodö cu’tädö. Yää aashichaato dhadöödö ñanno Wanaadi töcaajichaanaije tödönnamo cu’tädö. Chuu mmaane ñanno odo’sha sotoi cu’tädö.

MATEO 15:19

Soto tö’tajäätödö acaano weja’caajääne conemjönö weiyajä, yää cone’da tö’tajä’nä, soto emaadö mmaja, anejja jiñamo ajoojodö mmaja, masuuduichanä mmaja, wemeenönnä mmaja, jönaawä soto ementädö mmaja, wätunnä dha’me weiñä mmaja.

MATEO 23:13

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno Wanaadi sotoije ä’döjai’chomo’jödö töncone’ma määnetääne. Änwanno dea Wanaadi sotoije ei’cha maato, shootoije töwei’sha’como wwä ännöjo’da mmaja.

MATEO 3:7

Yaawä töwwä wautisaaje ä’döjo jooje jaadiseeo weejödööcomo eneea’jäcä Juan wwä, jooje saadhuseeo mmaja, töwö cönä’döaacä chäwwäiñe: —Äcääyu nönga’como änwanno. ¿Änääcö äwäätuujatääne awääwanaacadööcomo wetä conemjönö weejödö owaajo?

DUUCA 11:39

Yaawä Cädhaajotoncomo Jesuuquidiito cönä’döaacä chäwwä: —Änwanno jaadiseeo ye’wä mma aashicha maato, incha’cäcä mma jadaaji atööäjä töweiye naichöje; aweichöcoomo mmaane tämeeneiñe, chäänönge’da mmaja.

DUUCA 11:52

“Wentumje maato’de änwanno owaanomannamo. Änwanno soto woowanoomato’comoojato’jödö töncone’ma määnetääne, yaawi che soto enwajiiñadö töweiye naichöje. Änwanno aashicha jeene oowanooma’da, ñanno töwoowanooma’sa’como onoowanoomajo’da mmaja; quee cönä’döaacä Jesuuquidiito.

JUAN 1:23

Juan cönä’döaacä yaawä: —Öwö ñäädä jata ’jemjönö aca ecammajä’nei. “Sha’duminchatääcä Cajiichaana eemadö;” quee töneecammajä’e wäänene, Isaía cöneecamma’döje dea, ñäädä Wanaadi wa’deuwödö ecammanei’jödö; quee cönä’döaacä Juan.

JUAN 8:44

Odo’shaane oomotoncomooje na; änwanno tödö’se määnetääne oomotoncomo odo’sha woije. Töwö cönä’jaacä ämaatä awa’deene yaajäntä’jödö jonnoto’jödöödä. Töwä’dune töwö jooje; chäänöngato ’je’da na chäwwä. Juutuje töwa’deuwe weneene, juutuje töweijäcä, juutuje weiñä edhaajäje töweijäcä mmaja.

DOSECHO 20:30

Änwanno adhantawäiñe dea naato’de anejjacoomo chäänöngemjöncomo ecammajä’nnamo, chäänöngatoojönööne, tösootoichomooje quedeiyentecoomo tödöödöcoomo wetä.

2 CODINTIYO 11:3

Öwö tösaade wa äjääcäiñe; ñäädä äcääyu, äncu’tätä töweichö que Eewa cönencu’täichö wwä mmaja ätö’tajäätödööcomo shaadijannä’cajoojai ätö’taato öwwä, chäänöngato que Quidiito tumjumma aweichöcoomo jonno.

CAADATA 1:7

A’que yeichaame anejja wätunnä chäänöngato; anejjacoomoone adhaaquiimaato, Quidiito wätunnäi aashichaato inwacaama’se naato.

EUJEESIYO 4:14

Mudeeshi’chä nönge eijai’cha caato eduuwa, aneene’jutu’da’da; wätunnä waadäi ataadojoojai’cha caato dea, jejeichä nemannäjöödö töweiye naichöje. Ñanno wätäncu’tänä jäcä towaanojo’na’como wwäiñe ätäncu’tojoojai’cha mmaja caato dea, ñanno chäänöngemjönö ai cadä’seiñe weneenetoodö.

2 PEEDHODO 2:15

Ääma chäänöngato to’nomja naato, tösaadijaamödööcomo wetä. Tönwanno naato Wadan wei’jödö nönge mmaja, ñäädä Wanaadi wa’deuwödö ecammanei’jödö, Weoode nnedö. Töwö Wadan yaacö’je töweiye cönä’jaacä conemjönö dödö que jödaata cana’cadö.

1 JUAN 3:8

Ñäädä conemjönö acaadä töweiyato mmaane odo’sha sotoi ñäädä, conemjönö tödööneiñe odo’sha yeiyajä yaajäntä’jödö jonnoto’jödöödä. Yääjatooje Wanaadi nnedö cöneejä, odo’sha nödöödö emaaneije.