DOSECHO 12:7 - Wanaadi A'deddu

⁷ Jadheedä Cajiichaana Jesuuquidiito amoodedö cönäänejoi yaawä; tawaane cönweijoi yaawä jedeeso ewöötö’tädö taca. Ñäädä amoode Peedhodo cönaajojoi yaawä shuudadö jäcä; cönemjacai yaawä; cönä’döaacä chäwwä: —Ma’da’cä ä’jäcä; quee. Yaawä cadheena cönaajämjacai Peedhodo ajäädo jäconno.

DOSECHO 12:7 ပူးပေါင်းရင်းမြစ်များ

MATEO 2:13

Yää ’jeje, jöwaiñamo wöta’comjäcä, Cajiichaana amoodedö cönäänejoi José wwä, iwäänetöödö ai; cönä’döaacä chäwwä: —Ääma’täcä; shiichu’cä adääcä, yeenö mmaja. Ejiito ña äänejeetäcä. Iiña eichäcä’de öwwä ecammadö wa’cä. Edoodhe dajaane shiichu’cä nujiiya emaadö wetä; quee cönä’döaacä amoode José wwä.

DUUCA 2:9

Jadheedä chäwwäiñe cönäänejoi yaawä Cajiichaana amoodedö. Ñanno oweeja edhaamo awoodhecääcäiñe tawaane cönä’döi jooje Cajiichaana niweijodö que. Jooje cönääcatoncaicho.

DUUCA 24:4

Tönwanno cönääcatoncaicho yaawä. Yää jäcä a’que chö’tajäätödaawäiñe aacä dhanwaacomo yö’täiñe cönäänejoicho, yoomöcoomo weijotä.

DOSECHO 10:30

Yaawä Conneediyo cönä’doaacä: —Aacäichea anooto na eduuwa ye’saca wei’jödö wäänemaanäje; eduuwa naadöje cönä’jaacä. Wanaadi wwä wa’deunäje wä’jaaquene, cho’momöödö waadäi tödöödö töweiye naichöje. Yaawä dhanwa cönäänejoi öwwä, tajääde’dato awä.

DOSECHO 12:23

Yaawä jadheedä Cajiichaana Jesuuquidiito amoodedö Edoodhe cöncädäi’ñäi, Wanaadije töwei’she yeijäcä. Töwö cönäämai yaawä acö otööcomooje.

DOSECHO 12:6

Yaawä Edoodhe wwä soto wwadäädäiñe tu’catoojo coijaichawä Peedhodo wönö’näje cönä’jaacä aaconcomo suddau antawäiñe. I’wadö’taajä cönä’jaacä aacä cadheena que, sejaadadi döaajä. Mönaatajo anejjacoomo suddau mmaja cönä’ja’to dea, jedeeso ewöötö’tädö edai’chännamo.

DOSECHO 12:8

Amoode cönä’döaacä chäwwä: —Adheesomaajä’cä; asaajatui ewaacacä; quee. Yaawä yää tödööa’jäcä Peedhodo wwä, amoode cönä’döaacä chäwwä: —Owoomö de’wono que adheewontäcä; ma’che eduuwa öncäcä; quee cönä’döaacä.

DOSECHO 16:26

Yaawä jadheedä nono cönäätu’mei jooje, jedeeso ewöötö’tädö o’wadö tu’mejoone. Yaawä tameedä mönaatata cönaata’ducaajätöi, tameedä jedeesoja’como imööjä’a’como cöneesacaajätöi chea.

DOSECHO 2:24

Wanaadi cönaadoncai yaawä yäämaajo jonno. Mädääje Wanaadi wäämanä cöne’jodheinchai, töwö Jesuuquidiito wäämanä wwä oto’jodheinchajoojai’cha yei’jödö weijäcä.

DOSECHO 5:19

Yaawä, coijai, Cajiichaana Jesuuquidiito amoodedö mönaatata cöna’ducai anonta’como wwäiñe; cönä’döaacä chäwwäiñe:

DOSECHO 9:3

Yaawä ääma tai töötädaawä, Damaacu ña ä’döjai töwä’döa’jäcä, jadheedä tawaanato cönäänejoi dhawoodhecääcä.

EUJEESIYO 5:14

Yääje yeijäcä edääje wä’dönä nai: Ä’jäcä amäädä wetuujato; aanöncä awäämaajo jonno, Quidiito aweijoiye yaawä; quee.

EEWEDEO 1:14

Ñanno tameedä Wanaadi amoodedö naato tanontaamoje mma, töwääwanaacaamo i’wa’tännamooje anonta’como.

APOOCADIISI 18:1

Yääje mma yaawä anejja amoode daja weneeaquennea, caju ñanno yä’tädö; jooje ijäädudu cönä’jaacä. Nono cönweijaacä tönnataadö que.