DOSECHO 10:2 - Wanaadi A'deddu

² Aashichaato töwö cönä’jaacä; Wanaadi tönoiñe töneene, tameedä yä’jimmä’tädö mmaja. Jooje jödaata tunu’e cönä’jaacä wentumja’como wwä; weiñäje Wanaadi wwä töwa’deuwe cönä’ja’dea.

DOSECHO 10:2 ပူးပေါင်းရင်းမြစ်များ

MATEO 25:17

Mädääje dea ñäädä aacä miide jödaata eiñei’jödö; aacä miide jödaata mmaja cöncana’cai chea.

DUUCA 18:1

Edä mmaja Jesuuquidiito chäwwäiñe cöneecammai chea, yö’seenoje, töweejäduuque’ancädä’da weiñäje Wanaadi wwä wa’deunä jäcä.

DUUCA 2:25

Yäätä Jeduusadén ña cönä’jaacä dhanwa, Simeón täätö. Ñäädä cönä’jaacä chäänöngato, Wanaadi woije tödöönei. Töwö cönwomo’cacä iisadaaediitacoomo wääwanaacato’como. Epíiditu Santo ’je ñäädä Simeón cönä’jaacä.

DOSECHO 10:22

Ñanno cönä’döa’to yaawä chäwwä: —Conneediyo woije ñaa neejä, ñäädä suddau edhaajotoncomo. Aashichaato töwö, Wanaadi tönoiñe töneene. Tameedä judhíocoomo aashicha töwa’deuwe weneeneto chääjäcä, tumjumma mmaja. Wanaadi amoodedö chäwwä cönä’döaacä: “Peedhodo ene’jocä’de adöiña, chäwwä ecammajäätödö metaiye;” quee cönä’döaacä ñäädä amoode; quee cönä’döa’to ñanno Conneediyo sotoi.

DOSECHO 10:31

Töwö cönä’döaacä öwwä: “Conneediyo, Wanaadi töneeta weneene töwwä awa’deuwödö; töneene weneene dea wentumja’como i’wa’tädö äwwä.

DOSECHO 10:35

Töwö Wanaadi tameedä soto weichö tumjumma, tönoiñe täneea’jäcä, aashichaato tödööa’jäcä mmaja.

DOSECHO 10:4

Töwö Conneediyo tösaadöje yäätäädä amoode cöneene’maacä; cönä’döaacä chäwwä: —¿Ane’cä mädä, Cajiichaana? quee cönä’döaacä. Yaawä ñäädä amoode cönä’döaacä: —Wanaadi töneeta weneene töwwä awa’deuwödö; töneene weneene dea wentumja’como i’wa’tädö äwwä.

DOSECHO 10:7

Yaawä ñäädä amoode wöta’jäcä Conneediyo cöna’dejjai aacä tanoonö, tooni mmaja suddau. Ñäädä suddau cönä’jaacä Wanaadi tujunne mmaja; Conneediyo wacöötö töwö cönä’jaacä töwoije yeijäcä.

DOSECHO 11:14

Ñäädä Peedhodo äwwä necamma’de äwääwanaacatoojo, äwä’jimmä’tädö wääwanaacato’como mmaja;” quee cönä’döaacä amoode chäwwä.

DOSECHO 13:16

Yaawä Paudo cönammöi; tamäädö que eneejojäätödö que cöneeta’jöichajoicho yaawä; cönä’döaacä chäwwäiñe: —Etaatäcä jimmä, iisadaaediitacoomo, änwanno Wanaadi ñontännamo.

DOSECHO 13:26

“Änwanno jimmä, Aawadán weichö nnacoomo, änwanno mmaja Wanaadi ñontännamo, edääje wä’dö’se wa äwwäiñe: Äwwoncomo mädä wääwanaacatoojo jäcä ecammajäätödö naadö.

DOSECHO 13:50

Yaawä ñanno judhíocoomo cöna’deuwöicho anejjacoomo wodiiñamo täneejuca’como wwäiñe, aashicha’como wwäiñe, dhanwaacomo täneejuca’como wwäiñe mmaja. Tönwanno cöni’jedoicho Paudo, Waanawé jäcäiñe, cone’da yeichöcoomo wetä chääjäcäiñe. Yää ’jeje ñanno täneejuca’como Paudo cönenno’jaicho töjaatadööcomo jonno.

DOSECHO 18:8

Yaawä Quidiipo, ñäädä we’jummatoojo edhaajä, tameedä töwä’jimmä’tätö jadäiñe cöneecamjöi Cajiichaana Jesuuquidiito. Jooje anejjacoomo Codinto ñancomo cöneecamjöicho dea Wanaadi a’deddu ecammajäätödö etaadö’jo. Wautisaaje cönä’döjoicho yaawä.

DOSECHO 2:5

Yaawä Jeduusadén ña cönä’ja’to jooje judhíocoomo, tameedä edä nono de’wono jata waadoinchomo we’a’como. Ñanno cönä’ja’to chäänönge judhío wätunnäichomo tödönnamo.

DOSECHO 22:12

“Yäätä cönä’jaacä dhanwa, Aananíaje chäätö. Ñäädä tönnöe cönä’jaacä tameedä Moisé waanontä’jödö woije. Tameedä judhíocoomo Damaacu ñancomo aashicha töwa’deuwe cönä’ja’to chääjäcä.

DOSECHO 8:2

Anejjacoomo soto aashicha’como Eteewa cöneewaacaicho; jooje cönaamoa’to ijunnei.

DOSECHO 9:11

Yaawä Cajiichaana cönä’döaacä chäwwä: —Ääma’täcä; äjääne Juudha mmai chaca, yää Sa’donnato Ääma taawä naichö. Ecamma’jocä Saudo Taadoso ñano jäcä; töwö Wanaadi wwä wa’deunäje na.

DOSECHO 9:31

Yaawä tameedä Quidiito sotoi täncanoode’da cönä’ja’to; jäduujeiñe cönä’ja’to dea, ñanno Judheea ñancomo, Caadideea ñancomo mmaja, Samaadiya ñancomo mmaja. Tönwanno tönoiñe Cajiichaana Jesuuquidiito töneene cönä’ja’to. Epíiditu Santo ni’wa’tädö que jooje cöneejanga’to.

DOSECHO 9:36

Yaawä Joope ña cönä’jaacä wodi. Quedeiyenteje töwö cönä’jaacä, Tawiitaje chäätö; Doodacaaje mmaja chäätö cönä’ja’dea, quidiiyeeco a’deucwe. Ñäädä Doodaca jooje aashichaato tönnöe cönä’jaacä; weiñäje wentumja’como töni’wa’täiñe töwö cönä’jaacä.

CODOOSENSE 4:2

Yeichöje Wanaadi wwä adha’deutäcä, töwö ya’deme’cancädä, odhoowadäädäiñe aweiyancädäiñe mmaja.

1 TEESADOONISENSE 5:17

Wanaadi wwä yeichöje adha’deutäcä.

SANTIYAACO 1:5

Anejja adhantawäiñe tösejjeque’da tötö’ta’jäcä, Wanaadi wwä nane’cato’ñojo, ä’tuiye chäwwä. Töwö Wanaadi tameedä soto wwäiñe tunu’e, ewontancädä’da, euwancädä’da mmaja.

APOOCADIISI 15:4

¿Änääcö onontä’da eichöde’, amäädä Cajiichaana? ¿Änääcö o’jodhaatoje adhe’tä’da eichöde’? ñäädä mmaane aweiyajä aashichaato. Tameedä sotoocomo ne’aato’de äwwadäädä; awa’deme’caato’de, chäänönge aweichö tacaade yeijäcä; quee soto cöneecanta’ña’to.