DOSECHO 10:48 - Wanaadi A'deddu

⁴⁸ Töwö Peedhodo wautisaaje cönnöjoicho yaawä Jesuuquidiito eetö joi. Yää ’jeje ñanno cönä’döa’to Peedhodo wwä: —Ñaa jadä eichä äächädä anooto; quee.

DOSECHO 10:48 ပူးပေါင်းရင်းမြစ်များ

JUAN 4:2

Jesuuquidiito jaiñoone wautisaaje ännö’da yeichaame, ñoowanoomadööne wautisaaje soto tönnöeiñe cönä’ja’to.

JUAN 4:40

Yaawä Jesuuquidiito döiña samaaditaanocoomo wä’döa’comjäcä tönwanno cönä’döa’to chäwwä: —Eetä eichä’de ñaa jadä; quee. Yäätä Jesuuquidiito cönä’jaacä chääjadäiñe aacä anooto.

DOSECHO 16:15

Yää ’jeje töwö wautisaaje cönä’döjoi, yä’jimmä’tädö mmaja. Yaawä töwö cönä’döaacä ñaa wwä: —Cajiichaana ecaanö’nei chäänöngatooje äwwäiñe tö’ta’jäcä, ömmai chaca odhoomontäcä, iiña määwa’tätäiye; quee cönä’döaacä. Töwö ñaa amonno’jone yaawä tä’saca.

DOSECHO 19:5

Yää eta’jäcä ñanno wautisaaje cönä’döjoicho yaawä Jesuuquidiito eetö joi.

DOSECHO 2:38

Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.

DOSECHO 8:12

Yaawä Wanaadi töcaajichaanaije tödöödö jäcä Jediipe necammajäätödö eta’jäcä töwwäiñe, Jesuuquidiito ecammajäätödö eta’jäcä mmaja, ñanno soto cöneecamjöicho; wautisaaje cönä’döjoicho yaawä, dhanwaacomo, wodiiñamo mmaja.

DOSECHO 8:16

Epíiditu Santo ’je’da dea yeichomjäcä, chääjäcäiñe ä’tä’da dea yeijäcä; wautisaaje mma cönä’ja’to Jesuuquidiito eetö joi.

CAADATA 3:27

Tameedä änwanno Quidiito jadoncomooje äwä’dödööcomo wetä wautisaaje mä’döjootäneedö Quidiito weichö nönge dea aweichöcoomo na.