DOSECHO 10:1 - Wanaadi A'deddu

¹ Yaawä Seesadeea ña cönä’jaacä dhanwa, Conneediyo täätö. Töwö cönä’jaacä suddau Itaadiya ñancomo edhaajotoncomooje.

DOSECHO 10:1 ပူးပေါင်းရင်းမြစ်များ

MATEO 27:27

Yääje mma yaawä acu’shänä anoonö suddau Jesuuquidiito cönaadoicho acu’shänä ewöötö taca. Yöiña cöni’jummaicho tameedä töjimmotoncomo.

MATEO 27:54

Nono wätu’medö eneea’jäcä, tameedä yääje yeeja’dätäädö eneea’jäcä suddau edhaajotoncomo wwä, Jesuuquidiito edai’chännamo wwäiñe mmaja, tönwanno jooje cönääcatoncaicho; cönä’döa’to: —Wanaadi nnedö dämma määdhä nä’jaanä; quee cönä’döa’to.

MAADOCO 15:16

Yääje mma yaawä ñanno suddau Jesuuquidiito cönaadoicho acu’shänä ’dodoi aca. Tameedä töjimmotoncomo cöni’jummaicho yaawä.

DUUCA 7:2

Yäätä cönä’jaacä suddau edhaajotoncomo, domaano töwö. Töwö dhanoonö cädäije cönä’jaacä, wäämanääje. Imjummadö ñäädä cönä’jaacä.

JUAN 18:12

Yaawä ñanno suddau, chäädhajootoncomo mmaja, judhío anoonö mmaja, Jesuuquidiito cönaajoicho; cömmöicho yaawä.

JUAN 18:3

Yaawä Juudha cöntämä iiña suddau jadäiñe, Wanaadi weichojo edai’chännamo jadäiñe mmaja. Ñanno cönä’ja’to Wanaadi wwä töwa’deuwaamo edhaajotoncomo nenno’ja’jocoomo, jaadiseeo nenno’ja’jocoomo mmaja. Tönwanno töwaichaqueiñe cönä’ja’to, adhaawa dha’me mmaja.

DOSECHO 10:24

Yää jenamma naadöje cönä’döicho yaawä Seesadeea ña. Yäätä Conneediyo yoomocöödöcoomoje cönä’jaacä töwä’jimmä’tädö jadäiñe, töjaatawoncomo jadäiñe mmaja, ñanno ña’dejjadö dea.

DOSECHO 21:31

Yaawä chäwwäiñe Paudo emaadawä anejjacoomo soto suddau edhaajotoncomo wwä cöneecammaicho tameedä Jeduusadén ñancomo wewoodoichadööcomo.

DOSECHO 21:8

Yää jenamma naadöje yäätonno Paudo cöntämä Seesadeea ña; ñaa mmaja ñaa cöntännea chääjadä. Iiña ñaa cönoomomöi Jediipe mmai chaca, ñäädä Wanaadi a’deddu ecammajä’neije anontaajä. Töwö Jediipe cönä’jaacä diyaacono jimmä. Ñäädä jadä ñaa cönä’jaacä yaawä.

DOSECHO 22:25

Yaawä taiju’jätöödö wetä tömööa’jäcä Paudo cönä’döaacä suddau wwä: —¿Mädääje ca domaano tödöödö töweiye nai, ecamma’jodö’jo’da mmädä aiju’jätöödö? quee cönä’döaacä Paudo.

DOSECHO 23:23

Yääje mma yaawä suddau edhaajotoncomo cöna’dejjai aacä tösootoi; suddau edhaajotoncomooje mmaja ñanno cönä’ja’to dea. Töwö cönä’döaacä chäwwäiñe: —Amoojadä soto suddau aneejodöötäcä tu’juduucomo que töötaamo, yää ’jeje amoojadä sotooto de’wä amoojadä cawaayu de’wä töötaamo mmaja, yää ’jeje amoojadä soto suddau sucuuji edhaamo mmaja. Seesadeea ña nötä’ña’to’de coijai, yo’taca ä’döjai yä’döa’jäcä.

DOSECHO 23:33

Yaawä Seesadeea ña töwä’döa’comjäcä acu’shänä wwä jajeeda cuntuicho, Paudo mmaja.

DOSECHO 25:1

Yääje mma yaawä aaduwaawä anooto acu’shänääje töwääwaaca’jeje Jeetu Jeduusadén ña cöntämä Seesadeea ñanno.

DOSECHO 25:13

Yääje mma yaawä äächädä anooto ’jeje Seesadeea ña cajiichaana Aaquidiipa cöneejä, töjiiñamo Weedeniise acä, Jeetu ene.

DOSECHO 27:1

Itaadiya ña ñaa adoojotoojo cu’nädö aca yä’döa’jäcä Paudo cuntuicho yaawä suddau wwä, anejjacoomo jedeeso mmaja cuntuicho dea. Juudiyu täätö cönä’jaacä ñäädä suddau. Töwö cönä’jaacä acu’shänä Awuutu sotoije, töweewänä’taamo jimmä.

DOSECHO 27:31

Yaawä yä’tädaawäiñe Paudo cönä’döaacä suddau wwäiñe, chäädhajootoncomo wwäiñe mmaja: Canno wöta’comjäcä änwanno ääwanaaca’da meichantäi’che; quee cönä’döaacä.

DOSECHO 27:43

Chäädhajootoncomo mmaane, ñäädä Paudo edai’chäneije cönä’ja’dö, ñanno jedeesoja’como ämja’jo’daiñe cöneiya’to chäwwäiñe, Paudo emaajo’se’da töweijäcä. Töwö cönä’döaacä: —Töjääna’como ne’duca’ña’to awa’de na’cwaca, nono ejoodöiyeto.

DOSECHO 8:40

Jediipe mmaane Asooto ña cönäädantäi yaawä. Aashichaato wätunnä cöneecammajäätöi tameedä jata waadäi, Seesadeea ña töwä’dödö jonaane.