DOSECHO 10:11 - Wanaadi A'deddu

¹¹ Töwö caju cöneeneaacä töwaata’duca; cawonno saawana nöngato wä’tädö cöneedantäi yaawä, ijootödö waadäi inchö’dajä’ajä.

DOSECHO 10:11 ပူးပေါင်းရင်းမြစ်များ

MATEO 8:11

Yääje wä’döa äwwäiñe, jooje soto ne’aato’de shii weja’catoojo dö’senno, shii womontojo dö’senno mmaja. Tönwanno Wanaadi jataacäi nääwashinchaato’de Aawadán jadä, Isaaca jadä mmaja, Jacoowo jadä mmaja.

DUUCA 3:21

Yääje mma yaawä tameedä soto wautisaaje yä’döja’comjäcä, Jesuuquidiito mmaja wautisaaje cönä’döjoi chea. Yaawä Wanaadi wwä ya’deuwödaawä caju cönaata’ducai.

JUAN 1:51

Edääje mmaja Jesuuquidiito cönä’döa’dea: —Chäänönge yääje wä’döa äwwäiñe, änwanno meneeato’de caju wata’ducaadö. Wanaadi amoodedö mmaja meneeato’dede, yäncuduucomo mmaja, yä’tädööcomo mmaja Soto nnedö awoodhecääcä; quee cönä’döaacä Jesuuquidiito.

JUAN 11:52

Judhío jäcäinchädäiñe mma’da Jesuuquidiito wäämadö; tameedä soto jäcäinchädäiñeene, tameedä Wanaadi nnacoomo wäämecanta’como i’jummadööcomo wetä.

JUAN 12:32

Öwö edä nono jonno waatannä’ja’jäcä tameedä soto wene’aato’de öwwadäädä; quee cönä’döaacä Jesuuquidiito.

DOSECHO 10:12

Yää saawana nöngato de’wä cönä’ja’to tameedä odoocoja’como weichö wa’cä, äcääyu mmaja, tadiiñaamo mmaja.

DOSECHO 11:5

—Joope ña weichö, Wanaadi wwä wa’deunäje weichawä, wäneetönaawoto nönge wä’jaaquene. Yaawä saawana nöngato weneeaqueene, ijootödö waadäi inchö’dajä’ajä. Öwwadäädä cöne’acä caju ñanno.

DOSECHO 7:56

Yaawä Eteewa cönä’döaacä: —Caju wata’ducaadö eneetäcä. Soto nnedö näänea jiidi Wanaadi nnäcä, ämu’demjönö dö’se; quee cönä’döaacä.

DOMAANO 1:16

Aashichaato wätunnä jöichajo’da na yää Wanaadi töjääduduuje tönnöe yeijäcä tameedä ecaanö’nnamo ewaanacaato’comooje, judhío ewaanacaato’comooje awa’de, judhíojöncomo ewaanacaato’comooje mmaja.

DOMAANO 9:4

Tönwanno naato Iisadaaeeda atöödöje; Wanaadi tönnedööje cönnöicho; chääjadäiñe töwö töweiye cönä’jaacä aashicha töweichö eneejancädä chäwwäiñe. Töwö Wanaadi chäwwäiñe cöneecammai töwwä tödöötojo, waanontänä Moisé nimennä’jödö mmaja, Wanaadi weichojo taca chäwwäiñe tödööemö mmaja, töneecamma’jödö mmaja, yää aashicha tödööto’como jäcä.

CAADATA 2:15

Judhíocoomo neene ñaa, judhío nnacoomo mmaja, conemjönö dönnamoojönö, anejjacoomo soto weneenetoodöje’da.

CAADATA 3:28

Quidiito jadä weiñä töweiye nai judhíoje’da, quidiiyeecoje’da mmaja, tädhaajäque weiñä ’je’da mmaja, töwö daja weiñä ’je’da mmaja; wodiije weiñä a’que mmaja, dhanwaaje weiñä a’que mmaja. Jesuuquidiito jadä äwä’dödööcomo que tameedä änwanno äänöngeiñe maato.

EUJEESIYO 1:10

Edääje na yää inchö’tammecöödö: Chu’nä’taajä aca yä’döa’jäcä töwö Wanaadi tameedä nejoodöjaato’de, caju ña naatoodö, nono de’wä naatoodö mmaja, Quidiito iju’jocoomoje.

EUJEESIYO 3:6

Edä yää owaanojöönö’jödö: Aashichaato wätunnä ecammajäätödö que ñanno judhíojöncomo naato eduuwa Wanaadi nutuudu eiñamooje, judhío naatoodöje mmaja. Tönwanno judhíojöncomo naato dea yää dea ejööje mmaja, Wanaadi necamma’jödö enennamooje töweiyaamoje mmaja, yää Jesuuquidiito jäcäinchädä cöneecammaichö.

CODOOSENSE 3:11

Yääje weiñä töweiye nai quidiiyeecoje’da, judhíoje’da mmaja, siicunsidaadojaatoje’da mmaja, yääjemjönööje’da mmaja, ema’jödööje’da mmaja, shidiishanaaje’da mmaja, dhanoonöje’da mmaja, töwö dajaatoje’da mmaja. Quidiitoone na; töwö na tameedä cötaacaiñe.

APOOCADIISI 11:19

Yaawä Wanaadi weichojo cönaata’ducai caju ña. Yää jatuuwa, ñeecamma’jödö imennaajä ewöötö, cönääneaacä Wanaadi weichojo taca. Cönäncucui yaawä; cadeemedu cönäätai chea; cöneetötöömai chea. Nono cönäätu’mei yaawä; i’chajö adai’jocoomo cönä’mei chea.

APOOCADIISI 19:11

Yaawä weneeaqueene caju wata’ducaadö. Yäätä cönääneaacä cawaayu, tajääde’de. Ye’wono eetö cönä’jaacä Aashichaatoje, Chäänöngatooje mmaja, chäänönge tönemmenca yeijäcä, töweewänä’tä mmaja.

APOOCADIISI 4:1

Yääje mma yaawä caju ña weneeaqueene mönaatata, ta’duque’da. Yää a’deu, janau’cwa wäätadö nönge awa’de öwwä cönäätaichö mmaja, cönäätai chea yaawä; edääje cönäätaacä: —Sadä adhäänu’cä, äwwä weneejoiye äcuude töweeja’dä’emö; quee cönäätaacä.