DOSECHO 11:19 - Wanaadi A'deddu

¹⁹ Yaawä soto wwäiñe Eteewa ema’jeje anejjacoomo quedeiyentecoomo maminchädööcomo mmaja cönaajäntoicho dea; yääje yeijäcä ñanno quedeiyentecoomo cönäänejeicho Jeniisiya ña, Chiipede ña mmaja, Antiyooquía ña mmaja. Iiña tönwanno Wanaadi a’deddu töneecammajä’e cönä’ja’to, tameedä soto wwäiñe’da, judhíocoomo wwä mma.

DOSECHO 11:19 ပူးပေါင်းရင်းမြစ်များ

MATEO 10:6

Iisadaaediitacoomo döiñaiñeene ojoncomo. Tönwanno naato oweeja yännanö’a’como nönge.

JUAN 7:35

Yaawä judhíocoomo tönwannoje dea cönä’döa’to: —¿Äsha tätai’che töwö cönwanno aneejodö’da cöweichöcoomo wetä? ¿Iiñaja ca tätai’che, judhíocoomo wäämecanta’como döiña, quidiiyeecocoomo jadäiñe naatoodö döiña? ¿Quidiiyeecocoomo owaanomaiñe’da tätai’che?

DOSECHO 11:20

Dhantawäiñe cönä’ja’to anejjacoomo Chiipede ñancomo, Sideene ñancomo mmaja. Ñanno Antiyooquía ña töwä’döa’comjäcä judhíojöncomo wwä mmaja cöneecammajäätöicho aashichaato wätunnä Cajiichaana Jesuuquidiito jäcoono.

DOSECHO 11:22

Yaawä chääcadööcomo eta’jäcä Jeduusadén ñancomo quedeiyentecoomo Waanawé cönaanontoicho Antiyooquía ña.

DOSECHO 13:1

Yaawä Antiyooquía ña quedeiyente antawäiñe cönä’ja’to anejjacoomo Wanaadi a’deddu ecammannamo, Wanaadi a’deddu jäcä owaanomannamo mmaja. Ñanno cönä’ja’to: Waanawé; Simón mmaja, ñäädä Juduumatooje mmaja chäätö conä’ja’dö; Duusiyo mmaja cönä’ja’dea, ñäädä Sideene ñano; Maanaén mmaja, ñäädä Edoodhe Caadideea ñano acu’shänäi’chädö jadoono wennejenca’jödö; Saudo mmaja cönä’ja’dea.

DOSECHO 13:4

Yääje mma yaawä Epíiditu Santo nanontädö woije Sedeusiya ña cöntonto Waanawé, Saudo mmaja. Yäätonno Chiipede ña cöntonto yaawä jidaawa awä.

DOSECHO 13:46

Yaawä Paudo, Waanawé mmaja, tösaade’da cöna’deuwöicho; cönä’döa’to: —Wanaadi a’deddu täcammajä’emje cönä’jaacä äwwäiñe awa’de, änwanno judhíocoomo, töwäädä eta’se’da maatoone’; ämjumma’da maato töwaatamemjönö aweicho’como. Yääje yeijäcä judhíojöncomo wwä ñaa necammajä’ta eduuwa.

DOSECHO 14:26

Yäätonno jidaawa awä cöntonto Antiyooquía ña, Wanaadi wwä tädai’chojo’jejeiñe tadaawaaju döe tanonto’jocoomo ña. Tönwanno töwä’ca cönä’ja’to yaawä yää tadaawaaju dödö jäcä.

DOSECHO 15:22

Yaawä ñanno anonta’como, ansiyaano mmaja, tameedä quedeiyentecoomo mmaja, cöna’deuwöicho anejjacoomo töjimmotoncomo enno’jadööcomo wetä Antiyooquía ña, Paudo, Waanawé jadäiñe. Juudha cöne’toicho yaawä töötäämöje, ñäädä Waasawaaje mmaja chäätö cönä’ja’dö. Siida mmaja cöne’toicho dea. Ñanno cönä’ja’to täneejuca’como quedeiyentecoomo wwäiñe.

DOSECHO 15:3

Ñanno Paudo cöntonto Antiyooquía ñancomo quedeiyente nanontädööcomo woije. Yaawa töötädaawäiñe Jeniisiya chäcä cöneeja’dätoicho, Samaadiya chäcä mmaja. Tönwanno cöneecammajä’a’to töwäätunnäichomo e’nomja’jödö judhíojöncomo wwä, Wanaadi ecamjödö wetä töwwäiñe. Tameedä quedeiyentecoomo ta’cwaiñe cönä’ja’to yää eta’jäcä.

DOSECHO 15:30

Yaawä tanonta’comjäcä Paudo cöntonto Antiyooquía ña. Iiña quedeiyentecoomo cöni’jummaicho; yää jajeeda cuntuicho yaawä chäwwäiñe.

DOSECHO 15:35

Paudo, Waanawé mmaja yäätä cöno’somjoicho dea. Tönwanno anejjacoomo jadä soto cönoowanooma’to; Cajiichaana a’deddu töneecammajä’e cönä’ja’to dea.

DOSECHO 15:39

Yää jäcä jooje Paudo cönäätäccujäätöicho Waanawé acä. Yääje yeijäcä cönä’sancwaicho yaawä. Waanawé cöntonto Chiipede ña Maadoco acä.

DOSECHO 18:22

Yaawä Seesadeea ña cönä’döi; yäätonno cöntämä Jeduusadén ña. Yää ’jeje iiñancomo quedeiyente wwäiñe töwa’deuwa’jäcä cöntämä Antiyooquía ña.

DOSECHO 21:16

Ñaa jadä cöntonto anejjacoomo Seesadeea ñancomo quedeiyentecoomo. Dhantawäiñe cönä’jaacä Masón, Chiipede ñano. Töwö Masón cönä’jaacä quedeiyente jenaado’jä. Ñäädä mmai chaca ñaa wä’dötoojo cönä’jaacä.

DOSECHO 21:2

Yäätä ñaa cöneedantäi jidaawa, Jeniisiya ña iichädö. Ñaa cönä’täi yaawä; yää awä ñaa cöntämä.

DOSECHO 3:26

Yäämaajo jonno Tönnedö adonca’jäcä töwö Wanaadi cönaanontäi äwwadäädäiñe awa’de, aashichaato tödöödö wetä äjääcäiñe, awaadäiñe ocoone’nadiiyöcoomo e’nomjadö wetä yaawä äwwäiñe; quee cönä’döaacä Peedhodo soto wwäiñe.

DOSECHO 4:36

Ñanno quedeiyentecoomo antawäiñe cönä’jaacä dhanwa, José täätö; dewiitaje ñäädä cönä’jaacä, Chiipede antadö ña yennu’jödö. Waanaweeje cöne’ta’to ñanno anonta’como. Ya’dänei, quee töwä’dö’se yeichö.

DOSECHO 6:5

Yääje ya’deuwödööcomo yaacö’comje cönä’jaacä ñanno. Yaawä tönwanno cöneewaacaicho Eteewa; ñäädä cönä’jaacä Epíiditu Santo jäduudu ’je; jooje töneecanö’e cönä’jaacä. Jediipe mmaja cöneewaacaicho dea; Podoocodo mmaja; Niicanoodo mmaja; Timón mmaja; Paadameena mmaja; Niicodá mmaja, ñäädä Antiyooquía ñano, judhíoje yääwaacaajä.

CAADATA 2:11

Yaawä Antiyooquía ña Peedhodo wä’döa’jäcä öwö weune yaawä chäänönge’da yei’jödö weijäcä.