DOSECHO 11:13 - Wanaadi A'deddu

¹³ Ñäädä tömmaichemö ñaa wwä cöneecammajäätöi Wanaadi amoodedö töneene’jödö tömmai chaca. Ñäädä amoode jiidi cönääneaacä; cönä’döaacä chäwwä: “Joope ña soto anenno’jacä, Simón a’dejja, ñäädä Peedhodooje mmaja chäätö naichö.

DOSECHO 11:13 ပူးပေါင်းရင်းမြစ်များ

DOSECHO 10:22

Ñanno cönä’döa’to yaawä chäwwä: —Conneediyo woije ñaa neejä, ñäädä suddau edhaajotoncomo. Aashichaato töwö, Wanaadi tönoiñe töneene. Tameedä judhíocoomo aashicha töwa’deuwe weneeneto chääjäcä, tumjumma mmaja. Wanaadi amoodedö chäwwä cönä’döaacä: “Peedhodo ene’jocä’de adöiña, chäwwä ecammajäätödö metaiye;” quee cönä’döaacä ñäädä amoode; quee cönä’döa’to ñanno Conneediyo sotoi.

DOSECHO 11:12

Epíiditu Santo yaanontäne yaawä wäämu’däjä’ancädä’da chääjadäiñe öötädö wetä. Tooni amoojato quedeiyente cöneiya’to jaadä, canno naatoodö. Tameedä ñaa cönoomomöi yaawä soto e’saca.

DOSECHO 11:14

Ñäädä Peedhodo äwwä necamma’de äwääwanaacatoojo, äwä’jimmä’tädö wääwanaacato’como mmaja;” quee cönä’döaacä amoode chäwwä.

DOSECHO 12:11

Yaawä Peedhodo towaadäädä cönä’döi; cöntö’tajä’acä: —Eduuwa yoowanääcä na ñeeneje yeichö, wäänetöödö mmajöönö. Cajiichaana tamoodedö nanontäi Edoodhe jonno yeewanaaca, tameedä öwö jääcä judhío tödö’se nä’jantodö jonno mmaja; quee cöntö’tajä’acä.

DOSECHO 9:36

Yaawä Joope ña cönä’jaacä wodi. Quedeiyenteje töwö cönä’jaacä, Tawiitaje chäätö; Doodacaaje mmaja chäätö cönä’ja’dea, quidiiyeeco a’deucwe. Ñäädä Doodaca jooje aashichaato tönnöe cönä’jaacä; weiñäje wentumja’como töni’wa’täiñe töwö cönä’jaacä.

DOSECHO 9:38

Yää Joope ñano cönä’jaacä amoinche’da Diida ñano jäcä, Peedhodo cönä’ja’dö döiña; yääje yeijäcä Diida ña Peedhodo weichö eta’jäcä ñanno quedeiyentecoomo aacä dhanwaacomo cönaanontoicho Peedhodo döiña. Ñanno cönä’döa’to Peedhodo wwä: —Ma’da’cä Joope ña ma’chomo; quee.

DOSECHO 9:42

Yää cöneecatai yaawä tameedä Joope ñano weichö wa’cä. Jooje soto Cajiichaana cöneecamjöicho yaawä.

DOSECHO 9:43

Yäätä Joope ña Peedhodo cönä’jaacä äächädä anooto mma, Simón mmai chaca, ñäädä iji’jä choonecaanei mmai chaca.

EEWEDEO 1:14

Ñanno tameedä Wanaadi amoodedö naato tanontaamoje mma, töwääwanaacaamo i’wa’tännamooje anonta’como.