DOSECHO 13:1 - Wanaadi A'deddu

¹ Yaawä Antiyooquía ña quedeiyente antawäiñe cönä’ja’to anejjacoomo Wanaadi a’deddu ecammannamo, Wanaadi a’deddu jäcä owaanomannamo mmaja. Ñanno cönä’ja’to: Waanawé; Simón mmaja, ñäädä Juduumatooje mmaja chäätö conä’ja’dö; Duusiyo mmaja cönä’ja’dea, ñäädä Sideene ñano; Maanaén mmaja, ñäädä Edoodhe Caadideea ñano acu’shänäi’chädö jadoono wennejenca’jödö; Saudo mmaja cönä’ja’dea.

DOSECHO 13:1 ပူးပေါင်းရင်းမြစ်များ

MATEO 27:32

Ääma taawä töötädääwäiñe cöneedantoicho dhanwa Sideene ñano, Simónje chäätö. Jesuuquidiito cuduusai cönaadojoicho chäwwä.

DUUCA 3:1

Juujatonno wedu Tiweediyo acu’shänääje yeichö, Ponsiyo Pidaato cajiichaanaje cönä’jaacä Judheea ña. Yaawä Edoodhe cajiichaanaje cönä’jaacä Caadideea ña. Dhacoono Jediipe mmaane cajiichaanaje cönä’jaacä Ituudea ña, Tadaaconiite ña mmaja. Disaaniya cajiichaanaje cönä’ja’dea yaawä Aawidiiniya ña.

DOSECHO 11:30

Yää töni’jumma’jocoomo ansiyaano Judheea ñancomo wwadäädä cönaadojoicho yaawä Waanawé wwä, Saudo wwä mmaja.

DOSECHO 12:25

Yaawä töwwäiñe tödööemö jäcä töwä’ca’comjäcä ñanno Waanawé, Saudo mmaja, cöntonto dea Jeduusadén ñanno; töjaadäiñe Juan cönaadoicho, ñäädä Maadocooje mmaja chäätö cönä’ja’dö.

DOSECHO 13:9

Yaawä Saudo, Paudoje mmaja chäätö cönä’ja’dö, Epíiditu Santo jäduudu ’je cönä’jaacä; yäätäädä cöneene’maacä ñäädä jöwai;

DOSECHO 15:32

Ñanno Juudha, Siida mmaja töneecammajäätödööcomo que quedeiyentecoomo cönwätuujaicho, cömjädu’ta’to dea, Wanaadi wa’deuwödö ecammannamooje töweijäcäiñe.

DOSECHO 15:35

Paudo, Waanawé mmaja yäätä cöno’somjoicho dea. Tönwanno anejjacoomo jadä soto cönoowanooma’to; Cajiichaana a’deddu töneecammajä’e cönä’ja’to dea.

DOSECHO 19:6

Paudo tamäädö tödööa’jäcä ye’cäcäiñe Epíiditu Santo cönä’täi yaawä chääjäcäiñe; anejja a’deucwe cöna’deuwa’to yaawä; Wanaadi nutuudu woije cöneecammajä’a’to dea.

DOSECHO 21:9

Iiñacoomo cönä’ja’to aacäichea ajei’choto’ja’como, töiñoquemjöncomo. Ñanno töneecammajä’e cönä’ja’to Wanaadi nutuudu woije.

DOSECHO 4:36

Ñanno quedeiyentecoomo antawäiñe cönä’jaacä dhanwa, José täätö; dewiitaje ñäädä cönä’jaacä, Chiipede antadö ña yennu’jödö. Waanaweeje cöne’ta’to ñanno anonta’como. Ya’dänei, quee töwä’dö’se yeichö.

DOSECHO 9:1

Yaawä Saudo quedeiyente maminchadööcomooje dea cönä’jaacä, tämaane’jödöödä. Töwö cöntämä Wanaadi wwä töwa’deuwaamo edhaajotoncomo döiña.

DOMAANO 16:21

Tiimoteo, ñäädä weetadaawa’cajoodö weichacoono, ta’deujödö nadääja äwwadäädäiñe, Duusiyo mmaja, Jasón mmaja, Sosíipateede mmaja, ñanno öwö jaatacoinchomo.

1 CODINTIYO 11:4

Wecanta’ñänaawä tuju’jä ta’duque Wanaadi wwä dhanwa ya’deuwa’jäcä, Wanaadi nutuudu woije ecammajä’a’jäcä jeiñe mma, chäänönge’da tuju’jä nödööa.

1 CODINTIYO 13:2

Wanaadi nutuudu woije ecammajä’neije weiya’jäcä mmaja, jooje towaanojo’ne weiya’jäcä mmaja, ecamjödö öwwä töweiye yeiya’jäcä jöö eseecatoojo jadä’jödöödä, yaawääne’ wä’jummanä ’je’da weiya’jäcä a’que wa.

1 CODINTIYO 13:8

Wä’jummanä ataame’da na’de. Wanaadi nutuudu woije ecammajäätödö mmaane nataamea’de, anejja a’deucwe wa’deunä mmaja; towaanojo’ne weiñä mmaja nataamea’dede.

1 CODINTIYO 14:29

Aacä Wanaadi nutuudu woije ecammajä’nnamo na’deuwö’ña’to, aaduwaawä jeiñe mma. Anejjacoomo chö’tamme’jai ñaato ñeecammajäätödööcomo.

1 CODINTIYO 14:32

Ñäädä Wanaadi nutuudu woijato wa’deuwödö tötö’tajäätödö emu’dojoocoije eijai ña.

1 CODINTIYO 9:6

¿Ñaa mma ca mädääje ñaa nai Waanawé acä, etaadawa’cajo’da eijai’cha aashichaato wätunnä ecammajä’taame ñaa wwä?

CAADATA 2:13

Yaawä, Peedhodo eneedö’jo, anejjacoomo quedeiyentecoomo judhíocoomo yääje mmaja cönäätäncu’toicho dea. Waanawé jadä’jödöödä cönäätäncu’täi chea chääjadäiñe.

CAADATA 2:9

Töwwäiñe chö’tamme’ca’jäcä Wanaadi nutuudu aashichaato öwwä yeichö, ñanno ä’se’tännamo, Jacoowo, Peedhodo mmaja, Juan mmaja, aashicha cöna’deuwöicho öwwä, Waanawé wwä mmaja. Tönwanno cönä’döa’to: “Judhíojöncomo owaanomannamooje eichäcä änwanno; ñaa mmaane judhíocoomo owaanomannamooje ñaa nei’ñojo;” quee cönä’döa’to.

EUJEESIYO 4:11

Töwö Quidiito cöwaadaiñe cuntui cöweicho’como; anejjacoomo wwä cuntui anonta’comooje yeicho’como, anejjacomo ’quene Wanaadi nutuudu woije ecammajä’nnamooje yeicho’como, anejjacoomo ta’deddu adännamooje, anejjacoomo quedeiyentecoomo es’e’tännamooje, owaanomannamooje mmaja.

JIDIIPENSE 4:22

Tameedä eetoncomo Wanaadi sotoi, acu’shäna mmai chacancomo mmaja, ta’deujocoomo nadääjaato dea äwwadäädäiñe.

1 TEESADOONISENSE 5:20

Änquiiñemeecö’da eichäcä Wanaadi nutuudu ecammajäätödö.