DOSECHO 10:22 - Wanaadi A'deddu

²² Ñanno cönä’döa’to yaawä chäwwä: —Conneediyo woije ñaa neejä, ñäädä suddau edhaajotoncomo. Aashichaato töwö, Wanaadi tönoiñe töneene. Tameedä judhíocoomo aashicha töwa’deuwe weneeneto chääjäcä, tumjumma mmaja. Wanaadi amoodedö chäwwä cönä’döaacä: “Peedhodo ene’jocä’de adöiña, chäwwä ecammajäätödö metaiye;” quee cönä’döaacä ñäädä amoode; quee cönä’döa’to ñanno Conneediyo sotoi.

DOSECHO 10:22 ပူးပေါင်းရင်းမြစ်များ

MATEO 1:19

Dhanwa aashichaato José cönä’jaacä, ñäädä iiño; Madía cone’da ecaademe’jo’se’da cönä’jaacä. Tacaade’da mmaane e’nomja’se cönä’jaacä.

MATEO 2:12

Yääje mma yaawä töjaatacäiñe cönennacaicho anejja ääma tai. Tönwanno Edoodhe dö’täcä ennaca’da cöneiya’to, yääje töwäänetöödöcoomo ai ecamma’jödö weijäcä.

MAADOCO 6:20

Juan tönnontä Edoodhe weijäcä. Töwö Edoodhe dhowaanäcä cönä’jaacä aashicha Juan weichö, chäänöngatooje yeichö mmaja. Yääje yeijäcä Edoodhía wwä töneewontä cönä’jaacä. Towaanäcä’da Juan necammajäätödö wäätataame Edoodhe eta’se dea töweiye cönä’jaacä.

MAADOCO 8:38

Canno soto masuuduija’como, conemjöncomo antawäiñe öwö Soto nnedö jöichänei yeiya’jäcä, ya’deddu jöichänei mmaja, öwö mmaja wijöicha’dede Jaaja nnataadö ’je we’a’jäcä Jaaja amoodedö aashicha’como jadäiñe; quee cönä’döaacä Jesuuquidiito.

DUUCA 2:25

Yäätä Jeduusadén ña cönä’jaacä dhanwa, Simeón täätö. Ñäädä cönä’jaacä chäänöngato, Wanaadi woije tödöönei. Töwö cönwomo’cacä iisadaaediitacoomo wääwanaacato’como. Epíiditu Santo ’je ñäädä Simeón cönä’jaacä.

DUUCA 23:50

Yäätä cönä’jaacä dhanwa, Joséje chäätö. Aadimaatea ñano töwö cönä’jaacä, yää Judheea ñano jata. Äcamma’jonnamo jimmä töwö cönä’jaacä. Dhanwa aashichaato cönä’jaacä töwö, chäänöngato mmaja.

DUUCA 9:26

Ñäädä öwö Soto nnedö jöichänei, ya’deddu jöichänei mmaja, öwö mmaja wijöicha’dede Cajiichaanaje we’a’jäcä, Jaaja nnataadö jääcä, amoode aashicha’como nnataadö jääcä mmaja.

JUAN 13:20

Chäänönge yääje wä’döa äwwäiñe, yaanonö aashicha tödöödö, aashicha yöödödö wa’cä mmaja na dea. Ñäädä aashicha yöödönei, yaanontänei’jödö aashicha tödöödö wa’cä mmaja na dea; quee cönä’döaacä Jesuuquidiito.

JUAN 17:20

“Canno jäcäiñe mma’da ya’deuwa, ñanno jäcäiñe mmajaane, canno necammajäätödööcomo etaadö’jo yeecanö’nenaamo.

JUAN 17:8

Öwö wowaanomaaneto äwwä yoowanooma’jödö que; tönwanno aashicha cöneeta’to. Tönwanno dhowaanäcäiñe na ojonno weejö’jödö weichö; necaanö’aato dea äwwä yaanontä’jödö.

JUAN 5:24

“Chäänönge yääje wä’döa äwwäiñe, ñäädä ya’deddu etaanei, yaanontänei’jödö ecaanö’nei, ñäädä wwä töweiye na yeichö töwaatamemjönö. Ñäädä töwännanö’emööje’da na; töwö töwäämamjönööje töwä’döe yaawä töwäämaamöje töweichö jonno.

JUAN 6:63

Epíiditu Santo ñäädä weichojo u’nei; ajuunu mmaane wa’tätä’da na. Yää äwwäiñe töneecammajä’e wääneneedö, chäänöngato a’deu yää, Wanaadi jäcoono, weichojo a’deu mmaja.

JUAN 6:68

Simón Peedhodo cönä’döaacä chäwwä: —Owaanomaanei, ¿änääcö wwadäädä ñaa tädö deaade’ ? Amäädä äwwä mmaane yeiyajä yeichöödoto weichojo a’deu.

DOSECHO 10:2

Aashichaato töwö cönä’jaacä; Wanaadi tönoiñe töneene, tameedä yä’jimmä’tädö mmaja. Jooje jödaata tunu’e cönä’jaacä wentumja’como wwä; weiñäje Wanaadi wwä töwa’deuwe cönä’ja’dea.

DOSECHO 10:21

Peedhodo cönä’täi yaawä Conneediyo nenno’jadö döiñaiñe; cönä’döaacä chäwwäiñe: —Öwö ñäädä mujiiyatoodö. ¿Ane’cä döe me’to? quee cönä’döaacä.

DOSECHO 10:30

Yaawä Conneediyo cönä’doaacä: —Aacäichea anooto na eduuwa ye’saca wei’jödö wäänemaanäje; eduuwa naadöje cönä’jaacä. Wanaadi wwä wa’deunäje wä’jaaquene, cho’momöödö waadäi tödöödö töweiye naichöje. Yaawä dhanwa cönäänejoi öwwä, tajääde’dato awä.

DOSECHO 10:33

Yääje yeijäcä yaawä dea mma maneijone; dhamma meejäne’. Eetä ñaa na eduuwa tameedä, Wanaadi owaadäädä. Eta’se ñaa na tameedä Cajiichaana necammajoojätöödö äwwä; quee cönä’döaacä Conneediyo Peedhodo wwä.

DOSECHO 10:6

Töwö na anejja Simón mmai chaca, ñäädä iji’jä choonecaanei, dama jawä immai ñaichö. Ñäädä Simón Peedhodo necamma’de äwwä tödööemö; quee cönä’döaacä amoode Conneediyo wwä.

DOSECHO 11:14

Ñäädä Peedhodo äwwä necamma’de äwääwanaacatoojo, äwä’jimmä’tädö wääwanaacato’como mmaja;” quee cönä’döaacä amoode chäwwä.

DOSECHO 22:12

“Yäätä cönä’jaacä dhanwa, Aananíaje chäätö. Ñäädä tönnöe cönä’jaacä tameedä Moisé waanontä’jödö woije. Tameedä judhíocoomo Damaacu ñancomo aashicha töwa’deuwe cönä’ja’to chääjäcä.

DOSECHO 24:15

Öwö Wanaadi wecaanö’a canno necaanö’aatoodöje mmaja; yä’ja’a’como töwaadonca yeichöcoomo wecaanö’a dea, ñanno aashicha’como, conemjöncomo mmaja.

DOSECHO 6:3

Yääje yeijäcä ajimmotoncomo aneedantätääcä aacä amoojato dhanwaacomo, aashicha’como chääcadö dea, towaanojo’na’como, Epíiditu Santo jäduudu ’ja’como mmaja. Ñanno wwäiñe mädä tödööjotääcä.

DOMAANO 1:17

Yää aashichaato wätunnä necamma ecamjödö jäcäinchädä mma Wanaadi töjaadonooje cödöötäiñe yeichö, anejja jäcäinchädä’da. Edääje Wanaadi a’deddu imennaajä jäcä nä’döa: “Ñäädä Wanaadi jadoono töneecamjödö jäcäinchädä töweichö neneea’de;” quee.

2 CODINTIYO 5:18

Tameedä mädä Wanaadi woijatooje na. Töwö töjaadä ääweichacoonoje cödöötäne Quidiito ai. Ñaa tadaawaajuije cuntui töjaadä ääweichacoonoje soto tödöödöcoomo.

1 TIIMOTEO 3:7

Ñäädä ansiyaano aashicha täcaadö etaajojai ña quedeiyentejöncomo wwäiñe, töjääcä cone’da ya’deuwödööcomo queiñe, odo’sha wwä ätäncu’tojo’no yaawä.

EEWEDEO 10:38

Ñäädä öwö jaadono töneecamjödö jäcäinchädä töweichö neneea’de. Yaawääne’, iiña mmaja yennaca’jäcä ta’cwaiñe’da wa’de chääjäcä; quee nä’döa Wanaadi a’deddu.

EEWEDEO 11:2

Töneecanö’e yeichöcoomo jäcäinchädä ñanno jenaado’jocoomo aashicha täcaadöcoomo cöneetajoicho.

EEWEDEO 12:23

Wanaadi nnacoomo we’jumma’como wwadäädäiñe mmaja, ñanno caju ña chäätöcoomo tömennä naadö. Wanaadi wwadäädä mmaja me’täne dea, ñäädä tameedä soto emmencaneichomo, aashicha’como do’tadööcomo wwadäädä mmaja, ñanno Wanaadi nichoonecaadö,

2 PEEDHODO 3:2

Ätö’tajä’täcä ñanno Wanaadi wa’deuwödö ecammannamo aashicha’como necammajäätö’jocoomo jäcä, Cajiichaana waanontädö jäcä mmaja, ñäädä Cäwaanacaaneichomo. Ñanno anonta’como odhoowanoomatääne yää Cajiichaana waanontädö jäcä.

3 JUAN 1:12

Tameedä soto aashicha töwa’deuwe weneeneto Demeetediiyo jäcä; chäänönge weiñä woije töwö weneene. Ñaa mmaja ñaa owaanäcä na dea chäänönge yeichö. Änwanno odhoowanääcäiñe na chäänönge ñaa necammadö yeichö.

APOOCADIISI 14:10

ñäädä chääjedöödö eccudu nenga’de yaawä, yää Wanaadi nejoodödö ijeenato, cancudu aca accaajä, yää tumjunne’da Wanaadi wwä wätä’maminchajoonä cu’tädö. Ñäädä odoocojaato ya’deme’nei’jödö nätä’maminchaja’de wa’to nwaca, jiyooto comootödö ña, Wanaadi amoodedö neneedöcoomoje, Oweeja nnedö’cä neneedöje mmaja. Iiña wedeinchä nengaato’de, acuudajaada dhatu’jödö jodö joqque.