DOSECHO 11:26 - Wanaadi A'deddu

²⁶ Yäätä tönwanno cönä’ja’to tooni wedu Quidiito sotoi jadäiñe; jooje soto cönoowanoomaicho. Antiyooquía ña awa’deene soto quedeiyentecoomo quidiitiyaanoje cöne’toicho. Quidiito jadoonoje, quee töwä’dö’se yeichö.

DOSECHO 11:26 ပူးပေါင်းရင်းမြစ်များ

MATEO 28:19

Yääje yeijäcä ojoncomo. Soto owaanomaatantäcä tameedä jata weichö wa’cä. Wautisaaje tödöötäcä’de Jaaja eetö joi, Iiñedö eetö joi mmaja, Epíiditu Santo eetö joi mmaja.

JUAN 2:2

Jesuuquidiito mmaja, ñoowanoomadö mmaja cönaata’dejjajoicho dea jötaanä tödöödö döiña.

DOSECHO 1:15

Yaawä Peedhodo cönammöi quedeiyente antawäiñe; ñanno cönä’ja’to ijaatoodea sotooto de’wä tooni soto. Töwö Peedhodo cönä’döaacä chäwwäiñe:

DOSECHO 11:20

Dhantawäiñe cönä’ja’to anejjacoomo Chiipede ñancomo, Sideene ñancomo mmaja. Ñanno Antiyooquía ña töwä’döa’comjäcä judhíojöncomo wwä mmaja cöneecammajäätöicho aashichaato wätunnä Cajiichaana Jesuuquidiito jäcoono.

DOSECHO 11:22

Yaawä chääcadööcomo eta’jäcä Jeduusadén ñancomo quedeiyentecoomo Waanawé cönaanontoicho Antiyooquía ña.

DOSECHO 11:27

Yääje mma yaawä Jeduusadén ñanno anejjacoomo Wanaadi wa’deuwödö ecammannamo Antiyooquía ña cöntonto.

DOSECHO 11:29

Yaawä quedeiyentecoomo Antiyooquía ñancomo cöna’deuwöicho töjimmotoncomo Judheea ñancomo wwadäädä jödaata adoojodö wetä, i’wa’toto’comooje yää ämi awä. Töwaadäiñe cuntuicho u’jai töweichöcoomo woije.

DOSECHO 14:20

Yaawä quedeiyentecoomo tawoodhecääcä ye’jumma’comjäcä Paudo cönammöi; jataaca cöntäma yaawä. Yää jenamma naadöje Deedewe ña cöntäma Waanawé acä.

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

DOSECHO 14:23

Tönwanno ansiyaano cöneewaacaicho quedeiyente jataadöcoomo waadäi. Yaawä Wanaadi wwä töwa’deuwö’jejeiñe, töwäänema’jejeiñe mmaja, Cajiichaana Jesuuquidiito wwä cöneedai’chäja’to, ñäädä ñeecamjödööcomo.

DOSECHO 14:27

Yaawä Antiyooquía ña töwä’döa’comjäcä Quidiito sotoi cöni’jummaicho; chäwwäiñe cöneecammajäätöicho tameedä Wanaadi nödö’jödö töjääcäiñe. Cöneecammajäätöicho dea judhíojöncomo wwä Cajiichaana wwä utu’jödö ta’deddu etaatojo, ecamjödö wetä chäwwäiñe.

DOSECHO 14:28

Yaawä Paudo, Waanawé numa cönä’ja’to yäätä quedeiyente jadäiñe.

DOSECHO 18:27

Yää ’jeje Apoodo töötä’se cönä’jaacä Acaaya ña. Ñanno quedeiyentecoomo Eujeeso ñancomo aashicha cönenno’jaicho yaawä. Tönwanno jajeeda cömmennoicho Acaaya ñancomo wwadäädäiñe, Apoodo wwä tadoojoomö, aashicha yeichöcoomo wetä chääjäcä. Yaawä Acaaya ña Apoodo wä’döa’jäcä töwö jooje cöni’wa’toicho ñanno Wanaadi ni’wa’tädö woije ecaanö’nnamo.

DOSECHO 19:9

Anejjacoomo eta’se’da cönä’ja’to; aneecamjö’da cöneiya’to. Tameedä soto netaadöcoomoje cone’da töwa’deuwe tönwanno cönä’ja’to quedeiyenteje weiñä jäcä. Yaawä Paudo cönsancwaicho. Töwö quedeiyentecoomo cönaadoicho Tidaano nowaanomaatojo taca; iiña anooto waadäi töneecammajä’e cönä’jaacä chäwwäiñe.

DOSECHO 20:1

Yääje mma yaawä yeewodoichadööcomo wä’ca’jäcä Paudo cöni’jummaicho tameedä quedeiyentecoomo, yäätuujadööcomo wetä. Yaawä ajoojancädäiñe töwö cönääcammaacä chäwwäiñe; cöntäma yaawä Maasedooniya ña.

DOSECHO 20:30

Änwanno adhantawäiñe dea naato’de anejjacoomo chäänöngemjöncomo ecammajä’nnamo, chäänöngatoojönööne, tösootoichomooje quedeiyentecoomo tödöödöcoomo wetä.

DOSECHO 21:4

Yäätä ñaa cönoojodöi quedeiyentecoomo jadä; chääjadäiñe ñaa cönä’jaacä aaca amoojato anooto. Tönwanno Epíiditu Santo woije cönä’döa’to Paudo wwä: —Mötäi’che Jeduusadén ña; quee cönä’döa’to.

DOSECHO 26:28

Yaawä Aaquidiipa cönä’döaacä Paudo wwä: —Eetä’cä’cä mmädä quedeiyenteje yöödödö meiya; quee cönä’döaacä.

DOSECHO 6:1

Yaawä quedeiyentecoomo cöneejanga’to jooje. Ñanno quidiiyeeco a’deucwa’como cönenta’me’ca’to yaawä judhío a’deucwa’como jäcä. Tönwanno cönä’döa’to: —Anooto waadäi äwanshi ecaamodaawä chääwa’cä ä’tu’da weneene ñaa jimmä iiño wääma’jödö wwäiñe; quee cönä’döa’to.

DOSECHO 6:5

Yääje ya’deuwödööcomo yaacö’comje cönä’jaacä ñanno. Yaawä tönwanno cöneewaacaicho Eteewa; ñäädä cönä’jaacä Epíiditu Santo jäduudu ’je; jooje töneecanö’e cönä’jaacä. Jediipe mmaja cöneewaacaicho dea; Podoocodo mmaja; Niicanoodo mmaja; Timón mmaja; Paadameena mmaja; Niicodá mmaja, ñäädä Antiyooquía ñano, judhíoje yääwaacaajä.

DOSECHO 9:19

Yää ’jeje töwääwashincha’jäcä cönaadoncai yaawä. Töwö äächädä anooto mma Damaacu ña cönä’jaacä yaawä quedeiyentecoomo jadäiñe.

DOSECHO 9:38

Yää Joope ñano cönä’jaacä amoinche’da Diida ñano jäcä, Peedhodo cönä’ja’dö döiña; yääje yeijäcä Diida ña Peedhodo weichö eta’jäcä ñanno quedeiyentecoomo aacä dhanwaacomo cönaanontoicho Peedhodo döiña. Ñanno cönä’döa’to Peedhodo wwä: —Ma’da’cä Joope ña ma’chomo; quee.

1 CODINTIYO 11:18

Adheecadööcomo töneeta wäänene aashicha oojodö’da aweichöcoomo wecanta’ñänä wetä awe’jummadaawäiñe. Chäänöngeiche neeta’jödö öwwä nichö’ta.

1 CODINTIYO 12:12

Cäjööcomo naadö naane’, tooni chääjö yeichaame jooje chääjocoono ejoodöjaajä. Mädääje mmaja Quidiito.

1 CODINTIYO 14:23

Tameedä quedeiyentecoomo we’jumma’comjäcä naadö naane’, yaawä tameedä änwanno anejja a’deucwe awa’deuwa’comjäcä, ¿i’jeta’jödö nönge jönca adhe’täjaiñe nai quedeiyentejöönö adöiñaiñe yoomonga’jäcä, towaanojo’nemjönö womonga’jäcä jeiñe mma?

1 CODINTIYO 4:17

Yääje aweichöcoomo wetä Tiimoteo wanonta äwwadäädäiñe, ñäädä Jesuuquidiito jäcäinchädä önnedö umjummadö, quedeiyente chäänöngato mmaja. Töwö ätö’tamme’jaato’de Quidiito jadä quedeiyenteje weiñä jäcä, yää yoije wääneneedö, tameedä yeichö wa’cä tameedä quedeiyentecoomo tönoowanooma wääneneedö jäcä.

EUJEESIYO 3:15

Töwö choojoi tä’tä naato tameedä edä nono de’wono wä’jimmä’tädö, caju ñancomo wä’jimmä’tädö mmaja.

SANTIYAACO 2:7

¿Ñanno dea jönca Quidiito jäcä cone’da töwa’deuwe weneeneto, ñäädä tönontäämö, chäätö joi tä’tä maatoodö?

1 PEEDHODO 4:14

Jesuuquidiito ecamjödö jo’tädööje aquiiñeme’ca’comjäcä, ta’cwaiñe eijai maato, Epíiditu Santo aashichaato äjääcäiñe yeijäcä. Tönwanno cone’da töwa’deuwe weneeneto Jesuuquidiito jäcä, änwanno mmaane aashicha chääjäcä töwa’deuwe määnetääne.

1 PEEDHODO 4:16

Quedeiyenteje töweichö jo’tädööje anejja wäntunaanö’a’jäcä mmaane töwö töjöichöje yää tödööjai’cha na; aashicha mmaane Wanaadi jäcä a’deujai ña quedeiyenteje töweijäcä.

1 JUAN 2:27

Änwanno Epíiditu Santo ’je maato, ñäädä Jesuuquidiito nutuudu äwwäiñe. Yääje yeijäcä odhoowanoomaneichomo tujunne’da na, töwö Epíiditu Santo dea tameedä odhoowanoomatäiñe yeijäcä. Chäänönge ñäädä Epíiditu Santo nowaanomaadö, wätäncu’tänääjönö. Yääje yeijäcä Quidiito jadä eichäcä, Epíiditu Santo nowaanomaadö nönge deaane.

APOOCADIISI 3:18

Yääje yeijäcä edääje mänwätuuja: Öwwä ane’ca’cä oodo, wa’to que choonecaajä, äwwä töweiye yeichö wetä. Owoomö tajääde’dato mmaja ane’ca’cäde, aweewontotoojo, töwonque’da aweichö mma täne ei’ño, töjöiye mma mei’ño yaawä. Adheejichö mmaja ane’ca’cäde öwwä, adheenudu ejiichö’totoojo, töneene mä’döiye.