DOSECHO 11:16 - Wanaadi A'deddu

¹⁶ Yaawä tö’tane Cajiichaana Jesuuquidiito wa’deuwö’jödö jäcä: “Juan wautisaaje tönnöe cönä’ja’to tuna quee mma; änwanno mmaane Epíiditu Santo queene wautisaaje mä’döaato’de,” quee yä’dö’jödö jäcä tö’tane.

DOSECHO 11:16 ပူးပေါင်းရင်းမြစ်များ

MATEO 3:11

Öwö wautisaaje männöaato tuna que, ätö’tajäätödööcomo tösa’dumincha aweichöcoomo ene’ju’to’me. Ñäädä öncäcä ne’aanei mmaane jäduuje jeene na. Shaajatui shaacaneije jadä’jödöödä eijai’cha wa, ye’jodhe töwö yeijäcä. Töwö wautisaaje ayöödöaato’de Epíiditu Santo queene, wa’to que mmaja.

MATEO 3:6

Wautisaaje töwä’döjo cönä’ja’to Juan wwä, Joodadán ’cwaca, töcoone’nadiiyöcoomo ecammadö’jo.

MAADOCO 1:8

Öwö wautisaaje männöaato tuna que; töwö mmaane Epíiditu Santo que wautisaaje ayöödöaato’de; quee töneecammajä’e cönä’jaacä Juan Wautiita.

DUUCA 24:8

Yaawä ñanno wodiiñamo cöntö’taicho Jesuuquidiito wa’deuwö’jödö jäcä.

DUUCA 3:16

Juan cönä’döaacä tameedä chäwwäiñe: —Öwö wautisaaje männöaato tuna que. Ñäädä öncäcä ne’a’nei mmaane Epíiditu Santo que wautisaaje ayöödöaato’de, wa’to que mmaja. Töwö jäduuje jeene na. Shaajatui shaacaneije jadä’jödöödä eijai’cha wa, ye’jodhe töwö yeijäcä.

JUAN 1:26

Yaawä Juan cönä’döaacä chäwwäiñe: —Öwö wautisaaje soto wödööaato tuna que. Yaawääne’, töweiye na adhantawäiñe odhoowanoocomoojönö.

JUAN 1:33

Yoowanääcä’da cönä’jaacä töwö, töwäädä ñäädä tuna que wautisaaje tödöödö jäcä yaanontänei’jödö yääje cönä’döa’ne’: “Ñäädä Epíiditu Santo ye’wä nä’ta’dedö, ye’wäädä na’dedö, ñäädä ñäädä Epíiditu Santo que wautisaaje tödöönei;” quee yaanontänei’jödö cönä’döaacä öwwä.

JUAN 14:26

Öwö ne’catäädö woije Jaaja nanonta’de Ä’wa’täneichomo, ñäädä Epíiditu Santo. Ñäädä Epíiditu Santo odhoowanoomaato’de tameedäädä; ätö’tamme’jaato’de tameedä neecammajäätö’jödö.

JUAN 16:4

Mädä wecammajä’a äwwäiñe; yaawä chu’nädö aca yä’döa’jäcä chö’tajai maato wa’deuwö’jödö jäcä. “Awa’deene yääje a’deuwö’da wä’jaaquene äwwäiñe, ajaadäiñe weijäcä.

DOSECHO 1:5

Juan Wautiita wautisaaje tönnöe cönä’jaacä tuna que; änwanno mmaane wautisaaje mä’döjaato’de Epíiditu Santo queene, wanna anoototo ai’cha mma; quee cönä’döaacä Jesuuquidiito chäwwäiñe.

DOSECHO 20:35

Weiñäje odhoowanoomatäiñe töweiye wä’jaaquene wentumja’como i’wa’tädö jäcä ataadawaajuichomo eje’jödö que. Weiñäje ätö’tamme’jotäiñe töweiye wä’jaaquennea Cajiichaana Jesuuquidiito wa’deuwö’jödö jäcä: “Ta’cwaiñe’cä jeene ñäädä u’nei, eiñei e’jodhe’cä jeene;” quee cönä’döa’dö jäcä; quee cönä’döaacä Paudo ñanno Eujeeso ñancomo ansiyaano wwäiñe.

1 CODINTIYO 12:13

Tameedä cönwanno ñäädä tooniyaano Epíiditu Santo woije wautisaaje cöwä’dö’jocoomo que tooni chääjöje cä’dötääne, judhío, quidiiyeeco mmaja, tädhaajäcaato, töwö dajaato mmaja; tameedä cöwwäiñe cönä’tui ñäädä dea Epíiditu Santo.

2 PEEDHODO 3:1

Jimmä umjummadö, edä aacädeeto jajeeda wimenna äwwadäädäiñe. A’nädä ömmennädö aca ätö’tajäätödööcomo wemjaca ätö’tamme’jodööcomo que.