DOSECHO 1:8 - Wanaadi A'deddu

⁸ Änwanno äjääduduucomo na’de Epíiditu Santo yä’ta’jäcä äjääcäiñe. Yaawä cäcammajä’ato’de Jeduusadén ña, tameedä Judheea ña mmaja, Samaadiya ña mmaja, tameedä yeichö wa’cä edä nono de’wä; quee cönä’döaacä Jesuuquidiito.

DOSECHO 1:8 ပူးပေါင်းရင်းမြစ်များ

MATEO 24:14

Aashichaato wätunnä, yää Wanaadi töcaajichaanaije tödöödö jäcoono, nätääcammajä’a’de tameedä jata weichö wa’cä, tameedä sotoocomo netaadöcoomoje. Yaawä jeene na’de anooto wataamedö.

MATEO 28:19

Yääje yeijäcä ojoncomo. Soto owaanomaatantäcä tameedä jata weichö wa’cä. Wautisaaje tödöötäcä’de Jaaja eetö joi, Iiñedö eetö joi mmaja, Epíiditu Santo eetö joi mmaja.

MAADOCO 16:15

Töwö cönä’döaacä chäwwäiñe: —Ojoncomo’de tameedä nono weichö wa’cä. Aashichaato wätunnä ecammajä’täcä’de tameedä soto wwäiñe.

DUUCA 1:35

Amoode cönä’döaacä: —Epíiditu Santo nä’ta’de äjääcä; O’jodhaato jäduudu aneejonta’de. Yääje yeijäcä ñäädä ännedö töwennueemö Aashichaatoje nätä’täja’de, Wanaadi nnedööje.

DUUCA 10:19

Äwwäiñe wu’ne äcääyu etaajatoojo, mönäätä mmaja, tameedä cutu’de’täneichomo jäduudu e’jodheinchatoojo mmaja. Tönwanno mmaane ayöödöjaiñe’da naato.

DUUCA 24:29

Tönwanno wejiiñäje tödö’täiñe cönnö’nä’ja’to. —Eetä eichä ñaa dö’tä, mäntä mma oco’momö’no; quee cönä’döa’to. Jesuuquidiito cönoomomöi yaawä chääjadäiñe.

JUAN 15:27

Änwanno mmaja jääcä mecammajä’ato’dede, yaajäntä’jödö jonnoto’jödöödä jaadä aweichomjäcä.

DOSECHO 1:22

Juan wwä wautisaaje Jesuuquidiito wä’döjo’jödö jonnoto’jödöödä cäju ña iichä’jödö jona tödööene cöjaadoncomo’jödö dea eijai ña. Yaawä ñäädä cöjaadäiñe eijai ña töwäämaajo jonno Jesuuquidiito waadonca’jödö jäcä ecammajä’neije; quee cönä’döaacä Peedhodo quedeiyente wwäiñe.

DOSECHO 1:5

Juan Wautiita wautisaaje tönnöe cönä’jaacä tuna que; änwanno mmaane wautisaaje mä’döjaato’de Epíiditu Santo queene, wanna anoototo ai’cha mma; quee cönä’döaacä Jesuuquidiito chäwwäiñe.

DOSECHO 13:31

Yää ’jeje wanna anooto Jesuuquidiito cönäänejoi ñanno Caadideea ñanno Jeduusadén ña töjaadoncomo wöto’jocoomo wwaiñe. Ñanno naatoodö eduuwa chääjäcä soto wwäiñe ecammajä’nnamooje.

DOSECHO 2:32

Ñäädä dea Jesuuquidiito Wanaadi cönaadoncai yäämaajo jonno; tameedä ñaa owaanäcä yääje yeichö, eneetö’da.

DOSECHO 22:15

Amäädä ma’de dha’deddu ecammajä’neije tameedä soto wwäiñe. Yää aneene’jödö jäcä mecammajä’a’de chäwwäiñe, aneeta’jödö jäcä mmaja.

DOSECHO 3:15

Mädääje änwanno memaatäne ñäädä weichojo edhaajä. Yääje yeichaame Wanaadi cönaadoncai yäämaajo jonno; ñaa owaanäcä na yääje yeichö, eneetö’da.

DOSECHO 4:33

Ñanno anonta’como jooje jäduuje töneecammajä’e cönä’ja’to töwäämaajo jonno Cajiichaana. Jesuuquidiito waadonca’jödö jäcä. Wanaadi tameedä töni’wa’täiñe töweiye cönä’jaacä.

DOSECHO 5:32

Mädä jäcä ecammajä’neije ñaa na, Epíiditu Santo mmaja. Wanaadi Epíiditu Santo tunu’e weneene tameedä töwoije tödöönei wwä; quee Peedhodo cönä’döa’to äcamma’jonnamo wwä.

DOSECHO 6:8

Eteewa wwä cönä’jaacä Wanaadi nutuudu ecaanö’tojo; Wanaadi jäduudu ’je cönä’ja’dea. Töwö soto neneedöcoomoje aashichaato tönnöe cönä’jaacä, ene’ju’tojo mmaja.

DOSECHO 8:1

Saudo wacö’je Eteewa cöneemaicho. Yää anooto awä soto cönaajäntoicho tumjunne’da Quidiito sotoi Jeduusadén ñancomo maminchadööcomo. Yaawä tameedä ñanno Quidiito sotoi cönäämecantoicho Judheea ña, Samaadiya ña mmaja; anonta’como mma yäätä Jeduusadén ña cönä’ja’to.

DOMAANO 10:18

¿Aashichaato wätunnä ecammajäätödö aneeta’da ca iisadaaediitacoomo naicho, yääje yeiya’jäcä? Ng’jn, aneeta’da’da. Edääje Wanaadi a’deddu imennaajä nä’döa: Ñeecammajäätödööcomo töwäämecantä na tameedä nono weichö wa’cä; dha’dedducoomo mmaja töwääta na tameedä nono juntaichomo weichö wa’cä; quee imennaajä nä’döa.

DOMAANO 15:19

ene’ju’tojo tödöödö que mmaja, täneemö tödöödö que mmaja; Epíiditu Santo jäduudu que yää wödööne. Mädääje wä’cane Quidiito wätunnäi ecammajäätödö, yää aashichaato wätunnä. Yää wecammajä’ne Jeduusadén ña, tameedä yeichö wa’cä mmaja, Idíidico ña tödööene.

CODOOSENSE 1:23

Töwö mädääje ayöödöaato’de ecamjödööje dea aweiya’comjäcä, jäduuje aweiya’comjäcä mmaja, wo’womo’nä jonno ääsecaajo’da aweiya’comjäcä mmaja, yää aashichaato wätunnä necammajäätödö metaatäneedö jonno. Yää aashichaato wätunnä tameedä soto wwäiñe nätääcammajä’a, öwö Paudo ecammajä’neije waadö.