DOSECHO 11:18 - Wanaadi A'deddu

¹⁸ Yaawä yää eta’jäcä Jeduusadén ñancomo quedeiyentecoomo cöneeta’jöjäätöicho; aashicha cöna’deuwa’to yaawä Wanaadi jäcä. Tönwanno cönä’döa’to: —Judhíojöncomo wwä mmaja Wanaadi cuntui chea chö’tajäätödööcomo sha’duminchatoojo, yääwanaacadööcomo wetä; quee cönä’döa’to.

DOSECHO 11:18 ပူးပေါင်းရင်းမြစ်များ

MATEO 9:8

Yää eneea’jäcä soto cönääcatoncaicho. Aashicha cöna’deuwa’to yaawä Wanaadi jäcä, yää nöngato adoncatoojo utu’jödö weijäcä soto wwä.

DOSECHO 11:1

Yääje mma yaawä ñanno anonta’como, anejjacoomo quedeiyentecoomo Judheea ñancomo mmaja, cöneeta’to judhíojöncomo wwä aashicha eta’jödö Wanaadi a’deddu ecammajäätödö.

DOSECHO 14:27

Yaawä Antiyooquía ña töwä’döa’comjäcä Quidiito sotoi cöni’jummaicho; chäwwäiñe cöneecammajäätöicho tameedä Wanaadi nödö’jödö töjääcäiñe. Cöneecammajäätöicho dea judhíojöncomo wwä Cajiichaana wwä utu’jödö ta’deddu etaatojo, ecamjödö wetä chäwwäiñe.

DOSECHO 15:3

Ñanno Paudo cöntonto Antiyooquía ñancomo quedeiyente nanontädööcomo woije. Yaawa töötädaawäiñe Jeniisiya chäcä cöneeja’dätoicho, Samaadiya chäcä mmaja. Tönwanno cöneecammajä’a’to töwäätunnäichomo e’nomja’jödö judhíojöncomo wwä, Wanaadi ecamjödö wetä töwwäiñe. Tameedä quedeiyentecoomo ta’cwaiñe cönä’ja’to yää eta’jäcä.

DOSECHO 20:21

Öwö töneecammajä’e wä’jaaquene judhío wwäiñe, judhíojöncomo wwäiñe mmaja Wanaadi owaadäädä tötö’tajäätödööcomo sha’duminchajai yeichöcoomo, Cajiichaana Jesuuquidiito ecaanö’jai yeichöcoomo mmaja.

DOSECHO 21:20

Yää eta’jäcä aashicha ñanno cöna’deuwa’to yaawä Wanaadi jäcä. Tönwanno cönä’döa’to Paudo wwä: —Eneecä’ma, jooje naatoodö judhío quedeiyentecoomo, Moisé waanontä’jödö tödönnamo.

DOSECHO 3:19

Yääje yeijäcä ätö’tajäätödööcomo sha’duminchatääcä, Wanaadi wwadäädääne ä’jedennacaatäcä, ocoone’nadiiyöcoomo ecoccaiye. Yaawä Wanaadi nu’a’de äwwäiñe ta’cwaiñe aweicho’como.

DOSECHO 3:26

Yäämaajo jonno Tönnedö adonca’jäcä töwö Wanaadi cönaanontäi äwwadäädäiñe awa’de, aashichaato tödöödö wetä äjääcäiñe, awaadäiñe ocoone’nadiiyöcoomo e’nomjadö wetä yaawä äwwäiñe; quee cönä’döaacä Peedhodo soto wwäiñe.

DOSECHO 5:31

Ñäädä Wanaadi Jesuuquidiito cönnöi tönnäcä, ämu’demjönö dö’se; o’jodhe cönnöi, Cajiichaanaje mmaja, Äwaanacaaneije mmaja, tötö’tajäätödööcomo sha’duminchadö wetä iisadaaediitacoomo wwä, choone’nadiiyöcoomo ätäncwanno’joiye yaawä.

DOMAANO 9:30

¿Aaquene yaawä, quee ’ja? Ñanno judhíojöncomo Wanaadi jadoonoje töwä’dödööcomo anuuji’cha töwei’jocoomo weichaame cöneejodöicho. Tönwanno cöneejodöicho ecamjödö que.

2 CODINTIYO 3:18

Yääje yeijäcä cönwanno jecuude nönge caato, Cajiichaana Jesuuquidiito weichö queenejaato, töje’duque’daiñe cöweichomjäcä. Quidiito nönge mmaja cä’döaato dea, aashicha cöweichöcoomo jonno aashicha’cä jeene cöweicho’como aca tödööene. Cajiichaana woije dea mädääje caato, ñäädä Epíiditu Santoje naadö dea.

2 CODINTIYO 7:10

Yää Wanaadi woijato que cone’da wä’döjoonä tötö’tajäätödö wesa’duminchadö nejoodöja; yää neja’ca yaawä wääwanaacatoojoje. Mädä nöngato que cone’da wä’döjoonä cone’da tödööemje’da na. Edä nono de’wono woijato que cone’da wä’döjoonä mmaane wäämanä nejoodöja.

CAADATA 1:24

Yääje yeijäcä o’jodhe Wanaadi töne’tä cönä’ja’to öwö jääcäinchädä.