DOSECHO 10:43 - Wanaadi A'deddu

⁴³ Mädääje dea jenaadä Jesuuquidiito jäcä töneecammajä’e cönä’ja’to tameedä Wanaadi wa’deuwödö ecammannamo’jödö. Tönwanno töneecammajä’e cönä’ja’to tameedä Jesuuquidiito ecaanö’nei cone’nadiiyö choccatoojo, Jesuuquidiito jäcäinchädä dea; quee cönä’döaacä Peedhodo Conneediyo wwäiñe.

DOSECHO 10:43 ပူးပေါင်းရင်းမြစ်များ

MAADOCO 16:16

Ñäädä ecaanö’nei, wautisaaje yä’dödö, nääwanaaca’de. Aneecanö’jönö mmaane nännanö’a’de.

DUUCA 24:47

Jeduusadén ñano jonnoto’jödöödä töwö chäätö joi tameedä soto wwäine ätääcammajai ña tötö’tajäätödööcomo sha’duminchatoojo, töcoone’nadiiyöcoomo encwanno’jotoojoje.

JUAN 1:45

Yääje mma yaawä Jediipe cöntämä Nataanaeede ujiiye; cönä’döaacä chäwwä: —Ñaa cöneedantäi ñäädä Moisé chääjäcä cömmennäichö, Wanaadi wa’deuwödö ecammannamo chääjäcä cömmennoichodö mmaja; Jesuuquidiito töwö, Naasade ñano, José nnedö; quee cönä’döaacä.

JUAN 20:31

Eetä naadö mma tömennä na ecamjödö wetä äwwäiñe Jesuuquidiito Äwaanacaaneije yeichö, Wanaadi nnedööje yeichö mmaja. Yaawä äwwäiñe ecaanö’a’jäcä aweichöcoomo töweiye na’de, töwö chääjäcäinchädä.

JUAN 5:24

“Chäänönge yääje wä’döa äwwäiñe, ñäädä ya’deddu etaanei, yaanontänei’jödö ecaanö’nei, ñäädä wwä töweiye na yeichö töwaatamemjönö. Ñäädä töwännanö’emööje’da na; töwö töwäämamjönööje töwä’döe yaawä töwäämaamöje töweichö jonno.

DOSECHO 15:9

Äänönge mma Wanaadi cujummaato, cönwanno mmaja, judhíojöncomo mmaja, chääwanööcomo mmaja cöncoccaichö naane’, ecamjödö weijäcä chäwwäiñe.

DOSECHO 2:38

Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.

DOSECHO 26:18

Chäwwadäädäiñe manaanonta menu’täiyeto yaawä, tööjano’tacanno eejöiyeto tawaanato aca, odo’sha woije töweichöcoomo jonno Wanaadi woije eiyeto. Yaawä chäwwäiñe ecaanö’a’jäcä choone’nadiiyöcoomo necocca’de; öwö wu’a’de chäwwäiñe tameedä önconeecadö wwäiñe töwä’tue weneene dea; quee cönä’döaacä Jesuuquidiito öwwä.

DOSECHO 26:22

töwäädä Wanaadi ö’wa’täneene’. Yääje yeijäcä eduuwa naadö jona tödööene ejääduqueejö’da wa; Wanaadi a’deddu ecammajäätödööje dea wäänene tameedä soto wwäiñe, mudeeshi wwäiñe, inchoncomo wwä mmaja. Anejja jäcä aneecammajäätö’da wa, ñanno Wanaadi wa’deuwödö ecammannamo necammajäätö’jocoomo nönge deaane, Moisé necammajäätö’jödö nönge mmaja, yää töweeja’dä’emö jäcä.

DOSECHO 3:16

Ñäädä eetö joi ecamjödö weijäcä naadoncai määdhä dhanwa mene’maatoodö, odhoowanoocomo. Yääne, ecamjödööne nadoncai määdhä aneenedööcomooje.

DOSECHO 3:18

Mädä ännö’jocoomo que chäänönge cönä’döi jenaadä Wanaadi necamma’jödö, yää töwa’deuwödö ecammannamo wwa cöneecammajoi. Edääje töwö cöneecammajoi chäwwäiñe: “Äwaanacaanei töwäntunaanö’emööje na;” quee.

DOMAANO 10:11

Edääje Wanaadi a’deddu imennaajä nä’döa: “Ñäädä ecaanö’nei ämjöichojo’da wa’de;” quee.

DOMAANO 3:21

Eduuwa cowaanäcäiñe na yää Wanaadi jadoonoje wä’dönä ecamjödö que mma yeichö, waanontänä tödöödö que’da yeichö mmaja. Mädääje dea waanontänä imennaajä jäcä cönäätäcammai jenaadä; Wanaadi wa’deuwödö ecammannamo’jödö mädääje cömmennoicho dea.

DOMAANO 5:1

Yääje yeijäcä, ecamjödö jäcäinchädä Wanaadi jadoonoje cöweichomjäcä, äätu’dedööje’da caato eduuwa Wanaadi jadä, Cädhaajotoncomo Jesuuquidiito woije.

DOMAANO 6:23

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

DOMAANO 8:1

Yääje yeijäcä ännanö’jai’cha naato eduuwa ñanno Jesuuquidiito jadoncomo, ñanno tujuunucoomo nijummadö woijemjöncomo, Epíiditu Santo woija’como.

DOMAANO 8:34

¿änääcö mmaja töwännanö’aamoje ane’tädööto deeade’ ? ¿Quidiito ’ja? Ng’jn, Quidiito dea dajaane cöjääcäinchädäiñe cönäämai, töwäämaajo jonno cönaadoncai chea. Töwö na eduuwa Wanaadi nnäcä, ämu’demjönö dö’se, chäwwä cöjääcäiñe wa’deunäje.

CAADATA 3:22

Wanaadi a’deddu imennaajä necamma tameedä soto jedeeso nönge yeichöcoomo töcoone’nadiiyöcoomo awä. Yääje yeijäcä Jesuuquidiito ecamjödö queene Wanaadi necamma’jödö aashichaato nä’tua ecaanö’nnamo wwäiñe.

EUJEESIYO 1:7

Aashicha Wanaadi weichö woije Iiñedö cäwaanacaatäne töwäämadö que, cöcoone’nadiiyöcoomo encwanno’jodö’jo.

CODOOSENSE 1:14

Ñäädä Iiñedö cäwaanacaatäne töwäämadö que; töwö cöcoone’nadiiyöcoomo cönencwanno’joi.

EEWEDEO 13:20

Wanaadi ñäädä täncanoode’da weiñä edhaajä, yäämaajo jonno Cädhaajotoncomo Jesuuquidiito adoncanei’jödö mmaja. Jesuuquidiito ñäädä Cädai’chäneichomo jäduujato, oweeja edai’chäneichomo töweiye naichöjaato. Töwö Jesuuquidiito taquiiyö que chäänönge cönnöi eduuwaato weiñä ecammaajä, yää yeichöödotooje naadö.

1 PEEDHODO 1:11

Yeeja’dätäädö owaajodä Epíiditu Santo chäwwäiñe töneecammajä’e cönä’jaacä Quidiito wäntunaanö’tojo, aashicha weiñä yää ’jeje töweiyemö jäcä mmaja. Ñanno Wanaadi wa’deuwödö ecammannamo a’que töntö’tamme’que töweiye cönä’ja’to ñäädä Epíiditu Santo tötaacaiñe cönä’ja’dö necammadö, ñeecammadö we’tojo cu’nädö mmaja a’que töntö’tamme’que töweiye cönä’ja’to dea.

APOOCADIISI 19:10

Yaawä tä’mudhe wä’döne ñäädä amoode o’wawä, ya’demeecödööje. Töwö cönä’döaacä öwwä yaawä: —Mädääje’daane; Wanaadi anoonö mmaja öwö dea, anöngato mmaja, ajimmä nönga’como mmaja, ñanno chäänönge Jesuuquidiito a’deddu ecammajä’nnamo. Wanaadiiñe ya’deme’cä; quee cönä’döaacä. Ñanno Jesuuquidiito a’deddu ecammajä’nnamo ñanno Wanaadi nutuudu woije töneecammajä’e weneenetoodö.