DOSECHO 1:6 - Wanaadi A'deddu

⁶ Tujuumä töweichöcoomo ñanno anonta’como Jesuuquidiito cöneecamma’joicho: —Cajiichaana, ¿eduuwaane ca iisadaaediitacoomo jäduuje mödööanto, anejjacoomo sotoije’da? quee cönä’döa’to.

DOSECHO 1:6 ပူးပေါင်းရင်းမြစ်များ

MATEO 17:11

Jesuuquidiito cöneccujä’a’to; cönä’döaacä: —Chäänöngato mädä; Edía ne’a’de. Töwö tameedä nichooneca’de.

MATEO 20:21

Jesuuquidiito cönä’döaacä chäwwä: —¿Ane’cäämö mijummaanä? Ñäädä wodi cönä’döaacä yaawä: —Cajiichaanaje äwä’döa’jäcä canno önnacoomo aacä naatoodö ännäcä nataajima’ña’to’de, ääjato; quee cönä’döaacä.

MATEO 24:3

Yaawä Odiiwo ’jödö ña cöntonto. Yäätä Jesuuquidiito wataajima’jäcä, töjääcäjeeneiñe töweichaawäiñe, ñoowanoomadö cönä’döa’to chäwwä: —Ñaa wwä ecammajä’cä; ¿ächännauwä’cä yää nai’che? ¿Ane’cäämö nai’che awe’tojo ene’ju’tojooje, anooto wataamedö ene’ju’tojooje mmaja? quee cönä’döa’to.

MAADOCO 9:12

Töwö cöneccujä’a’to; cönä’döaacä chäwwäiñe: —Chäänöngato mädä; Edía awa’de ye’tojo na, tameedä choonecaaneije. Öwö, Soto nnedö, jääcä imennaajä töweiye na, yää wäntunaanö’tojo jäcä, wä’quiiñeme’jotoojo jäcä mmaja.

DUUCA 17:20

Jaadiseeo Jesuuquidiito cöneecamma’joicho Wanaadi cajiichaanaje yä’dötoojo cu’nädö jäcä. Yaawä Jesuuquidiito cöneccujä’a’to: —Täne’daane Wanaadi cajiichaanaje yä’dödö nai;

DUUCA 19:11

Soto wwäiñe töneecammajäätödö etaadawä, Jesuuquidiito cöna’deuwöi chäwwäiñe yö’seenoje. Jeduusadén ñano jäcä amoinche’da Jesuuquidiito weijäcä yaawä dea mma Wanaadi cajiichaanaje yeichö yäänejaatäi ñanno soto cöneecanö’a’to.

DUUCA 22:29

Yääje yeijäcä cajiichaanaje aweicho’como wu’a’de äwwäiñe, Jaaja öwwä cajiichaanaje weichojo cuntuichöje mmaja.

JUAN 21:21

Ñäädä eneea’jäcä Peedhodo wwä töwö cönä’döaacä Jesuuquidiito wwä: —¿Määdhä ’na; aaquene määdhä weichojo nai? quee.