DOSECHO 12:5 - Wanaadi A'deddu

⁵ Mädääje jedeeso ewöötö’tädö taca Peedhodo cöneedai’cha’to. Quedeiyentecoomo mmaane jooje Wanaadi wwä cöna’deuwa’to chääjäcä.

DOSECHO 12:5 ပူးပေါင်းရင်းမြစ်များ

MATEO 18:19

“Edääje mmaja wä’dö’se wa dea äwwäiñe, edä nono de’wä aacä änwanno awa’deuwa’comjäcä yää jäcä dea Wanaadi wwä awa’deuwödööcomo wetä, Jaaja caju ñano nu’a’de aneecato’jocoomo.

DUUCA 18:1

Edä mmaja Jesuuquidiito chäwwäiñe cöneecammai chea, yö’seenoje, töweejäduuque’ancädä’da weiñäje Wanaadi wwä wa’deunä jäcä.

DOSECHO 12:12

Yääje tötö’tajä’ancädä töwö Peedhodo cöntämä Madía mmai yöiña, ñäädä Juan dhenö, Maadocooje mmaja chäätö cönä’ja’dö. Yäätä cönä’ja’to jooje soto Wanaadi wwä wa’deunäje.

DOSECHO 12:4

Yää ’jeje Peedhodo ajäiya’jäcä jedeeso ewöötö’tädö taca Edoodhe cöneewaacai yaawä, soto wwadäädäiñe u’cadö wetä yaawä Weja’dätä’jä anootoi’chädö ’jeje, ecamma’jodö wetä. Jooje suddau cönnöicho Peedhodo edai’chännamooje; aacäichea iju’jä cönä’ja’to, aacäichea suddau mmaja iju’jä waadäi.

DOSECHO 12:6

Yaawä Edoodhe wwä soto wwadäädäiñe tu’catoojo coijaichawä Peedhodo wönö’näje cönä’jaacä aaconcomo suddau antawäiñe. I’wadö’taajä cönä’jaacä aacä cadheena que, sejaadadi döaajä. Mönaatajo anejjacoomo suddau mmaja cönä’ja’to dea, jedeeso ewöötö’tädö edai’chännamo.

1 CODINTIYO 12:26

Tooni adheejö jäcoono wäntunaanö’a’jäcä tameedä adheejö näntunaanö’a yaawä. Tööni adheejö jäcoono aashichaato oneeja’jäcä tameedä adheejö na’cwaincha yaawä.

2 CODINTIYO 1:11

Änwanno mmaja ñaa ’wa’täjai maato dea Wanaadi wwä awa’deuwödööcomo que. Jooje soto Wanaadi wwä ñaa jäcä ya’deuwa’comjäcä, jooje naato’de yaawä aashicha Wanaadi jäcä töwa’deuwaamo, ñaa jäcä aashichaato iiñö’jödö jäcäinchädä.

1 TEESADOONISENSE 5:17

Wanaadi wwä yeichöje adha’deutäcä.

EEWEDEO 13:3

I’wa’tätääcä ñanno jedeesoja’como, amäädä chääjadäiñe jedeesoje eijai maadö wa’cä deaane. I’wa’tätääcäde ñanno töwäätä’maminchajo weneenetoodö, änwanno ätä’maminchajoojai mmaja aweichöcoomo chö’tamme’cancädä.

SANTIYAACO 5:16

Yääje yeijäcä ocoone’nadiiyöcoomo töneecamma eichäcä ajimmotoncomo wwä; Wanaadi wwä adha’deutäcä ääjäcäiñe, täjiichö’tääne meichäiye. Ñäädä soto chäänöngato Wanaadi wwä sa’donna ya’deuwödö jäduuje na.