DOSECHO 10:33 - Wanaadi A'deddu

³³ Yääje yeijäcä yaawä dea mma maneijone; dhamma meejäne’. Eetä ñaa na eduuwa tameedä, Wanaadi owaadäädä. Eta’se ñaa na tameedä Cajiichaana necammajoojätöödö äwwä; quee cönä’döaacä Conneediyo Peedhodo wwä.

DOSECHO 10:33 ပူးပေါင်းရင်းမြစ်များ

MATEO 18:4

Yääje yeijäcä ñäädä määdhä mude’cä’cä nöngato, o’jodhe chö’tajä’jönö, ñäädä ñäädä täneejucaato Wanaadi sotoi antawäiñe.

MATEO 19:30

Eduuwa täneejuque naatoodö dhantai ema’jödööje naato’de. Ñanno eduuwa wentumje naatoodö mmaane dhantai töneejuque naato’de.

MAADOCO 10:15

Chäänönge yääje wä’döa äwwäiñe, mude’cä’cä tönnöe töweiye naichöje Wanaadi acaajichaanaichomooje ännö’da aweiya’comjäcä, Wanaadi sotoije eijai’cha maato; quee cönä’döaacä Jesuuquidiito.

DOSECHO 10:32

Joope ña soto anenno’jacä Simón wetä, ñäädä Peedhodooje mmaja chäätö naichö. Anejja Simón mmai chaca yä’döaajä nai, ñäädä iji’jä choonecaanei, dama jawä immai ñaichö. Ñäädä Simón Peedhodo we’a’jäcä töwö na’deuwa’de äwwä;” quee cönä’döaacä ñäädä dhanwä öwwä.

DOSECHO 10:34

Yaawä Peedhodo cönaajäntäi töwa’deuwödö; cönä’döaacä: —Eduuwa yoowanääcä na Wanaadi ooto’jodhe soto ämjumma’dá yeichö.

DOSECHO 28:28

Yääje yeijäcä jimmä, odhoowanääcäiñe tödöötäcä eduuwa naadö jonno mädä Wanaadi nutuudu wääwanaacatoojo judhíojöncomo wwä yäätäcammadö. Ñannoone netaato’de; quee cönä’döaacä Paudo judhío Dooma ñancomo wwäiñe.

1 CODINTIYO 3:18

Mätäncu’tojootäi’che; anejja adhantawäiñe edä nono de’wono jäcä towaanojo’ne yääcanö’a’jäcä, töwoinchadääne nä’dö’ñojo ñäädä yääjato, towaanojo’ne ä’döiye yaawä, ñeene queene.

CAADATA 4:14

Cone’da cäädäichö weichaame änwanno quiiñemeecö’da mä’ja’quene, jo’ma’da mmaja. Wanaadi amoodedö tödöödö wa’cä mmaane cödöötäne, Jesuuquidiito tödöödö wa’cä mmaja.

1 TEESADOONISENSE 2:13

Ñaa wwä Wanaadi a’deddu ecammajäätödö eta’jäcä äwwäiñe soto wätunnäije ane’tä’da mä’ja’quene; Wanaadi a’deddujeene me’tätääne. Chäänönge me’tätääne, Wanaadi a’dedduune yeiyajä. Yää, Wanaadi a’deddu, aashicha ayöödöaato, änwanno ecaanö’nnamo. Yääje yeijäcä yeichöje aashicha töwa’deuwe ñaa weneene Wanaadi wwä.

SANTIYAACO 1:19

Yääje yeijäcä, jimmä umjummadö, etaacoije eichäcä, a’deucoije’daane, äätömaacoije’da mmaja.

SANTIYAACO 1:21

Yääje yeijäcä e’nomjatääcä tameedä chäänöngemjönö, yää conemjönö äjääcäiñe töweejange weneenedö. O’jodhe ätö’tajä’ancädäiñe’da Wanaadi a’deddu woije eichäcä, yää ñaatö’tädö nönge ätö’tajäätödööcomo aca cönä’natö’täichö. Yää Wanaadi a’deddu jäduuje na adheewanaacadööcomo jäcä.